1 Bakorinto 4:12 - Indagano Inyaaya mu-Chijita

¹² Echikora emirimu jeeswe kwa okwikomeesya muno kwa amabhoko geeswe abheene. Omwanya gunu abhaanu abhachifuma, echibhasabhirwa amabhando. Omwanya gunu abhachinyaasya, echiigumiirisya.

INDAGANO INYA:YA

¹² Ka ecinyaka, nicikora emirimu na maboko geswe. Era bacifuma, ecibasabirwa ribando. Era canya:sibwa eci:gumirisya.

1 Bakorinto 4:12 ပူးပေါင်းရင်းမြစ်များ

Matayo 5:11

“Emwe muri na ribhando araabha abhaanu abhabhafuma, abhabhanyaasya na okubhakuurisya omusango gwonegwone omubhiibhi ku‑songa yaani.

Matayo 5:44

Nawe anye enibhabhwira ati, mwendega abhasoko bheemwe na musabhirwega bhoone bhanu abhabhanyaasya.

Ruuka 23:34

Yeesu ˆnaayika ati, “Raata! Bhafwire echigongo, kwa okubha bhatakumenya gunu abhakora.” Abhasirikare abho bhejire bhaamara, nibhagabhana emyenda jaaye kwa okwitongya.

Ruuka 6:28

Abhaanu bhanu abhabheeyiima, emwe mubhasabhirwega amabhando. Nyabhuriko abhaanu bhanu abhabhanyaasya, emwe mubhasabhirwega ku‑Nyamuwanga.

Yowana 15:20

Mwasiga okurabhirwa omusango gunu ꞉naabhabhwiriiye ati, ‘Omugaya atakutura okubha omukuru okukira omwami waaye.’ Mbe, araabha ꞉bhaanyaasiisye anye, emwe wone bharibhanyaasya. Nawe araabha ꞉bheekirisiisye ameeyigisyo gaani, ageemwe wone abhaja okugeekirisya.

Ebikorwa 18:3

kwa okubha Pawuro aakoraga emirimu ja okusona amayeema rwa abheene, ˆnaasigara eweebhwe awo na okukora emirimu aamwi nabho.

Ebikorwa 20:34

Emwe abheene mumenyere kisikisi ati naariga ninkora emirimu kwa amabhoko gaani, okubhona jipirya ja okugura ebhiinu bhyone bhinu anye aamwi na abheejaasu chaakenaga.

Ebikorwa 7:60

Ejire eeya ˆneefukama, ˆnaarira kwa obhuraka obhunene ati, “Raatabhugenyi, waasiga okubhabharira echibhiibhi chinu!” Ejire aamara okwayika ejo, ˆnaafwa. Saawuri wone ꞉aarorere ati, echikorwa cha okwita Tefwano chaariga chiri cha ekisi.

Barumi 12:14

Musabhirwe abhaanu bhanu abhabhanyaasya, korereki Nyamuwanga abhayaane amabhando. Mubhasabhirwe ja ekisi era, mwasiga okubheeyiima.

Barumi 12:20

Ka wone, Ebhikaame Ebhyeru ebhyayika inguru ya okusiga okusubhya orusiima ati, “Araabha omusoko waawo ari na omweko, muyaane ebhiryo. Araabha ari na obhwiro, muyaane amanji ga okunywa. Ukakora kutyo, owubha wuti umuteereeye amakara ga omuriro ku‑mutwe gwaye.”

Barumi 8:35

Ni chiinu ki chinu echitura okuchitaaganya na eryenda rya Kirisito? Chitari‑wo! Noorwo chibhe chiri mu‑tambara inene, chiri mu‑nyaako, chiri mu‑bhinyaasyo, chibhe nichisaraarira, nichiweerwa emyenda, nichirebherera okubhusya obhuwanga, amwi okwitwa, Kirisito arigenderera okucheenda.

1 Bakorinto 9:6

Amwi naanye na Bharinaabha era bhanu echeendwa okukora emirimu korereki chibhone ebhiinu inguru ya obhurame bhweswe?

2 Bakorinto 11:8

Omwanya gunu naakoraga emirimu kw‑imwe, naariga nindamira jipirya okusooka mu‑makanisa agandi. Jiri wuti naariga nimbateesya ebhiinu bhyebhwe, korereki nibhasakire emwe.

Baefeso 4:28

Omwifi asige okugenderera okwibha, nawe akiri afurubhende, akore emirimu ja okwibhusya‑mo kwa amabhoko gaaye, korereki abhone echiinu cha okuyaana‑ko owa obhukene.

1 Batesalonika 2:9

Woori, abhayiri bheeswe, omwichuka okwikomeesya kweswe na okunyaaka kweswe, kutyo chaakoraga emirimu mu‑ngeta na mu‑mwisi. ꞉Chaakorere kutyo, korereki omwanya gunu echiraasya Emisango ja Ekisi okusooka ku‑Nyamuwanga, chisige okunyaasya omuunu woonewoone kw‑imwe.

2 Batesalonika 3:8

ka wone ꞉chitaariye ebhiryo bhya omuunu woonewoone, chitasoosisye jipirya. Chaariga nichikora emirimu kwa obhwikomeesya mu‑ngeta na mu‑mwisi, korereki chisige okunyaasya omuunu woonewoone mw‑imwe.

1 Timoteo 4:10

Ogwo nigwo ogukora nichiikomeesya na okukora emirimu ku‑managa goone, kwa okubha, echiiyikanya Nyamuwanga omuwanga. Omwene niwe Omuchungusi wa abhaanu bhoone, chimwichimwi bhanu abhamwikirisya.

1 Petero 2:23

Omwene ejire aafumwa, ꞉ataasubhiisye efumo. Ejire aanyaasibhwa, ꞉ataakangiisye okusubhya orusiima. Tari ꞉aasigire joone ku‑Nyamuwanga, omuramusi omurengeresi.

1 Petero 3:14

Nyamuwanga aribhayaana amabhando araabha omunyaaka kwa okubha omukora ja obhurengeresi. Kurwa ejo, musige okuyaya noorwo musige okuubhaya bhanu abhabhanyaasya, tari mukusye Raatabhugenyi Yeesu Kirisito mu‑myoyo jeemwe.

1 Petero 3:9

Mwasiga okuriya omuunu echibhiibhi ku‑chibhiibhi, amwi efumo kwa efumo, nawe musabhirane amabhando. Okubha mubhirikiiywe okukora ejo, korereki muyaanwe amabhando.

1 Petero 4:19

Kurwa ejo, bhanu abhanyaaka okuruubhana na okwenda kwa Nyamuwanga, bhamenye ati Nyamuwanga niwe Omubhumbi omwiyikanyibhwa. Kurwa ejo, bheetuure mu‑mabhoko gaaye, nibhagendereraga okukora ja ekisi.

Yuuda 1:9

Noorwo Mikayeeri, maraayika omukuru, omwanya gunu aariga ˆnaabhusyanya na okubhambasyanya na Syetaani inguru ya omutumbi gwa Muusa, ꞉ataaregeejere okuramura Syetaani kwa okumufuma. Tari ꞉aamubhwiriiye ati, “Raatabhugenyi omwene akugonye!”