1 Bakorinto 3:16 - Indagano Inyaaya mu-Chijita

¹⁶ Angu, mutakumenya ati, emwe muri riyekaru rya Nyamuwanga, ka wone ati Mwoyo wa Nyamuwanga eekaaye mw‑imwe?

INDAGANO INYA:YA

¹⁶ ?Mutakumenya ati, muri yekaru ya Nyamuanga, na ka Mwoyo wa Nyamuanga e:kae mwimwe?

1 Bakorinto 3:16 ပူးပေါင်းရင်းမြစ်များ

Yowana 14:17

Oyo niwe Mwoyo Mweru unu kaja okuswerurira abhaanu echimari. Abhaanu bha ku‑chaaro kunu bhatakutura okumuramira kwa okubha bhatakumurora, ka wone bhatakumumenya. Nawe emwe omumumenya Mwoyo oyo, kwa okubha eekaaye aamwi na emwe, ka wone kaja okubha mw‑imwe.

Barumi 6:16

Mutakumenya ati, mukeesoosya ku‑muunu na okukora jinu keenda, niwo omubha nimumugayuka rwa abhagaya bhaaye? Mbe, araabha mukabha nimwisoosya okugayuka echibhiibhi, muribha abhagaya bha echibhiibhi, na amatwasyo gaacho ni rufu. Nawe mukabha nimwisoosya okugayuka Nyamuwanga, muribha abhakosi bha Nyamuwanga, na amatwasyo gaaye ni bhurame bhwa obhurengeresi.

Barumi 6:3

Mumenye ati, omwanya gunu ꞉chaabhatiijiibhwe, ꞉chaagwateene na Kirisito Yeesu mu‑kufwa kwaye.

Barumi 8:11

Mwoyo Mweru unu eekaaye mu‑myoyo jeemwe, niwe Mwoyo wa Nyamuwanga unu ꞉aasuuruuye Kirisito Yeesu okusooka mu‑bhafuuwe. Kurwa ejo, Nyamuwanga ariyaana obhuwanga emibhiri jeemwe jinu ejifwa, ku‑managa ga Mwoyo Mweru unu eekaaye mu‑myoyo jeemwe.

Barumi 8:9

Nawe emwe woori, mutakutangasibhwa na obhusimukwa bhwemwe bhwa echibhiibhi, tari mutangasibhwa na Mwoyo wa Nyamuwanga, kwa okubha eekaaye mu‑myoyo jeemwe. Omuunu woonewoone unu atari na Mwoyo wa Kirisito, oyo atari muunu wa Kirisito.

1 Bakorinto 3:17

Woori, araabha omuunu akanyamura riyekaru rya Nyamuwanga, omuunu oyo, Nyamuwanga arimunyamura, kwa okubha riyekaru rya Nyamuwanga ni ryeru, na riyekaru eryo niwe emwe.

1 Bakorinto 3:9

Enaayika kutyo kwa okubha emirimu jinu anye na Apooro echikora ni ja Nyamuwanga, keemwe muri sambu ryaye, ka wone muri inju yaaye.

1 Bakorinto 5:6

Orwikuuya rwemwe rutari rwa kisi. Mutakumenya ati echifwimbya chitooto era, echisangʼarasya echirengo choone?

1 Bakorinto 6:16

Mutakumenya ati omuunu woonewoone unu kaagwatana na omugasi unu keegusya okwibhonera ribhona, oyo kaabha omubhiri gumwi nage? Jiri rwa kutyo jikaamirwe mu‑Bhikaame Ebhyeru ati, “Abho ku‑bhubhiri bhwebhwe bharibha omubhiri gumwi.”

1 Bakorinto 6:19

Mutakumenya ati, emibhiri jeemwe nijo riyekaru rya Mwoyo Mweru unu Nyamuwanga ꞉aabhayaaye, ka wone Mwoyo Mweru eekaaye mu‑myoyo jeemwe? Kutyo, emibhiri ejo jitari jeemwe, tari ni ja Nyamuwanga,

1 Bakorinto 6:9

Mutakumenya ati abhajabhi bhatariingira mu‑bhukama bhwa Nyamuwanga? Mwasiga okwijiga! Abhasengani, abhaanu bhanu abharamya amasusano, abharomesi, noorwo abhasambukani,

1 Bakorinto 9:13

Angu, mutakumenya ati bhanu abhakora emirimu mw‑Iyekaru rya Nyamuwanga, abhabhona ebhiryo bhyebhwe okusooka mw‑Iyekaru eryo? Ka wone, mutakumenya ati bhanu abhakora emirimu ja ku‑chigabhiro, abharamira omugabho gwebhwe, okusooka ku‑bhinu ebhisoosibhwa echoogo?

1 Bakorinto 9:24

Mutakumenya ati abhaanu bhanu abhayaajana mu‑kubhirima, abhabhirima bhoone, nawe unu kaaramira echiyaanwa ni umwi wenyere? Woori mubhe nimubhirima muno, korereki muramire echiyaanwa.

2 Bakorinto 6:16

Bhuri‑wo obhungwani ki agati ya riyekaru rya Nyamuwanga na amasusano ga amasambwa? Eswe chiri riyekaru rya Nyamuwanga omuwanga! Jiri rwa kutyo Nyamuwanga omwene ꞉aayikire ati, “Niriikara aamwi nabho na okuribhata agati yeebhwe. Niribhaga Nyamuwanga weebhwe, abheene wone bharibhaga abhaanu bhaani.”

1 Timoteo 3:15

Nawe aribha naakoora, umenye jinu jiiyire abhaana bha Nyamuwanga bhakore. Abhaana abho nibho rikanisa rya Nyamuwanga omuwanga na rikanisa niryo ingʼingi na orufuka rwa echimari.

2 Timoteo 1:14

Echimari chinu ꞉waayaaywe, uchaangarire ku‑managa ga Mwoyo Mweru unu ari mu‑myoyo jeeswe.

Baeburania 3:6

Nawe Kirisito ni mwiyikanyibhwa rwa Omwana unu keemereegururu abhaanu bha mu‑nju ya Nyamuwanga. Abhaanu abho niiswe araabha chikagenderera okukingira ku‑bhuteero chiri na ribhaasi na okwikuuyisya jinu echiiyikanya.

Yakobo 4:4

Emwe, muri abhaanu bhanu bhatari bheeyikanyibhwa ku‑Nyamuwanga! Mutakumenya ati okubha omusaani wa echaaro chinu ni okubha omusoko wa Nyamuwanga? Kurwa ejo, omuunu woonewoone aakeenda okubha omusaani wa echaaro, keekora okubha omusoko wa Nyamuwanga.

1 Petero 2:5

Mumenye ati, emwe wone muri rwa amabhuyi amawanga, Nyamuwanga kaabhoombaka mubhe inju ya echinyamwoyo. Ka wone abhawuuwe na okubhakora mubhe abhagabhisi bhanu abhasoosya ebhyogo bhya echinyamwoyo bhinu ebhimukondisya ku‑njira ya Yeesu Kirisito.

1 Yoana 4:12

Atari‑wo omuunu woonewoone unu arabhuganyiisye ameeso na Nyamuwanga. Nawe araabha chikeendana, Nyamuwanga ari na obhumwi na eswe. Ka wone eryenda ryaye eryo, niryo erikuumira mu‑myoyo jeeswe.