1 Bakorinto 15:10 - Indagano Inyaaya mu-Chijita

¹⁰ Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.

INDAGANO INYA:YA

¹⁰ Nawe niri kutyo niri kurwe cigongo ca Nyamuanga. Ne cigongo cae cinu cariga kwanye cariga citari ca kutyo era. Nawe anye nakorere mirimu kukira bo:ne, nawe atari anye, nawe ni cigongo ca Nyamuanga cinu cariga mwanye.

1 Bakorinto 15:10 ပူးပေါင်းရင်းမြစ်များ

Matayo 10:20

Okubha mutari emwe bhanu muribhaga nimwayika, tari ni Mwoyo wa Esomwana unu ari mu‑rwire, niwe aribhaga ˆnaayika okutura kw‑imwe.

Matayo 25:16

“Awoawo, omugaya unu ꞉aayaaywe jitaranta etaanu, ˆnaagenda okukora ebhyasara na okubhona jitaranta ejindi etaanu.

Barumi 11:1

Woori enibhuusya ati, angu, Nyamuwanga aremere abhaanu bhaaye? Wuri, noorwo na akatyari! Anye omwene niri Muyisirayeeri, okusooka mu‑rwibhuro rwa Bhurayimu, na okusooka mu‑ruganda rwa Bhenjamiini.

Barumi 12:3

Woori, Kirisito anaaye obhwitiriranya nibhe itumwa yaaye. Kurwa ejo, enibhwira bhuri umwi weemwe ati, asige okwirora ati eeyire okukira kutyo ari, tari abhe na obhwengeeso. Mubhe nimwirora ati, bhuri muunu ayaaywe eriikirisya riryarirya na Nyamuwanga.

1 Bakorinto 15:11

Kutyo mbe, nibhe niri anye, amwi bhabhe bhari jitumwa abhandi bharya, echiraasya emisango jiryajirya, ka wone nijo jinu mwikirisiisye.

1 Bakorinto 15:2

Araabha omugenderera okuruubha emisango jinu ꞉naabharaasisiisye, awo niwo omubhona obhuchungusi. Nawe araabha mutakujiruubha, eriikirisya ryemwe eribha ritari na omuriiro.

1 Bakorinto 3:10

Nyamuwanga ku‑bhwitiriranya bhwaye aansakira okuumbaka orufuka rwa omuumbaki wa ekisi na owa obhwengeeso, na omuunu owundi koombaka inguru ya orufuka orwo. Nawe woori, bhuri muunu aangarire kisi, kutyo koombaka inguru yaarwo,

1 Bakorinto 3:6

Anye ꞉naayambire jimbibho, Apooro ˆnaajiitirira amanji, nawe Nyamuwanga niwe aariga ˆnaamesya na okukusya.

1 Bakorinto 4:7

Woori, niga unu aakukora ubhe omukuru muno okukira owundi? Ni chiinu ki chinu uri nacho chinu utayaaywe na Nyamuwanga? Araabha uyaaywe, kurwa ki owikuuya wuti utayaaywe?

2 Bakorinto 12:11

Naayika rwa omumuumu, nawe emwe neemwe mwareterera naayike kutyo. Emwe mwariga nimwendwa munkuuye. Noorwo araabha enibhonekana ati, niteeyire, anye nitari mutooto okukira bhanu abheerora wuti nibho jitumwa jingʼuru.

2 Bakorinto 3:5

Jitari ati, echiiganirisya ati echitura okukora gwonegwone ku‑bhuturo bhweswe abheene, tari bhuturo bhweswe obhusooka ku‑Nyamuwanga.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

Bagalatia 2:8

Nyamuwanga unu ayaaye Peetero obhuturo bhwa okubha itumwa yaaye ku‑Bhayawudi, niwe oyooyo ꞉aanaaye obhuturo bhwa okubha itumwa yaaye ku‑bhanu bhatari Bhayawudi.

Bafilipi 2:13

Mbe, mukore kutyo kwa okubha Nyamuwanga niwe kaakora emirimu mu‑mitima jeemwe, korereki mwende na okukora emisango jinu kaakena jikorekane.

Bafilipi 4:13

Enitura okukora emisango ejo joone, kwa okubha Kirisito niwe kaanaana amanaga.

1 Batesalonika 5:12

Woori, emwe abhayiri bheeswe, echibheerembeeresya mugayuke abhaanu bhanu abhakora emirimu ja Nyamuwanga mw‑imwe, abhabhatangasya na okubhagonya ku‑bhuturo bhwa Raatabhugenyi Yeesu.

1 Timoteo 4:10

Ogwo nigwo ogukora nichiikomeesya na okukora emirimu ku‑managa goone, kwa okubha, echiiyikanya Nyamuwanga omuwanga. Omwene niwe Omuchungusi wa abhaanu bhoone, chimwichimwi bhanu abhamwikirisya.