1 Bakorinto 6:11 - Indagano Inyaaya mu-Chijita

¹¹ Abhandi agati yeemwe bhaariga bhari kutyo. Nawe woori, kwa okutura ku‑Raatabhugenyi weeswe Yeesu Kirisito, na ku‑managa ga Mwoyo wa Nyamuwanga weeswe, mwosibhwa obhujabhi bhwemwe, mwesibhwa, na okubharwa ati muri bharengeresi imbere ya Nyamuwanga.

INDAGANO INYA:YA

¹¹ Ka na bandi mwimwe mwariga muri kutyo, nawe mwosibwe, nimwesibwa, nimuyabwa oburengeresi kurwa risi:na rya Ratabugenyi Yesu Kristo, na kubwo Mwoyo wa Nyamuanga weswe.

1 Bakorinto 6:11 ပူးပေါင်းရင်းမြစ်များ

Matayo 20:4

ˆNaabhabhwira ati, ‘Emwe wone mugende okukora emirimu mw‑isambu ryani rya emijabhiibhu. Niribhariya rwa kutyo eyikenwa.’

Ruuka 18:14

Ka wone, Yeesu ˆnaagenderera okwayika ati, “Enibhabhwira ati, omutobhesya wa rigooti oyo, omwanya gunu ꞉eekire okusubha iika ewaaye, aariga aabharirwe okubha omurengeresi imbere ya Nyamuwanga. Nawe, oweejaabho urya ꞉ataafwiriiywe echigongo. ꞉Ataafwiriiye echigongo, isonga iri ati, omuunu woonewoone unu keeriinyagisya inguru, Nyamuwanga arimworomosya emwaro. Nawe omuunu woonewoone unu keekeeya, Nyamuwanga arimuriinyagisya inguru.”

Yowana 13:10

Yeesu ˆnaamusubhya ati, “Omuunu unu oogere, atakwendwa okwoga rindi, nawe keendwa okwiyosya amaguru era. Oyo eerere chimwi. Emwe muri bheeru, tari wumwi weemwe niwe atari mweru.”

Yowana 13:8

Peetero ˆnaamubhwira ati, “Awe utakutura wuri noorwo na akatyari okunyosya amaguru!” Yeesu ˆnaamusubhya ati, “Araabha utakwenda anye nikwosye amaguru, utakutura okubha na obhumwi na anye rindi.”

Yowana 5:4

kwa okubha omwanya ogundi maraayika wa Nyamuwanga aariga ˆnaaja, ˆnaaserura amanji mw‑itanga eryo. Omurwaye unu aariga ˆnaabha wa okwamba okwingira mu‑manji omwo, oyo niwe aariga ˆnaawora obhurwaye bhunu aariga ari nabhwo.]

Ebikorwa 13:39

Okutura ku‑mwene era, bhuri muunu unu kaamwikirisya, kaabharirwa ati ni murengeresi imbere ya Nyamuwanga, omusango gunu gutakuturikana kw‑imwe kwa okuruubha ebhiraagiro bhya Muusa.

Ebikorwa 22:16

Woori owurindirira ki? Imereeguru! Ubhatiijibhwe, weesibhwe ebhibhiibhi bhyawo, usabhwe Nyamuwanga akufwire echigongo.’

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Barumi 3:24

Nawe ku‑bhwitiriranya bhwa Nyamuwanga, abhabharwa ati ni bharengeresi imbere yaaye, bhatasoosiisye echiinu choonechoone wuri. Bheeruuywe okusooka mu‑bhibhiibhi bhyebhwe okutura ku‑Kirisito Yeesu.

Barumi 4:5

Nawe omuunu unu atakwiyikanya ebhikorwa bhyaye, aakeekirisya Nyamuwanga unu kaabhara omuunu omujabhi okubha omuunu omurengeresi, oyo niwe Nyamuwanga kaabhara okubha omuunu omurengeresi okuruubhana na eriikirisya ryaye.

Barumi 5:1

Mbe, Nyamuwanga achibharire okubha abharengeresi imbere yaaye, okuruubhana na eriikirisya ryeswe. Kurwa ejo, chiri na omurembe na Nyamuwanga okutura ku‑Raatabhugenyi weeswe Yeesu Kirisito.

Barumi 5:9

Woori, kwa okubha chibharirwe okubha abharengeresi imbere ya Nyamuwanga ku‑njira ya isagama ya Yeesu Kirisito, chimari chirichungurwa nage okusooka mu‑kuyaanwa ebhitiibha na Nyamuwanga.

Barumi 8:30

Mbe, bhanu aariga aaramuuye okusookerera kara bhabhe abhaanu bhaaye, nibho bhanu ꞉aabhirikiiye, nibho bhanu ꞉aabharire okubha abharengeresi, na nibho bhanu ꞉aaragire ati aribhayaana rikusyo.

Barumi 8:33

Niga unu kaatura okubhuura abhasorwa bha Nyamuwanga? Atari‑wo, kwa okubha Nyamuwanga omwene niwe unu kaabhabhara okubha abharengeresi.

1 Bakorinto 1:2

Echikaamira emwe bhanu muri mw‑ikanisa rya Nyamuwanga mu‑musi gwa Koriito. Nyamuwanga abhasorere okubha na obhumwi na Kirisito Yeesu, na abhabhirikiiye okubha abheeru bhaaye. Echibhakaamira emwe aamwi na abhaanu bhoone bha mbaara joone bhanu abhasabhwa Yeesu Kirisito, unu ari Raatabhugenyi weebhwe na Raatabhugenyi weeswe wone.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

1 Bakorinto 12:2

Mumenyere ati omwanya gunu mwariga muri bhanyamanga, ꞉mwajigirwe na okutangasibhwa okuramya amasusano, noorwo kutyo amasusano gatari na obhuwanga!

Bagalatia 2:16

Nawe eswe echimenya ati, omuunu atakutura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa, tari ni kwa okwikirisya Yeesu Kirisito omwene era. Nikwo kutyo eswe wone chiikirisiisye Kirisito Yeesu korereki chibharwe ati chiri abharengeresi imbere ya Nyamuwanga kwa okwikirisya Kirisito, kutari kwa okuruubha ebhiraagiro bhya Muusa. Chimari atari‑wo omuunu unu kaatura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa.

Bagalatia 3:11

Chimari atari‑wo omuunu unu kaabharwa ati ni murengeresi imbere ya Nyamuwanga kwa okuruubha ebhiraagiro bhya Muusa, kwa okubha Ebhikaame Ebhyeru ebhyayika ati, “Omuunu unu aribha na obhuwanga, ni unu Nyamuwanga kaabhara ati ni murengeresi ku‑njira ya eriikirisya ryaye.”

Bagalatia 3:24

Ebhiraagiro bhya Muusa bhyariga nibhichitangasya rwa omuresi weeswe, okukingira omwanya gunu Kirisito ꞉eejire. Kurwa ejo woori, ni ku‑njira ya okwikirisya Kirisito era echitura okubharwa ati chiri bharengeresi imbere ya Nyamuwanga.

Bagalatia 3:8

Ebhikaame Ebhyeru ꞉bhyaragire ati Nyamuwanga akabharire abhaanu bhanu bhatari Bhayawudi okubha abharengeresi imbere yaaye kwa eriikirisya ryebhwe. Nyamuwanga ꞉aatangatire okuraasisya Bhurayimu emisango ja ekisi ejo ati, “Okutura kw‑awe, abhaanu bha amaanga goone bharibhona amabhando.”

Baefeso 5:26

꞉Aakorere kutyo, korereki aryesye kwa okuryosya mu‑manji ga obhubhatiijo na ku‑njira ya omusango gwa Nyamuwanga.

Baefeso 5:8

Okubha, omwanya gunu guturire, emwe mwariga muri chisuute, tari woori anu muri bhweru mu‑kubha na obhumwi na Raatabhugenyi. Mbe muramega rwa abhaana bha obhweru,

2 Batesalonika 2:13

Nawe eswe, echikenwa chisiime Nyamuwanga bhuri rusuku ku‑songa yeemwe. Emwe abhayiri, mwenderwe na Raatabhugenyi Yeesu. Echisiima Nyamuwanga, kwa okubha ꞉aabhawuuwe, echiinu choonechoone chichaari okubhumbwa korereki muchungurwe. Muchunguuywe kwa okubha mwesibhwe na Mwoyo Mweru, ka wone mwikirisiisye echimari.

Baeburania 10:22

Kurwa ejo chifogere imbere ya Nyamuwanga chiri na emyoyo emyeru na eriikirisya rya echimari, okubha Nyamuwanga eesiisye emitima jeeswe emijabhi ku‑njira ya isagama ya Yeesu, na oosiisye emibhiri jeeswe na amanji ameeru.

Baeburania 10:29

Mbe woori mwiganirisye! Ebhitiibha bhiribha kutiki ku‑muunu unu kaagaya Omwana wa Nyamuwanga na okurora isagama ya indagano inu ꞉yaamwesiisye noorwo ebhibhiibhi bhyaye ati chitari chiinu cha obhugajuro? Angu, ebhitiibha bhiribha kutiki ku‑muunu oyo, nikwo okwayika ati, unu keeyimirisya Mwoyo Mweru wa obhwitiriranya?

Baeburania 2:11

Yeesu aamwi na abhaanu bhanu keesya ebhibhiibhi bhyebhwe, Esemwene ni umwi. Nikwo okukora Yeesu atakwiswara okubhabhirikira ati abhayiri bhaaye.

1 Petero 1:2

Kara awo, Raata Nyamuwanga ꞉aatangatire okubhamenya, ˆnaabhasora, Mwoyo waaye ˆnaabhakora mubhe bheeru, korereki mugayuke Yeesu Kirisito na okwesibhwa mu‑sagama yaaye. Obhwitiriranya na omurembe okusooka ku‑Nyamuwanga bhyongesibhwe kw‑imwe.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

1 Petero 3:21

Amanji ago, ni chijekekanyo cha obhubhatiijo bhwemwe, kwa okubha omwanya gunu omubhatiijibhwa, eyeeresya ati Nyamuwanga kaabhachungura ku‑njira ya obhusuuruko bhwa Yeesu Kirisito. Obhubhatiijo obhwo, bhutari bhwa okusoosya‑ko riiko ku‑mibhiri jeemwe, tari ni kubha na omutima omweru ku‑Nyamuwanga.

1 Yoana 2:12

Enibhakaamira emwe abhaana bhaani mu‑riikirisya, kwa okubha Nyamuwanga abhafwiriiye echigongo ebhibhiibhi bhyemwe, kw‑isiina rya Yeesu Kirisito.

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.

Obhusweruro 7:14

Niimusubhya ati, “Mwami waani, awe naawe umenyere.” ˆNaambwira ati, “Abhaanu abho nibho ꞉bhaayigire ebhinyaasyo bhinene bhirya. ꞉Bhaafurire emingiro jeebhwe mu‑sagama ya Omwana wa Inaama, nijeera pee.