1 Bakorinto 16:2 - Indagano Inyaaya mu-Chijita

² Ku‑bhuri rusuku rwa obhwoyo, bhuri muunu agati yeemwe abhiikega echibhiikwa okuruubhana na ribhona ryaye, korereki obhusoroosya bhwasiga okukorekana, omwanya gunu niribhaaja‑ko eyo.

INDAGANO INYA:YA

² Ku rusiku rwo kwamba ku bwoyo, buri mu:nu mwimwe abi:ke ewae ku bi:nu binu amabona, bisige kusorosibwa ariba na:ja.

1 Bakorinto 16:2 ပူးပေါင်းရင်းမြစ်များ

Mariko 14:8

Omugasi unu aakora omusango gunu ari ˆnaatura okukora. Atangata okubhambaga omubhiri gwani amafuta ganu, okunyiraabha orusuku rwa okusiikwa kwani.

Ruuka 16:10

“Omuunu omwiyikanyibhwa ku‑misango emitooto, ni mwiyikanyibhwa noorwo ku‑misango eminene. Nyabhuriko, omuunu unu atari mwiyikanyibhwa ku‑misango emitooto, ataribha omwiyikanyibhwa noorwo ku‑misango eminene.

Ruuka 24:1

Mu‑ruguru, orusuku rwa okwamba rwa obhwoyo, abhagasi abho nibhagenda ku‑chituuro bhari na ebhirange bhinu bhaariga bheeraabhire.

Yowana 20:19

Yejire yaakinga keegoro orusuku orwoorwo, abheeyigisibhwa bha Yeesu nibheekumanya mu‑nju imwi. Bhejire bheengira nibheegara jinjigi, isonga iri ati bhoobhayaga abhatangasya bha Abhayawudi. Noorwo kutyo jinjigi jaariga jigaaywe, Yeesu ˆnaabhonekana abhwerubhweru, na okwimereeguru agati yeebhwe, ˆnaabhabhwira ati, “Omurembe gubhe aamwi na emwe!”

Yowana 20:26

Jejire jaatura siku etaanu na esatu, abheeyigisibhwa bha Yeesu nibheekumanya aamwi rindi mu‑nju. Orusuku orwo Tomaasi wone aariga ari aamwi nabho. Bhaariga bheegaye jinjigi, nawe Yeesu ˆnaabhonekana abhwerubhweru, ˆneemereeguru agatigati yeebhwe, ˆnaabhakeesya ati, “Omurembe gubhe aamwi na emwe!”

Ebikorwa 20:7

Orusuku rwa obhwoyo rwejire rwakinga, nichiikumanya, korereki chikore obhumwi bhwa okubhega omukaate. Awo Pawuro ˆnaaraasisya abhaanu omusango gwa Nyamuwanga, nikinga mu‑bhwire agati, kwa okubha aariga akarariiye okusooka awo mwejo yende‑ko.

2 Bakorinto 8:10

Woori, inguru ya obhusoroosya obhwo, enibhatongera gunu gwiyire kw‑imwe. Omuguuga gunu guturire, mwariga muri bha okwamba okweresya obhwira bhwa okusoroosya na bha okwamba okukora kutyo.

Obhusweruro 1:10

Rusuku rumwi, ruri rusuku rwa Raatabhugenyi Yeesu, Mwoyo Mweru ˆneeka inguru yaani. Awoawo ninuungwa obhuraka obhunene inyuma yaani, obhuraka rwa bhwa ingʼombi.