1 Bakorinto 16:9 - Indagano Inyaaya mu-Chijita

⁹ Enikora kutyo, kwa okubha Nyamuwanga aanyigurira orwigi, korereki nikore emirimu myafu mu‑musi gunu, noorwo kutyo bhari‑wo abhaanu bhaafu bhanu abhanyingirira.

INDAGANO INYA:YA

⁹ Kwo kuba ne:guriyweo orwigi runene orwe mirimu myafu, na banu abenda okunyitirira ni ba:fu.

1 Bakorinto 16:9 ပူးပေါင်းရင်းမြစ်များ

Ebikorwa 14:27

Atiyookiya awo nibhakofya abheekirisya. Nibhabhatondera joone jinu Nyamuwanga ꞉aakorere okutura ku‑bheene na kutyo ꞉eeguuye orwigi ku‑bhaanu bhanu bhatari Bhayawudi okwikirisya Yeesu.

1 Bakorinto 15:32

Araabha obhwiyikanyo bhwani bhukabheeye bhwa ku‑chaaro kunu era, okurwana kwani na jityanyi jinduru mu‑musi gwa Yefeeso nikabhwene‑mo ki? Araabha abhafuuwe bhatakusuururwa, mbe, “Chirye na chinywe, kwa okubha mutondo echifwa.”

2 Bakorinto 1:6

Omwanya gunu echinyaasibhwa, echinyaasibhwa inguru ya okufungʼamibhwa kwemwe na obhuchungusi bhwemwe. Ka wone, omwanya gunu eswe echifungʼamibhwa, niwo emwe wone omusimbiisibhwa. Okusimbiisibhwa okwo okukora mwigumiirisye mu‑bhinyaasyo bhiryabhirya bhinu eswe wone echinyaasibhwa.

2 Bakorinto 2:12

Mbe, omwanya gunu ꞉naakingire mu‑musi gwa Turoowa okuraasya Emisango ja Ekisi inguru ya Kirisito, ꞉naasongeene Raatabhugenyi aanyiguriiye orwigi, korereki nikore emirimu jaaye eyo.

Bafilipi 3:18

Naabhabhwiriiye kwiya kaafu omusango gunu enikena okubhabhwira, woori enigwayika rindi enu nindira amasiga mogomogo. Bhari‑wo abhaanu bhanu obhurame bhwebhwe obhweresya ati, ni bhasoko bha obhuchungusi bhunu ꞉bhwakorerwe na Kirisito ku‑musarabha.

Bakolosai 4:3

Muchisabhirwe eswe wone, korereki Nyamuwanga achiigurire orwigi rwa okuraasya omusango gwaye inguru ya Kirisito gunu kara gwariga gubhisirwe. Anye nibhoyerwe inguru ya okuraasya omusango ogwo.

Yakobo 5:16

Kurwa ejo, bhuri umwi weemwe abhe ˆnaata ebhibhiibhi bhyaye ku‑weejaabho na okusabhirana ku‑Nyamuwanga korereki muwosibhwe amarwara geemwe. Risabhwa rya omuunu omurengeresi riri na obhuturo na erikora emirimu.