1 Bakorinto 6:13 - Indagano Inyaaya mu-Chijita

¹³ Abhandi agati yeemwe abhaayika ati, “Ebhiryo ni inguru ya inda, na inda ni inguru ya ebhiryo.” Nikwo kutyo jiri, nawe Nyamuwanga arinyamura bhyone bhibhiri. Omubhiri ꞉gutaabhumbirwe inguru ya okukora obhuromesi, tari inguru ya okukorera Raatabhugenyi emirimu, Raatabhugenyi omwene niwe kaangarira omubhiri.

INDAGANO INYA:YA

¹³ Ebiryo ni kubwa inda, na inda ni kubwe biryo, nawe Nyamuanga arimarao byone ku bubiri. Nawe omubiri gutabeeo kurwo buromesi, nawe ni kurwa Ratabugenyi. Na Ratabugenyi one ni kubwo mubiri.

1 Bakorinto 6:13 ပူးပေါင်းရင်းမြစ်များ

Matayo 15:17

Mutakusombookerwa ati echiinu choonechoone chinu echiingira mu‑kanwa, echija mu‑nda ya omuunu, nichiiya nichisooka mu‑mubhiri gwaye nichisirwa emwira?

Matayo 15:20

Emisango ejo joone, nijo ejijabhiyasya omuunu. Nawe omuunu okurya ebhiryo ateesaabhire amabhoko kutakumukora ajabhiyare.”

Mariko 7:19

Ebhiryo bhitakwingira mu‑mwoyo, tari ebhitura mu‑nda era na nibhisooka mu‑mubhiri gwaye nibhisirwa emwira.” Yeesu ꞉aayikire kutyo, obhugajuro bhwaye bhuri ati, ebhiryo bhyone bhibhe nibhiriibhwa.

Yowana 6:27

Mwasiga okukora emirimu inguru ya okubhona ebhiryo bhinu ebhinyamuka, tari mukorega emirimu inguru ya okubhona ebhiryo bhinu bhitakunyamuka, ka wone ebhiyaana abhaanu obhuwanga bhwa akajaanende koone. Anye Omwana wa Omuunu, eniyaana abhaanu ebhiryo ebhyo, kwa okubha Raata Nyamuwanga anaaye obhuturo bhwa okukora kutyo.”

Yowana 6:49

Bhasaaja waanyu ꞉bhaariiye emanu mw‑ibhara, noorwo kutyo ꞉bhaafuuwe.

Barumi 12:1

Woori abhayiri bhaani, mumenyere kutyo Nyamuwanga kaachifwira echigongo. Kurwa ejo mbe, enibheerembeeresya ati, mwisoosye obhurame bhwemwe ku‑Nyamuwanga. Mubhe rwa ebhyogo bhinu bhiri ebhiwanga na ebhyeru, bhinu ebhimukondisya. Eyo niyo injira ya echimari ya okumuramya.

Barumi 14:17

Okubha emisango ja bhusibhusi mu‑bhukama bhwa Nyamuwanga kutari kurya amwi okunywa, nawe ni kukora eja obhurengeresi imbere ya Nyamuwanga, okubha na omurembe na rikonderwa. Ejo joone ejiturikana ku‑bhusakisi bhwa Mwoyo Mweru.

Barumi 6:12

Kurwa ejo, mwasiga okwikirisya echibhiibhi chitunge emibhiri jeemwe jinu ejifwa. Mwasiga okwikirisya okukururwa na okurigira okubhiibhi kwa emibhiri jeemwe.

Barumi 7:4

Abhayiri bhaani, emisango ejo nikwo kutyo jiri kw‑imwe wone. Noorwo emwe mutakubhoywa rindi na ebhiraagiro bhya Muusa, kwa okubha mufuuwe aamwi na Kirisito ku‑musarabha. Woori emwe muri bhaanu bha Kirisito unu ꞉aasuuruuywe okusooka mu‑bhafuuwe, korereki obhurame bhweswe bhubhe na amatwasyo ga ekisi inguru ya Nyamuwanga.

1 Bakorinto 3:16

Angu, mutakumenya ati, emwe muri riyekaru rya Nyamuwanga, ka wone ati Mwoyo wa Nyamuwanga eekaaye mw‑imwe?

1 Bakorinto 6:15

Mutakumenya ati emibhiri jeemwe, ni bhiwuga bhya omubhiri gwa Kirisito? Woori, nigege omubhiri gwani, gunu guri chiwuga cha omubhiri gwa Kirisito, na okugugwatanya na omubhiri gwa omugasi unu keegusya okwibhonera ribhona? Wuri, noorwo na akatyari!

1 Bakorinto 6:19

Mutakumenya ati, emibhiri jeemwe nijo riyekaru rya Mwoyo Mweru unu Nyamuwanga ꞉aabhayaaye, ka wone Mwoyo Mweru eekaaye mu‑myoyo jeemwe? Kutyo, emibhiri ejo jitari jeemwe, tari ni ja Nyamuwanga,

2 Bakorinto 11:2

Anye enibhafuyira, rifuwa rinu erisooka ku‑Nyamuwanga, kwa okubha muri rwa omuyarajuma, unu ꞉naasandiiye obhuko omurume umwi, omurume oyo niwe Kirisito.

2 Bakorinto 5:15

Omuunu oyo ꞉aafuuwe inguru ya abhaanu bhoone, korereki bhanu bharamire, bhasige okurama inguru yeebhwe abheene, tari bharame inguru ya unu ꞉aafuuwe na okusuuruka inguru yeebhwe.

Bagalatia 5:24

Abhaanu bhanu bhari na obhumwi na Kirisito Yeesu, bhatakutungwa na okurigira kwebhwe kwa omubhiri aamwi na obhwiganirisya bhwebhwe obhubhiibhi. Bhaabhambire okurigira okwo, ku‑musarabha gwa Yeesu.

Baefeso 5:23

Okubha omurume niwe omutwe gwa omugasi, rwa Kirisito kutyo ari omutwe gwa rikanisa, gunu guri omubhiri gwaye, ka wone, Kirisito omwene, niwe Omuchungusi waaryo.