1 Bakorinto 14:37 - Indagano Inyaaya mu-Chijita

³⁷ Araabha omuunu keerora ati ari na echiyaanwa cha okusoosya obhuragi, amwi ati ari na echiyaanwa echindi cha Mwoyo Mweru, asombookerwe ati, jinu enibhakaamira, ni maragiriro okusooka ku‑Raatabhugenyi.

INDAGANO INYA:YA

³⁷ Omu:nu wo:ne ake:iganirisya okuba muragi, amwi we byo mwoyo, amenye ati, binu enibandikira nibyo ebiragiro bya Ratabugenyi.

1 Bakorinto 14:37 ပူးပေါင်းရင်းမြစ်များ

Ruuka 10:16

Niwo, Yeesu ˆnaabhabhwira abharuubhirisya bharya ati, “Omuunu unu kaabhategeresya emwe, kaategeresya anye. Omuunu unu kaabharema emwe, noorwo anye wone kaandema. Omuunu unu kaandema anye, kaarema noorwo unu ꞉aantumire.”

Barumi 12:3

Woori, Kirisito anaaye obhwitiriranya nibhe itumwa yaaye. Kurwa ejo, enibhwira bhuri umwi weemwe ati, asige okwirora ati eeyire okukira kutyo ari, tari abhe na obhwengeeso. Mubhe nimwirora ati, bhuri muunu ayaaywe eriikirisya riryarirya na Nyamuwanga.

1 Bakorinto 14:29

Abhaanu bhanu abhasoosya obhuragi, bhaayikega bhabhiri amwi bhasatu, na abhandi bhatatirisye kisi emisango jeebhwe.

1 Bakorinto 14:36

Angu, omusango gwa Nyamuwanga gusookere kw‑imwe? Amwi gwijire kw‑imwe abheene era?

1 Bakorinto 14:38

Nawe omuunu unu kaagaya, wone arigaywa.

1 Bakorinto 2:15

Omuunu unu kaatangasibhwa na Mwoyo wa Nyamuwanga kaatatirisya joone, nawe omwene, atakutura okutatirisibhwa na omuunu woonewoone.

1 Bakorinto 3:1

Abhayiri bhaani mu‑riikirisya, omwanya gunu naariga niri kw‑imwe ꞉nitaaturire okwayika na emwe rwa abhaanu bhanu abhatangasibhwa na Mwoyo Mweru. Tari naariga ninaayika na emwe rwa abhaanu bhanu abhatangasibhwa na emisango ja echaaro, ka wone rwa abhaana abharera mu‑kwikirisya Kirisito.

1 Bakorinto 7:25

Woori, ku‑bhayarakaji bhanu bhachaari okutwarwa, nitari na riragiriro okusooka ku‑Raatabhugenyi Yeesu. Nawe ku‑bhwiganirisya bhwani enibhatongera, anye unu niiyire okwiyikanyibhwa ku‑songa ya echigongo cha Nyamuwanga.

1 Bakorinto 7:40

Nawe ni akiri muno omutumbagasi oyo asigare atatwawe. Obhwo ni bhwiganirisya bhwani, na eniiganirisya ati anye wone Mwoyo wa Nyamuwanga kaantangasya okwayika emisango ejo.

1 Bakorinto 8:2

Araabha omuunu keerora ati kaamenya omusango omurebhe, oyo achaari okumenya gwonegwone rwa kutyo keendwa amenye.

2 Bakorinto 10:12

Eswe chitakuregeeja okwituura mu‑chise chimwi, amwi okwiringʼaanya na abhaanu bhanu abheekondya abheene. Abheene ni bhamuumu, kwa okubha abheekora wuti niyo indengo ya okwirengera abheene kwa abheene na okwiringʼaanya abheene kwa abheene.

2 Bakorinto 10:7

Emwe omuringira era jinu ejibhonekana mu‑meeso geemwe! Omuunu woonewoone unu keerora ati omwene ni muunu wa Kirisito, eechuke ati, eswe wone chiri bhaanu bha Kirisito, rwa omwene.

2 Bakorinto 11:4

Enaayika kutyo, kwa okubha emwe muri bhaangu okuramira omuunu unu kaaja okuraasya emisango inguru ya Yeesu, jinu jitaasyanyiisye na jinu eswe ꞉chaaraasiisye. Ka wone, omuramira omwoyo ogundi, amwi emisango ejindi bhwangubhwangu era, noorwo kutyo ejitaasyanya na jinu ꞉mwaramiiye okusooka kw‑iswe.

Bagalatia 6:8

Mbe, omuunu unu kaatangasibhwa na okurigira kwa omubhiri, niwe arigesa okusingaarisibhwa kwa okurigira okwo. Nawe unu kaatangasibhwa na Mwoyo Mweru, arigesa obhuwanga bhwa akajaanende koone okusooka ku‑Mwoyo oyo.

2 Petero 3:2

Eneenda mwichuke emisango jinu ꞉bhaayikire kara abharagi abheeru na wone jinu ꞉aaragiriiye Raatabhugenyi na Omuchungusi okutura ku‑tumwa jaaye.

1 Yoana 4:6

Nawe eswe chiri bhaana bha Nyamuwanga. Omuunu woonewoone unu kaasombookerwa Nyamuwanga, keekirisya ameeyigisyo geeswe. Nawe unu atari mwana wa Nyamuwanga, atakugeekirisya. Nikwo kutyo echimenya obhutaasyanya bhwa abhaanu bhanu abhatangasibhwa na Mwoyo wa echimari, na bhanu abhatangasibhwa na mwoyo wa orubheeyi.

Yuuda 1:17

Nawe emwe abheendwa bhaani, mwichukega emisango jinu jitumwa ja Raatabhugenyi weeswe Yeesu Kirisito ꞉bhaayikire kara.