1 Bakorinto 4:20 - Indagano Inyaaya mu-Chijita

²⁰ Enaayika kutyo kwa okubha obhukama bhwa Nyamuwanga, bhutakubhonekana mu‑misango era, tari chimwichimwi mu‑managa.

INDAGANO INYA:YA

²⁰ Okuba obukama bwa Nyamuanga butari mu kwaika, nawe mu managa.

1 Bakorinto 4:20 ပူးပေါင်းရင်းမြစ်များ

Barumi 1:16

Anye nitakwiswara okuraasya Emisango ja Ekisi ejo, kwa okubha nijo obhuturo bhwa Nyamuwanga bhwa okuchungura abhaanu bhoone bhanu abheekirisya Yeesu, okwambira Abhayawudi okukingira abhaanu bhanu bhatari Bhayawudi.

Barumi 14:17

Okubha emisango ja bhusibhusi mu‑bhukama bhwa Nyamuwanga kutari kurya amwi okunywa, nawe ni kukora eja obhurengeresi imbere ya Nyamuwanga, okubha na omurembe na rikonderwa. Ejo joone ejiturikana ku‑bhusakisi bhwa Mwoyo Mweru.

Barumi 15:19

꞉Bhaakongiibhwe okumugayuka, kwa okubha okutura kw‑anye ꞉bhaarorere amanaga ga Kirisito mu‑bhibharikisyo na ebhiruguusyo. ꞉Naabhikorere ku‑managa ga Mwoyo wa Nyamuwanga. Mbe, ꞉neeyindire bhuri rubhaara nindaasyaga Emisango ja Ekisi inguru ya Kirisito, okwambira mu‑musi gwa Yerusareemu okukingira mu‑mukoowa gwa Yiruriko.

1 Bakorinto 1:24

Nawe ku‑bhaanu bhanu Nyamuwanga ꞉aabhirikiiye okubha abhaanu bhaaye, bhabhe Abhayawudi amwi bhabhe Abhayunaani, Kirisito niwe amanaga ga Nyamuwanga na obhwengeeso bhwa Nyamuwanga.

1 Bakorinto 2:4

Omwanya gunu naariga niniiyigisya na okuraasya, ꞉nitaakorere kutyo mu‑bhwengeeso bhwani, korereki nikongye abhaanu ku‑songa ya obhwengeeso. Tari amanaga ga Mwoyo Mweru nigo gaariga nigeeresya echimari.

2 Bakorinto 10:8

Noorwo kutyo eniikuuya muno inguru ya obhuturo bhunu Raatabhugenyi achiyaaye, nawe nitakurora swaro kwa okubha obhuturo obhwo bhutari bhwa okubhanyamura, tari ni bhwa okubharumatanya mu‑riikirisya.

1 Batesalonika 1:5

Echimenya kutyo, kwa okubha omwanya gunu ꞉chaabharaasisiisye Emisango ja Ekisi inguru ya Yeesu, ꞉chitaabharaasisiisye emisango era. Tari okuraasya kweswe, ꞉kwaruubheene na ebhiruguusyo bhinu bhyakorwaga na Mwoyo Mweru. ꞉Chaaraasiisye chimenyere kisi ati, emisango ejo ni ja echimari. Emwe abheene mumenyere kutyo chaariga chiri aamwi na emwe, korereki chibhasakire.