1 Bakorinto 15:44 - Indagano Inyaaya mu-Chijita

⁴⁴ Ogusiikwa omubhiri gwa obhusimukwa, nawe ogusuuruka omubhiri muyaaya gunu chiriyaanwa na Mwoyo Mweru. Okubha guri‑wo omubhiri gwa obhusimukwa, ka wone guri‑wo omubhiri omuyaaya gunu chiriyaanwa na Mwoyo Mweru.

INDAGANO INYA:YA

⁴⁴ Ogubibwa omubiri gwo busimuka, no gwo mwoyo one gurio.

1 Bakorinto 15:44 ပူးပေါင်းရင်းမြစ်များ

Ruuka 24:31

Niwo Nyamuwanga ˆneegura ameeso geebhwe nibhasombookerwa ati unu ni Yeesu. Awoawo omwene ˆnaabhura okusooka mu‑meeso geebhwe.

Yowana 20:19

Yejire yaakinga keegoro orusuku orwoorwo, abheeyigisibhwa bha Yeesu nibheekumanya mu‑nju imwi. Bhejire bheengira nibheegara jinjigi, isonga iri ati bhoobhayaga abhatangasya bha Abhayawudi. Noorwo kutyo jinjigi jaariga jigaaywe, Yeesu ˆnaabhonekana abhwerubhweru, na okwimereeguru agati yeebhwe, ˆnaabhabhwira ati, “Omurembe gubhe aamwi na emwe!”

Yowana 20:26

Jejire jaatura siku etaanu na esatu, abheeyigisibhwa bha Yeesu nibheekumanya aamwi rindi mu‑nju. Orusuku orwo Tomaasi wone aariga ari aamwi nabho. Bhaariga bheegaye jinjigi, nawe Yeesu ˆnaabhonekana abhwerubhweru, ˆneemereeguru agatigati yeebhwe, ˆnaabhakeesya ati, “Omurembe gubhe aamwi na emwe!”

1 Bakorinto 15:50

Abhayiri bhaani mu‑riikirisya, chinu eneenda okwayika ni ati, emibhiri jeeswe jinu ja jinyama na isagama bhitakutura okwanjura obhukama bhwa Nyamuwanga, amwi emibhiri jinu ejinyamuka okwanjura obhurame bhunu bhutakunyamuka.

1 Bakorinto 2:14

Nawe omuunu unu atari na Mwoyo wa Nyamuwanga, atakuramira jinu ejisooka ku‑Mwoyo wa Nyamuwanga, isonga iri ati ku‑muunu oyo ejo ni ja chimuumu. Ka wone atakutura okujisombookerwa, kwa okubha ejimenyekana era ku‑bhusakisi bhwa Mwoyo wa Nyamuwanga.