1 Bakorinto 15:47 - Indagano Inyaaya mu-Chijita

⁴⁷ Omuunu wa okwamba, ꞉aamogerwe. Omuunu wa kabhiri, ꞉aasookereeye mu‑rwire.

INDAGANO INYA:YA

⁴⁷ Omu:nu wo kwamba aso:kere mu:si, ni wa maaru. Omu:nu wa kabiri aso:kere mu rwire.

1 Bakorinto 15:47 ပူးပေါင်းရင်းမြစ်များ

Matayo 1:23

“Ringira, omuyarajuma arijira inda, ariibhura omwana wa echirume. Risiina ryaye bharimutoga Manweri.” Obhugajuro bhwa risiina eryo ni ati, “Nyamuwanga ari aamwi na eswe.”

Ruuka 2:11

Reero inu, mu‑musi gwa Dawudi, eebhurwa‑mo Omuchungusi weemwe. Omuchungusi oyo niwe Kirisito Raatabhugenyi.

Yowana 3:31

Unu asookere mu‑rwire, ari na obhuturo okukira abhaanu bhoone. Omuunu woonewoone wa ku‑chaaro, kaayika emisango ja ku‑chaaro kunu. Nawe unu asookere mu‑rwire, ari na obhuturo okukira abhaanu bhoone.

Yowana 6:33

Ebhiryo bhya Nyamuwanga ni bhinu bhiikire okusooka mu‑rwire, korereki bhiyaane abhaanu bhoone ku‑chaaro kunu obhuwanga bhwa akajaanende koone.”

Ebikorwa 10:36

Emwe abheene, mumenyere omusango gunu Nyamuwanga ꞉aasiriiye Abhayisirayeeri. Nibharaasibhwa Emisango ja Ekisi korereki bhabhe na omurembe na Nyamuwanga ku‑njira ya Yeesu Kirisito. Yeesu oyo niwe Raatabhugenyi wa abhaanu bhoone.

1 Bakorinto 15:45

Mu‑Bhikaame Ebhyeru jikaamirwe ati, “Omuunu wa okwamba, Adaamu, ꞉aabhumbirwe ˆnaabha omuunu omuwanga,” nawe Adaamu wa obhuteero, Kirisito, niwe Mwoyo unu kaayaana abhaanu obhuwanga.

1 Bakorinto 15:46

Nawe omubhiri gunu ogutangata ni gunu gutari gwa obhuwanga, ni gurya gwa obhusimukwa, gukamara niguuja omubhiri omuyaaya gunu chiriyaanwa na Mwoyo Mweru.

2 Bakorinto 5:1

Emibhiri jeeswe ja ku‑chaaro anu, jiri rwa ebhiwuuna. Nawe chimenyere ati, bhikakambuka, Nyamuwanga arichiyaana jinju ja akajaanende mu‑rwire jinu jitakumbakwa na abhaanu.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.