1 Bakorinto 15:58 - Indagano Inyaaya mu-Chijita

⁵⁸ Kutyo, abhayiri bhaani abheendwa mu‑riikirisya, murumatane mu‑riikirisya eryo, okufwa omwoyo wuri. Mugenderere okukora emirimu ja Raatabhugenyi nimukomeeraga bhuri rusuku, kwa okubha mumenyere ati emirimu jinu omukora inguru ya Raatabhugenyi, jitari ja okufwirwa‑mo wuri.

INDAGANO INYA:YA

⁵⁸ Mbe, ba:na ba:su abendwa, murumega kuteratera uri, mwiyongesyega kusiku mu murimu gwa Ratabugenyi, okuba mumenyere ati, emirimu jemwe mu Ratabugenyi jitari ja kutyo era.

1 Bakorinto 15:58 ပူးပေါင်းရင်းမြစ်များ

Mariko 3:3

Yeesu ˆnaabhwira omuunu unu aariga afuuwe okubhoko ati, “Iija, wimereeguru agatigati anu.”

Ruuka 19:19

Omukama oyo, ˆnaamubhwira ati, ‘Awe wone, owuja okubha omutungi inguru ya emisi etaanu.’

1 Bakorinto 16:10

Timoteewo akabhaaja‑ko eyo, mumuramire bhwa kisi, korereki eekare kuyaya wuri, kwa okubha omwene kaakora emirimu ja Raatabhugenyi rwa anye.

1 Bakorinto 3:8

Unu kaayamba na unu keetirira amanji bhoone bheengeene, Nyamuwanga ariyaana bhuri umwi weebhwe omuyeero gwaye, okuruubhana na kutyo ꞉aakorere emirimu jaaye.

2 Bakorinto 7:1

Woori, abheendwa bhaani, Nyamuwanga ꞉aaragire okuchiyaana ejo joone. Kurwa ejo, chiiyesye kwa okusigana na obhujabhi bhwone, bhwa echinyamubhiri na obhwa echinyamwoyo. Chibhe abheeru ku‑misango joone, ku‑njira ya okuramya Nyamuwanga.

Bagalatia 4:11

Eniyaya muno inguru yeemwe. Eyiturikana ati omurimu gwani gwone gunu ꞉naakorere kw‑imwe, ni gwa okufwirwa‑mo era.

Bagalatia 6:9

Kurwa ejo, chisige okuyigwa okukora ebhikorwa bhya ekisi! Araabha echiigumiirisya mu‑kukora ja ekisi, chirigesa ja ekisi omwanya gwa okugesa gukakinga.

Bafilipi 1:11

Obhurame bhwemwe bhuriijura emisango ja rirenga jinu ejibhonekana ku‑njira ya Yeesu Kirisito. Ejo joone jirikumya Nyamuwanga na okumukusya.

Bafilipi 1:9

Enibhasabhirwa ku‑Nyamuwanga ati eryenda ryemwe rigenderere okwiyongesya muno, mu‑kubha na obhwengeeso na okusombookerwa kwone,

Bafilipi 2:16

Ka wone muraasisye abhaanu omusango gwa Nyamuwanga gunu ogubhayaana obhuwanga bhwa akajaanende. Mukakora kutyo, niribhona echiinu cha okwikuuyisya ku‑rusuku rurya Kirisito arisubha. Okubha emirimu jinu ꞉naayambeene okukora agatigati yeemwe jaariga jitari ja okufwirwa‑mo.

Bafilipi 2:30

kwa okubha aariga ari yeeyi okufwa inguru ya emirimu ja Kirisito. Chimari aariga ari yeeyi okusingaarisya obhurame bhwaye korereki akingye kw‑anye ebhiinu bhinu emwe mutakaturire okunkingisya.

Bafilipi 4:17

Nitakwayika kutyo kwa okubha enikena okuramira ebhiinu okusooka kw‑imwe, wuri. Tari eneenda nirore amabhando ganu Nyamuwanga aribhoongesya inguru ya obhufura bhwemwe.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

Bakolosai 2:5

Enaayika ejo noorwo kutyo nitari aamwi na emwe echinyamubhiri, nawe niri aamwi na emwe echinyamwoyo. Enikonderwa, kwa okubha enuungwa inguru ya obhumwi bhwemwe na okurumatana kwa eriikirisya ryemwe ku‑Kirisito.

Bakolosai 2:7

Mwimaririre mu‑mwene, mutuure obhurame bhwemwe mu‑mwene na okurumatana mu‑riikirisya rwa kutyo ꞉mweeyigiiye. Ka wone, mubhe abhaanu bhanu abhasiima Nyamuwanga bhuri mwanya.

1 Batesalonika 1:3

Bhunu echibhasabhirwa ku‑Nyamuwanga Raata weeswe, echiichuka imbere yaaye, emirimu jeemwe jinu omukora mu‑riikirisya. Echiichuka okukomeera kwemwe kunu okuruubhana na eryenda ryemwe, ka wone, okwigumiirisya kwemwe kunu okuruubhana na obhwiyikanyo bhwemwe bhwa okusubha rindi Raatabhugenyi Yeesu Kirisito.

1 Batesalonika 3:12

Raatabhugenyi abhoongesye eryenda, korereki mugenderere okwendana muno emwe abheene kwa abheene, mwende wone abhaanu abhandi bhoone, rwa kutyo eswe wone echibheenda.

1 Batesalonika 3:3

꞉Chaakorere kutyo, korereki omuunu woonewoone asige okufwa omutima inguru ya ebhinyaasyo bhinu. Emwe abheene mumenyere ati, echikenwa chiture mu‑bhinyaasyo.

1 Batesalonika 3:5

Mbe, anye omwene nejire naataamibhwa okugenderera okwigumiirisya, ꞉naatumire Timoteewo kw‑imwe, korereki nimenye kutyo mwariga nimugenderera okwikirisya Yeesu. ꞉Naakorere kutyo kwa okubha naariga niniiganirisya ati, amwi Syetaani omuregeeji urya, ꞉aabharegeejere na okubhayabhya. Jikabha jiri kutyo, emirimu joone jinu ꞉chaakorere jitaribha na omuriiro.

1 Batesalonika 4:1

Mbe, abhayiri bheeswe, ꞉chaabheeyigisiisye kutyo ejikenwa murame, korereki mukondisye Nyamuwanga. Chimari omukora kutyo ꞉mweeyigiiye. Woori, echibheerembeeresya ku‑bhuturo bhwa Raatabhugenyi Yeesu ati, mukore kisi muno okukira kutyo mwariga nimukora.

2 Batesalonika 1:3

Woori, abhayiri bheeswe, echikenwa chisiime Nyamuwanga bhuri rusuku ku‑songa yeemwe. Jiiyire chikore kutyo, kwa okubha eriikirisya ryemwe eriiyongesya muno, ka wone, eryenda ryemwe erigenderera okwiyongesya kw‑imwe abheene kwa abheene.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Baeburania 13:21

Nyamuwanga abhayaane amanaga ga okukora okwenda kwaye. Ka wone akore mu‑myoyo jeeswe jinu ejimukondisya ku‑njira ya Yeesu Kirisito. Omwene akusibhwe akajaanende koone. Jibhe kutyo.

Baeburania 3:14

Okubha chiri na obhumwi na Kirisito araabha chikagenderera okwiyikanya Nyamuwanga okukingira ku‑bhuteero, rwa kutyo chamwiyikanyaga ku‑bhwambiro.

Baeburania 6:10

Nyamuwanga ni murengeresi, atakutura okurabhirwa ebhikorwa bhya ekisi bhinu mukorere. Ka wone atakutura okurabhirwa eryenda rinu ꞉mweresiisye inguru yaaye ku‑njira ya okusakira abheekirisya abheejaanyu okusookerera ku‑bhwambiro okukingira woori.

2 Petero 3:14

Kurwa ejo abheendwa bhaani, omwanya gunu omurindirira orusuku rurya, mwikomeesye okubha abha omutima omweru muno mutari na esoro imbere ya Nyamuwanga, na mubhe na omurembe nage.