1 Bakorinto 15:50 - Indagano Inyaaya mu-Chijita

⁵⁰ Abhayiri bhaani mu‑riikirisya, chinu eneenda okwayika ni ati, emibhiri jeeswe jinu ja jinyama na isagama bhitakutura okwanjura obhukama bhwa Nyamuwanga, amwi emibhiri jinu ejinyamuka okwanjura obhurame bhunu bhutakunyamuka.

INDAGANO INYA:YA

⁵⁰ Nawe, ba:na ba:su, enibabwira ati, omubiri na manyinga bitari na mugabo mu bukama bwa Nyamuanga, nakabee biri binu ebibora bitana mugabo mu binu bitakubora.

1 Bakorinto 15:50 ပူးပေါင်းရင်းမြစ်များ

Matayo 16:17

Yeesu ˆnaabhwira Peetero ati, “Awe Simooni omwana wa Yoona, uri na ribhando, kwa okubha atari‑wo omuunu woonewoone unu akuswerurira echimari echo, tari Raata waani wa mu‑rwire.

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Barumi 2:7

Nyamuwanga ariyaana obhuwanga bhwa akajaanende koone abhaanu bhanu abheegumiirisya mu‑kukora ja ekisi okuyigwa wuri, inguru ya okuyenja rikusyo na echibharo na obhuwanga bhunu bhutakunyamuka okusooka ku‑mwene.

1 Bakorinto 1:12

Woori, jinu eneenda okwayika nijo jinu, ati, bhuri muunu agati yeemwe kaayika jaaye. Owumwi kaayika ati, “Anye niri wa Pawuro.” Owundi kaayika ati, “Anye niri wa Apooro.” Owundi kaayika ati, “Anye niri wa Keefa.” Owundi kaayika ati, “Anye niri wa Kirisito.”

1 Bakorinto 15:42

Nikwo kutyo jiribha, omwanya gwa okusuururwa kwa abhafuuwe. Jiri rwa imbibho, omubhiri gunu ogusiikwa ogunyamuka, nawe gunu ogusuururwa gutakunyamuka.

1 Bakorinto 15:44

Ogusiikwa omubhiri gwa obhusimukwa, nawe ogusuuruka omubhiri muyaaya gunu chiriyaanwa na Mwoyo Mweru. Okubha guri‑wo omubhiri gwa obhusimukwa, ka wone guri‑wo omubhiri omuyaaya gunu chiriyaanwa na Mwoyo Mweru.

1 Bakorinto 6:10

abheefi, bha omuruuru, abhakorwa, abhasokanya, abhasaakusi, abho bhoone bhatariingira mu‑bhukama bhwa Nyamuwanga.

1 Bakorinto 6:13

Abhandi agati yeemwe abhaayika ati, “Ebhiryo ni inguru ya inda, na inda ni inguru ya ebhiryo.” Nikwo kutyo jiri, nawe Nyamuwanga arinyamura bhyone bhibhiri. Omubhiri ꞉gutaabhumbirwe inguru ya okukora obhuromesi, tari inguru ya okukorera Raatabhugenyi emirimu, Raatabhugenyi omwene niwe kaangarira omubhiri.

1 Bakorinto 6:9

Mutakumenya ati abhajabhi bhatariingira mu‑bhukama bhwa Nyamuwanga? Mwasiga okwijiga! Abhasengani, abhaanu bhanu abharamya amasusano, abharomesi, noorwo abhasambukani,

1 Bakorinto 7:29

Abhayiri bhaani mu‑riikirisya, eneenda okwayika ati, akatungu kanu kasigaaye okukingira Kirisito okusubha, ni kafuyi. Kutyo, okusookerera woori bhanu bhatwaye bhasigega okwiganirisya abhagasi bheebhwe era, korereki bhakore emirimu ja Raatabhugenyi.

2 Bakorinto 5:1

Emibhiri jeeswe ja ku‑chaaro anu, jiri rwa ebhiwuuna. Nawe chimenyere ati, bhikakambuka, Nyamuwanga arichiyaana jinju ja akajaanende mu‑rwire jinu jitakumbakwa na abhaanu.

2 Bakorinto 9:6

Mwichuke omusango gunu ati, “Omuunu unu kaayamba ebhitooto, kaagesa ebhitooto, na unu kaayamba ebhyafu, kaagesa ebhyafu.”

Bagalatia 3:17

Omusango gunu eneenda okwayika ni gunu, Nyamuwanga ꞉aakorere indagano yaaye na okuyirumatanya emiguuga magana gana na makumi gasatu (430) ebhiraagiro bhya Muusa bhichaari okubha‑wo. Kurwa ejo, ebhiraagiro ebhyo, bhitakutura okunyamura indagano eyo, noorwo okuyindura omurago gwaye.

Bagalatia 5:16

Mbe echiinu chinu enibhabhwira ni ati, mutangasibhwega na Mwoyo Mweru. Mukakora kutyo, mutariruubha rindi okurigira kwa omubhiri.

Baefeso 4:17

Mbe, enibhakengya na okubharagirira kw‑isiina rya Raatabhugenyi ati, okwambira woori musige okurama rwa abhaanu bhanu bhatakumenya Nyamuwanga kutyo bharamire mu‑bhwiganirisya obhubhiibhi.

Bakolosai 2:4

Enibhakaamira ejo, korereki mwasiga okwikirisya omuunu woonewoone okubhajiga kwa emisango ja orubheeyi, noorwo jikabha jiri ja okukongya muno.

2 Timoteo 4:18

Enimenya ati arigenderera okumonʼya okusooka mu‑bhibhiibhi bhyone na okunyangarira, okukingira aankingye mu‑bhukama bhwaye mu‑rwire. Raatabhugenyi Yeesu akusibhwe akajaanende koone. Jibhe kutyo.