1 Bakorinto 4:7 - Indagano Inyaaya mu-Chijita

⁷ Woori, niga unu aakukora ubhe omukuru muno okukira owundi? Ni chiinu ki chinu uri nacho chinu utayaaywe na Nyamuwanga? Araabha uyaaywe, kurwa ki owikuuya wuti utayaaywe?

INDAGANO INYA:YA

⁷ ?Okuba niga unu kakukora ati ukirire oundi? ?Ka uri na ki cinu utayanirwe? Nawe araba wayanirwe, ?niki cinu oukora niwikuisya uti araba utayanirwe?

1 Bakorinto 4:7 ပူးပေါင်းရင်းမြစ်များ

Ruuka 19:13

“Mbe, omwanya gunu aariga achaari okwimuka, ꞉aabhirikiiye abhagaya bhaaye ekumi, ˆnaayaana bhuri muunu jipirya nyafu, na ˆnaabhabhwira ati, ‘Mwibhusyege‑mo jipirya jinu okukingira omwanya gunu nirisubha.’

Yowana 1:16

Okuruubhana na obhukuumiiye bhwa omuunu oyo, chiyaaywe obhwitiriranya obhundi ku‑bhundi.

Yowana 3:27

Yowana ˆnaabhasubhya ati, “Omuunu atakutura okubhona echiinu choonechoone, araabha atayaaywe na Nyamuwanga.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

Barumi 12:3

Woori, Kirisito anaaye obhwitiriranya nibhe itumwa yaaye. Kurwa ejo, enibhwira bhuri umwi weemwe ati, asige okwirora ati eeyire okukira kutyo ari, tari abhe na obhwengeeso. Mubhe nimwirora ati, bhuri muunu ayaaywe eriikirisya riryarirya na Nyamuwanga.

Barumi 12:6

Mbe, chiri na ebhiyaanwa bhya mbaga nyafu, rwa kutyo Nyamuwanga ꞉aachiyaaye kwa obhwitiriranya bhwaye. Omuunu unu ayaaywe echiyaanwa cha okusoosya obhuragi, akorere emirimu echiyaanwa echo okuruubhana na eriikirisya ryaye.

1 Bakorinto 15:10

Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.

1 Bakorinto 3:5

Mbe woori, Apooro niga? Ka Pawuro niga? Eswe chiri bhakosi bhanu Nyamuwanga ꞉aachitumire okubhasakira korereki mumwikirisye. Bhuri umwi kaakora emirimu jinu ꞉aayaaywe na Raatabhugenyi.

1 Bakorinto 5:6

Orwikuuya rwemwe rutari rwa kisi. Mutakumenya ati echifwimbya chitooto era, echisangʼarasya echirengo choone?

1 Bakorinto 7:7

Anye naakeendere abhaanu bhoone bhabhe rwa kutyo anye niri, nawe jitari kutyo kwa okubha bhuri muunu Nyamuwanga amuyaaye echiyaanwa chaaye, owumwi echiyaanwa chinu, owundi chirya.

Yakobo 1:17

Bhuri echiinu cha ekisi chinu echiyaanwa, echisooka mu‑rwire ku‑Nyamuwanga Omubhumbi wa risuubha, okwesi na jinjota. Omwene ni wa ekisi siku joone, atakuyindukayinduka rwa rirengesi rinu erichuukurukachuukuruka.

1 Petero 4:10

Bhuri umwi weeswe ayaaywe echiyaanwa okusooka ku‑Nyamuwanga, korereki asakire abheejaabho. Kaakenwa okuchikorera emirimu kisi, rwa omwangarisi wa ekisi wa obhwitiriranya bhwa bhuri mbaga bhwa Nyamuwanga.