1 Bakorinto 15:32 - Indagano Inyaaya mu-Chijita

³² Araabha obhwiyikanyo bhwani bhukabheeye bhwa ku‑chaaro kunu era, okurwana kwani na jityanyi jinduru mu‑musi gwa Yefeeso nikabhwene‑mo ki? Araabha abhafuuwe bhatakusuururwa, mbe, “Chirye na chinywe, kwa okubha mutondo echifwa.”

INDAGANO INYA:YA

³² Araba narwanire na jityanyi jinduru mu Efeso rwo mu:nu-mu:nu, ?mbe enibonamoki? Araba abafurye batakusu:ka, mbe cirye, cinywe, okuba mutondo ecifwa.

1 Bakorinto 15:32 ပူးပေါင်းရင်းမြစ်များ

Ruuka 12:19

Niwo enija okwiyayikira mu‑mutima gwani ati, “Woori neebhiikira ebhibhiikwa bhyafu bhya ekisi. Ebhibhiikwa ebhyo ebhija okungega‑wo emiguuga myafu! Mbe, niisye omwoyo, nirye, ninywe na okukonderwa!”’

Ruuka 9:25

Angu, omuunu aribhona omuriiro ki araabha aakabhona ebhiinu bhyone bhya echaaro chinu, nawe ˆnaasingaarisya amwi ˆnaabhusya obhurame bhwaye?

Ebikorwa 18:19

Mu‑njira, bhejire bhaakinga mu‑musi gwa Yefeeso, Pawuro ˆnaasiga abheejaabho erya. Omwene ˆneengira mu‑nju ya eriikofyanyo, ˆnaayikana na Abhayawudi.

Ebikorwa 18:21

Nawe omwanya gunu ꞉eemukire, ꞉aabhabhwiriiye ati, “Araabha Nyamuwanga aakeenda nirisubha kw‑imwe anu rindi.” Neeya ˆneemuka Yefeeso na ingarabha.

Ebikorwa 19:1

Omwanya gunu Apooro aariga ari Koriito eyo, Pawuro ꞉aaturire mu‑misi ja mu‑bhiima, ˆnaakinga mu‑musi gwa Yefeeso. Eyo ꞉aasongʼeene‑yo abheeyigisibhwa abharebhe,

Barumi 3:5

Nawe, abhaanu abhandi abhatura okwayika ati, “Ebhibhiibhi bhyeswe, eswe Abhayawudi, nibhyo ebhyeresya ati Nyamuwanga ni murengeresi ku‑ndamu yaaye. Kurwa ejo, araabha kaachiyaana ebhitiibha, chaayike ati atari murengeresi chimwi?”

Barumi 6:19

Naasimura na emwe ku‑chijekekanyo echo cha obhugaya, kwa okubha emwe mutari bhaangu okumenya chinu enaayika. Kara, mwariga nimusoosya ebhiwuga bhyone bhya emibhiri jeemwe okukora emisango emijabhi, mwariga muri bhagaya bha ebhibhiibhi, na ebhibhiibhi bhyemwe ꞉bhyeyongesiisye muno. Nawe woori, mubhe nimwisoosya ku‑Nyamuwanga ebhiwuga bhyone bhya emibhiri jeemwe, mubhe abhakosi bha emisango ja obhurengeresi, korereki mukorere emirimu Nyamuwanga kwa omwoyo gwone.

1 Bakorinto 16:8

Nawe woori enisigara mu‑musi gwa Yefeeso anu, okukingira orusuku rwa Pendekoosite rukinge.

Bagalatia 3:15

Abhayiri bhaani mu‑riikirisya nibhabhwire echijekekanyo cha obhurame bhwa bhuri rusuku. Chaayike ati abhaanu bhabhiri, bheekirisyanya inguru ya omusango omurebhe. Araabha indagano ikorekeene na okurumatanywa, atari‑wo omuunu wa okuyirema amwi wa okwongesya‑ko omusango omurebhe mu‑kwikirisyanya kwebhwe.

2 Petero 2:12

Abhaanu abho abhafuma emisango jinu bhatakusombookerwa. Abhasusana na jityanyi jinu jitari na obhwenge, kwa okubha, ejiibhurwa era, korereki jigwatwe na okwitwa! Bharisingaarisibhwa rwa kutyo ꞉bhaasingaarisiisye abhaanu abhandi.

Yuuda 1:10

Nawe abhaanu abho, abhafuma emisango jinu bhatakusombookerwa. Ka wone, emisango jinu bhasimukire bhajisombookeeywe rwa jityanyi jinu jitari na obhwenge, ejo nijo ejibhasingaarisya.