1 Bakorinto 4:19 - Indagano Inyaaya mu-Chijita

¹⁹ Nawe Raatabhugenyi aakeenda, niribhaaja‑ko bhwangu. Awo niwo nirimenya araabha abhaanu bhanu abheekuuya abhaayika era amwi bhari na amanaga.

INDAGANO INYA:YA

¹⁹ Mbe nawe eni:ja kwimwe bwangu Ratabugenyi akenda. Niwo ndimenya amanaga ga banu abe:kuya, amwi kutari kwaika kwebwe era.

1 Bakorinto 4:19 ပူးပေါင်းရင်းမြစ်များ

Ebikorwa 18:21

Nawe omwanya gunu ꞉eemukire, ꞉aabhabhwiriiye ati, “Araabha Nyamuwanga aakeenda nirisubha kw‑imwe anu rindi.” Neeya ˆneemuka Yefeeso na ingarabha.

Ebikorwa 19:21

Emisango ejo jejire jaawa, Pawuro ˆnaaramura okugenda Yerusareemu okutura mu‑mikoowa ja Makedooniya na Akaaya. ꞉Aayikire ati, “Nikakinga Yerusareemu, neenderwe nikinge mu‑musi gwa Ruumi.”

Ebikorwa 20:2

꞉Aaturire mu‑chaaro echo, ˆnaabhwiraga abheekirisya emisango myafu ja okubhasimbiisya emitima jeebhwe. Niwo ku‑bhuteero ˆnaakinga Akaaya,

Barumi 15:32

Kutyo, araabha Nyamuwanga aakeenda, niribhaaja‑ko awo kwa rikonderwa muno, korereki nibhe na omwanya gwa okwisya omwoyo aamwi na emwe.

1 Bakorinto 11:34

Araabha omuunu ari na omweko, aryega iika ewaaye, korereki okwikumanya kwemwe aamwi, kwasiga okukora muramurwe. Amaragiriro agandi ganu gasigaaye, niribhayaana omwanya gunu niriija.

1 Bakorinto 14:5

Anye eneenda emwe bhoone mubhega nimwayika jinyaayika jingenyi, nawe eneenda muno mubhega nimusoosya obhuragi. Enaayika kutyo, kwa okubha okusoosya obhuragi okusakira abheekirisya abhandi muno okukira okwayika jinyaayika jingenyi, araabha akabha atari‑wo unu kaagajura jinyaayika ejo. Kurwa ejo, unu kaayika jinyaayika jingenyi agajure korereki asakire abheekirisya abheejaabho bheekomeesye mu‑riikirisya.

1 Bakorinto 16:5

Niribhaaja‑ko eyo, omwanya gunu nirisooka mu‑mukoowa gwa Makedooniya, kwa okubha eneenda niture Makedooniya okwamba.

1 Bakorinto 16:7

Nitakwenda okubhugana na emwe woori kwa okuyitingʼana era. Eniiyikanya okwikara eweemwe omwanya omurebhe, araabha Raatabhugenyi akanyiikirisisya.

1 Bakorinto 2:6

Woori eswe, echaayika emisango ja obhwengeeso ku‑bhaanu bhanu bharumateene mu‑riikirisya, nawe obhwengeeso obhwo bhutari bhwa echaaro chinu, ka wone bhutari bhwa abhatungi bha echaaro chinu bhanu bhariyitingʼana.

1 Bakorinto 4:18

Woori abhandi agati yeemwe abheekuuya, kwa okubha abheetogera ati nitariija rindi kw‑imwe eyo.

1 Bakorinto 4:6

Abhayiri bhaani mu‑riikirisya, naayika emisango ejo joone inguru yaani na Apooro, korereki chibhe echijekekanyo kw‑imwe. Okuruubhana na echijekekanyo echo, musombookerwe jinu ejaayikwa mu‑nyaayika inu ati, “Mwasiga okusaagirisya jinu ꞉jaakaamirwe mu‑Bhikaame Ebhyeru.” Araabha omuruubha inyaayika eyo, ataribha‑wo omuunu woonewoone unu arikuuyisya omuunu umwi na okugaya owundi.

2 Bakorinto 1:23

Jinu enaayika ni ja chimari, noorwo Nyamuwanga kaamenya! ꞉Nitaasubhire kw‑imwe Koriito eyo, kwa okubha ꞉niteendere okusurumbasya emyoyo jeemwe.

2 Bakorinto 10:9

Nitakwenda nibhonekane kw‑imwe ati, eneenda okubhakanganya ku‑nyarubha jinu enibhakaamira.

Baeburania 6:3

Tari, echija okugenderera okukura na okukomeera mu‑riikirisya, Nyamuwanga akeenda.

Yakobo 4:15

Omukenwa mwayikega ati, “Araabha Raatabhugenyi aakeenda, chiribha abhaanga nichikora gunu amwi gurya.”