1 Bakorinto 6:15 - Indagano Inyaaya mu-Chijita

¹⁵ Mutakumenya ati emibhiri jeemwe, ni bhiwuga bhya omubhiri gwa Kirisito? Woori, nigege omubhiri gwani, gunu guri chiwuga cha omubhiri gwa Kirisito, na okugugwatanya na omubhiri gwa omugasi unu keegusya okwibhonera ribhona? Wuri, noorwo na akatyari!

INDAGANO INYA:YA

¹⁵ ?Si mutakumenya ati, emibiri jemwe ni ŋingo ja Kristo? ?Mbe nigege jiŋingo ja Kristo nijikore ŋingo ja muromerwa? Na katyari uri!

1 Bakorinto 6:15 ပူးပေါင်းရင်းမြစ်များ

Ruuka 20:16

Ariija abhasingaarisye bhoone, aribha aamara ariweekesya risambu eryo ku‑bharimi abhandi!” Abhaanu bhanu ꞉bhoonguuwe emisango ejo, nibhaayika ati, “Wuri, ejo jaasiga okukorekana siku joone!”

Barumi 12:5

Nikwo kutyo eswe wone chiri. Eswe chiri bhaafu, nawe chaabha omubhiri gumwi mu‑kubha na obhumwi na Kirisito. Ku‑mubhiri gwaye, bhuri muunu ni chiwuga ku‑weejaabho.

Barumi 3:31

Angu woori, omwanya gunu echikomeeresya okwikirisya Yeesu, okwingana na okwayika ati ebhiraagiro bhya Muusa bhitari na omuriiro? Wuri, noorwo na akatyari! Nawe chikeekirisya Yeesu, niwo echibha chikuumisiisye joone jinu ebhiraagiro bhya Muusa bhiragiriiye.

Barumi 3:6

Wuri, noorwo na akatyari! Jikabheeye jiri kutyo, Nyamuwanga akabheeye na obhurengeresi ki bhwa okuramura abhaanu bha ku‑chaaro?

Barumi 6:15

Woori chaayike ki? Angu, chigenderere okukora ebhibhiibhi, kwa okubha chitakutangasibhwa na obhuturo bhwa ebhiraagiro, tari echitangasibhwa na obhwitiriranya bhwa Nyamuwanga? Wuri, noorwo na akatyari!

Barumi 6:2

Wuri, noorwo na akatyari! Eswe chaabha rwa abhafuuwe ku‑misango ja okukora ebhibhiibhi. Kurwa ejo, chitakutura okugenderera okwikara rindi mu‑bhibhiibhi.

Barumi 7:13

Nawe araabha nikwo kutyo, angu, echiinu cha ekisi echo nicho ꞉chaandeetereeye orufu? Wuri, noorwo na akatyari! Echibhiibhi nicho ꞉chaandeetereeye orufu ku‑njira ya echiraagiro chinu chiri cha ekisi. Bhwariga bhuri bhutinge bhwa Nyamuwanga ati echiraagiro chibhe nicheeresya abhwerubhweru ati, echibhiibhi ni chiinu echibhiibhi muno.

Barumi 7:7

Woori chaayike ki? Chaayike ati, ebhiraagiro ni bhibhiibhi? Wuri, noorwo na akatyari! Nawe araabha ebhiraagiro bhitaakabheeye‑wo, nitaakamenyere ati ebhibhiibhi ni bhiinu ki. Araabha chitaakabheeye‑wo echiraagiro chinu echaayika ati, “Waasiga okurigira echiinu cha oweejaanyu,” nitaakamenyere ati okurigira echiinu cha omuunu owundi, ni kukora echibhiibhi.

1 Bakorinto 11:3

Nawe woori eneenda mumenye ati omutwe gwa omurume woonewoone omwikirisya ni Kirisito, omutwe gwa omugasi ni murume waaye, na omutwe gwa Kirisito ni Nyamuwanga.

1 Bakorinto 12:27

Mbe, emwe bhoone muri mubhiri gwa Kirisito, na bhuri umwi weemwe ni chiwuga ku‑mubhiri ogwo.

1 Bakorinto 6:13

Abhandi agati yeemwe abhaayika ati, “Ebhiryo ni inguru ya inda, na inda ni inguru ya ebhiryo.” Nikwo kutyo jiri, nawe Nyamuwanga arinyamura bhyone bhibhiri. Omubhiri ꞉gutaabhumbirwe inguru ya okukora obhuromesi, tari inguru ya okukorera Raatabhugenyi emirimu, Raatabhugenyi omwene niwe kaangarira omubhiri.

1 Bakorinto 6:17

Nawe omuunu woonewoone unu kaagwatana na Raatabhugenyi, kaabha mwoyo gumwi nage.

1 Bakorinto 6:19

Mutakumenya ati, emibhiri jeemwe nijo riyekaru rya Mwoyo Mweru unu Nyamuwanga ꞉aabhayaaye, ka wone Mwoyo Mweru eekaaye mu‑myoyo jeemwe? Kutyo, emibhiri ejo jitari jeemwe, tari ni ja Nyamuwanga,

1 Bakorinto 6:3

Mutakumenya ati chiriramura noorwo bhamaraayika? Araabha nikwo kutyo jiri, mbe, omukenwa mumare emisango ja obhurame bhwa bhuri rusuku.

Bagalatia 2:17

Eswe echiyenjeresya okubharwa ati chiri abharengeresi imbere ya Nyamuwanga mu‑kubha na obhumwi na Kirisito, nawe abhaanu abhandi abhaayika ati eswe wone chaabha abhakosi bha ebhibhiibhi. Angu, ni chimari ati Kirisito kaachikora okubha abhakosi bha ebhibhiibhi? Wuri, noorwo na akatyari!

Bagalatia 3:21

Woori angu, jitari ati ebhiraagiro ebhiyaajana na emirago jinu Nyamuwanga ꞉aaragire? Wuri, noorwo na akatyari! Araabha bhwakabheye‑wo obhuturo bhwa ebhiraagiro okuyaana abhaanu obhuwanga, mbe chaakaturire okubharwa ati chiri bharengeresi imbere ya Nyamuwanga kwa okuruubha ebhiraagiro.

Bagalatia 6:14

Nawe anye nitakwenda nibhe na omusango gwa okwikumangisya, tari musarabha gwa Raatabhugenyi weeswe Yeesu Kirisito. Okuruubhana na orufu rwaye, emisango joone ja echaaro chinu jitari na obhugajuro kw‑anye, na bhumuunu bhwani bhwa kara bhubhambirwe aamwi nage ku‑musarabha.

Baefeso 4:12

꞉Aabhateeye‑wo bhakore abheeru bha Nyamuwanga bhabhe bhatengeejere inguru ya emirimu ja obhukosi, korereki rikanisa rya Kirisito ryumbakwe, eryo nigwo omubhiri gwaye.

Baefeso 5:23

Okubha omurume niwe omutwe gwa omugasi, rwa Kirisito kutyo ari omutwe gwa rikanisa, gunu guri omubhiri gwaye, ka wone, Kirisito omwene, niwe Omuchungusi waaryo.

Baefeso 5:30

kwa okubha eswe chiri bhiwuga bhya omubhiri gwaye.

Bakolosai 2:19

Abhaanu abho bheekindikire okusooka ku‑Kirisito omutangasya wa rikanisa, niwe omutwe gwa omubhiri gwaye. Kirisito niwe kaariisya na okugwatanya aamwi ebhiwuga na jinga joone. Ku‑njira eyo, omubhiri gwaye gwone ogukura kisi rwa kutyo Nyamuwanga keenda.