1 Bakorinto 15:34 - Indagano Inyaaya mu-Chijita

³⁴ Mupaapuke mubhe na obhwenge rwa kutyo mukenerwe, musige okukora ebhibhiibhi. Abhandi agati yeemwe bhatakumenya Nyamuwanga. Enaayika ejo, korereki nibhaswasye.

INDAGANO INYA:YA

³⁴ Mukabuke mu burengeresi, mutakoraga bibi:bi, okuba abandi batakumenya Nyamuanga. Ena:ika ebyo nibaswasye.

1 Bakorinto 15:34 ပူးပေါင်းရင်းမြစ်များ

Matayo 22:29

Yeesu ˆnaabhasubhya ati, “Emwe omubhura muno, kwa okubha mutakumenya jinu jikaamirwe mu‑Bhikaame Ebhyeru, ka wone mutakumenya obhuturo bhwa Nyamuwanga kutyo bhuri.

Yowana 5:14

Ejo jejire jaawa, Yeesu ˆnaasongʼana omuunu oyo mu‑rubhuga rwa Riyekaru, ˆnaamubhwira ati, “Tegeresya, woori waawora. Waasiga okukora ebhibhiibhi rindi, kwa okubha ukagenderera okukora ebhibhiibhi, owuja okunyaaka okukira kutyo waariga nuunyaaka ku‑bhwambiro.”

Yowana 8:11

Omugasi oyo ˆnaamusubhya ati, “Mwami, atari‑wo noorwo umwi wa okundamura.” Mbe, Yeesu ˆnaamubhwira ati, “Noorwo anye nitakukuramura. Genda, nawe okwambira reero, usige okukora ebhibhiibhi rindi.”]

Ebikorwa 26:8

Mbawo emwe mutakwikirisya ati Nyamuwanga kaasuurura abhafuuwe?

Barumi 1:28

Mbe, abhaanu bharemere okusombookerwa Nyamuwanga, kurwa ejo Nyamuwanga wone abhasindikire bhabhega nibharuubha obhwiganirisya bhwebhwe bhwa okwiyabhya. Woori abhakora emisango jinu jiteeyire okukorwa.

Barumi 13:11

Mukorega ejo joone, kwa okubha mumenyere ati, omwanya gwa okurafya okusooka mu‑tiro gwakinga. Ringira, omwanya gwa obhuchungusi bhweswe guri yeeyi muno, okukira omwanya gunu ꞉chaambire okwikirisya Yeesu.

1 Bakorinto 4:14

Nitakubhakaamira emisango jinu okubhaswasya, tari eneenda okubhakengya rwa abhaana bhaani abheendwa,

1 Bakorinto 6:5

Enaayika kutyo korereki murore jiswaro. Angu, agati yeemwe atari‑wo noorwo omuunu umwi owa obhwengeeso, unu kaatura okutema echiina agati ya abheekirisya?

1 Bakorinto 8:7

Nawe jitari ati abhaanu bhoone bhari na obhumenyi obhwo, kwa okubha bhari‑wo abhandi bhanu bhaariga bhari na jitungwa ja okuramirisya amasusano. Noorwo woori, omwanya gunu abharya ebhiryo bhinu bhisyengeeywe ku‑masusano, ebhiryo ebhyo ebhibhakora okwiganirisya amasusano. Awo abheerora mu‑mitima jeebhwe ati abhakora echibhiibhi, kwa okubha bhachaari okurumatana mu‑riikirisya.

Baefeso 5:14

Nikwo okukora ejaayikwa ati, “Rafya awe, unu uwongeeye. Usuuruke okusooka mu‑bhafuuwe, Kirisito arikungʼarabhisya obhweru.”

1 Batesalonika 4:5

Musige okukururwa na okurigira okubhiibhi rwa abhanyamanga, kwa okubha abheene bhatakumenya Nyamuwanga.