1 Bakorinto 3:10 - Indagano Inyaaya mu-Chijita

¹⁰ Nyamuwanga ku‑bhwitiriranya bhwaye aansakira okuumbaka orufuka rwa omuumbaki wa ekisi na owa obhwengeeso, na omuunu owundi koombaka inguru ya orufuka orwo. Nawe woori, bhuri muunu aangarire kisi, kutyo koombaka inguru yaarwo,

INDAGANO INYA:YA

¹⁰ Anye nateeo musingi, rwo mumbaki Omukuru owo bwenge, rwe cigongo ca Nyamuanga cinu ananire kutyo ciri. No undi nombakako. Nawe omu:nu wo:ne akabuke kutyo kombakako.

1 Bakorinto 3:10 ပူးပေါင်းရင်းမြစ်များ

Matayo 24:45

Yeesu ˆnaabhuusya abheeyigisibhwa bhaaye ati, “Mbe, ni mugaya ki omwiyikanyibhwa na owa obhwengeeso? Ni mugaya unu omwami waaye ateeye‑wo okubha omwangarisi wa bhagaya abhandi mu‑nju yaaye, korereki abhe ˆnaabhayaana ebhiryo ku‑mwanya gwaye.

Matayo 7:24

“Mbe, omuunu woonewoone unu kaategeresya emisango jaani na okujigayuka, kaasusana na omuumbaki wa inju unu ꞉oombakire inju yaaye ku‑rutare.

Ruuka 11:35

Kurwa ejo, wangarire obhweru bhunu bhuri mu‑mubhiri gwawo, bhwasiga okubha echisuute.

Ruuka 21:8

Yeesu ˆnaabhasubhya ati, “Mwangarire, omuunu woonewoone aasiga okubhajiga. Abhaanu bhaafu bhariija nibhakoreraga emirimu risiina ryani, bharyayikaga ati, ‘Anye naanye Kirisito!’ Ka wone bharyayikaga ati, ‘Omwanya gwa obhuteero gwafogeeye!’ Abhaanu abho, mwasiga okubharuubha!

Ebikorwa 18:27

Apooro ejire aakena okugenda mu‑mukoowa gwa Akaaya, abheekirisya bha Yefeeso nibhamukomeesya, nibhamukaamira inyarubha ya okumumenyesya ku‑bheeyigisibhwa bha Yeesu bheende‑yo. Ejire aakinga eyo, ꞉aasakiiye muno abhaanu bhanu bhaariga bheekirisiisye Yeesu ku‑bhwitiriranya bhwa Nyamuwanga.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

Barumi 12:3

Woori, Kirisito anaaye obhwitiriranya nibhe itumwa yaaye. Kurwa ejo, enibhwira bhuri umwi weemwe ati, asige okwirora ati eeyire okukira kutyo ari, tari abhe na obhwengeeso. Mubhe nimwirora ati, bhuri muunu ayaaywe eriikirisya riryarirya na Nyamuwanga.

Barumi 15:15

Noorwo kutyo, naabhakaamira emisango ejindi mu‑nyarubha inu kwa ribhaasi, korereki nibheechukye emisango ejo. Naakora kutyo, kwa okubha Nyamuwanga anaaye obhwitiriranya,

Barumi 15:20

Ku‑mirimu ejo joone, eniikomeesya okuraasya Emisango ja Ekisi ku‑mbaara jinu abhaanu bhachaariga okuraasibhwa emisango inguru ya Kirisito. Enikora kutyo, korereki nisige okwambisya bhuyaaya emirimu mu‑mbaara jinu omuunu owundi aamarire okujikora.

1 Bakorinto 3:11

kwa okubha orufuka runu rwamarirwe okuumbakwa ni Yeesu Kirisito omwene. Atari‑wo omuunu unu kaatura okuumbaka orufuka orundi.

1 Bakorinto 9:2

Noorwo araabha abhaanu abhandi abharora ati anye nitari tumwa, nawe kw‑imwe anye niri tumwa. Okubha eriikirisya ryemwe mu‑Kirisito nicho echibharikisyo chinu echeeresya ati anye niri tumwa ya Raatabhugenyi.

2 Bakorinto 10:15

Ka wone chitakwikuuya inguru ya omurimu gwa abhaanu abhandi, omurimu gunu eswe ꞉chitaayaaywe. Tari echiiyikanya ati, rwa kutyo eriikirisya ryemwe erigenderera okukura, nikwo kutyo omurimu gweswe agati yeemwe guribhaga nigwiyongesya.

Baefeso 2:20

Muri rwa inju inu yumbakirwe ku‑rufuka rwa jitumwa na abharagi. Kirisito Yeesu omwene, ari rwa ribhuyi rinene rya orufuka.

Bakolosai 1:29

Inguru ya omusango ogwo, eniikomeesya na okurwanirira emirimu jinu ku‑managa maafu ganu Kirisito kaanaana.

Bakolosai 4:17

Mubhwire Arikipo ati, akuumisye kisi emirimu jinu Raatabhugenyi amuyaaye.

1 Batesalonika 3:2

Nichituma Timoteewo omuyiri weeswe, korereki aaje okukomeesya emyoyo jeemwe na okubhasimbiisya inguru ya eriikirisya ryemwe. Omwene ni mukosi weejaasu wa Nyamuwanga, wa okuraasya Emisango ja Ekisi inguru ya Kirisito.

1 Timoteo 4:16

Iyangarira awe omwene, inguru ya jitungwa jaawo na ameeyigisyo gaawo na ugenderere okukora kutyo. Ukakora ejo urichunguka awe omwene aamwi na abhaanu bhanu abhakutegeresya.

2 Timoteo 2:15

Ikomeesya okwiyigisya omusango gwa echimari, rwa kutyo Nyamuwanga keenda. Niwo owuja okubha omukosi wa emirimu unu atakwiswara inguru ya emirimu jaaye. Ejo nijo Nyamuwanga keekirisya.

Yakobo 3:1

Abhayiri bhaani mu‑riikirisya, mw‑imwe kusige okubha‑wo abheeyigisya bhaafu bha omusango gwa Nyamuwanga, kwa okubha mumenyere ati, eswe abheeyigisya, indamu yeeswe okusooka ku‑Nyamuwanga iribha nduru muno okukira abhaanu abhandi.

1 Petero 4:11

Omuunu woonewoone unu kaaraasya, araasye rwa omuunu unu kaaraasya emisango ja Nyamuwanga chimari. Unu kaasakira abhaanu abhandi, abhasakire ku‑bhuturo bhunu Nyamuwanga amuyaaye, korereki Nyamuwanga akusibhwe ku‑misango joone, okutura ku‑Yeesu Kirisito. Omwene oyo, ayaanwe rikusyo na obhuturo akajaanende koone. Jibhe kutyo.

2 Petero 3:15

Mumenye ati, Raatabhugenyi keegumiirisya abhaanu, korereki bhabhone omwanya gwa okuchunguka. Nikwo kutyo omuyiri weeswe Pawuro omwendwa ꞉aabhakaamiiye ku‑bhwengeeso bhunu Nyamuwanga amuyaaye.

Obhusweruro 21:14

Indugu eyo, yaariga yumbakirwe ku‑mabhuyi ekumi na gabhiri ga orufuka. Bhuri ribhuyi ryariga rikaamirwe‑ko risiina rya owumwi wa jitumwa ekumi na bhabhiri bha Omwana wa Inaama.

Obhusweruro 21:19

Orufuka rwa indugu ya omusi ogwo, rwariga runojooribhwe kwa amabhuyi ga bhuri mbaga ga obhugusi obhurambu. Ribhuyi rya okwamba, ryariga riri yaasipi, rya kabhiri, ryariga riri yakuuti ya obhururu, rya kasatu, ryariga riri karikedooni. Ribhuyi rya kana, ryariga riri sumaradi,