1 Bakorinto 14:3 - Indagano Inyaaya mu-Chijita

³ Nawe unu kaasoosya obhuragi, kaayika na abhaanu emisango ja okubhakomeesya mu‑riikirisya, ja okubhasimbiisya na ja okubhafungʼamya.

INDAGANO INYA:YA

³ Nawe unu karaga kabwira abamu ebyo kubakome:sya, ne byo kubasi:ri:sya ne byo kubasimbi:sya.

1 Bakorinto 14:3 ပူးပေါင်းရင်းမြစ်များ

Ruuka 3:18

Yowana aabhabhwiraga emisango ejindi myafu, ˆnaabhagaanyaga okukora ebhibhiibhi na okubhakomeeresya muno, enu ˆnaabharaasisyaga Emisango ja Ekisi ja Nyamuwanga.

Ebikorwa 13:15

Abhakuru bha inju eyo bhejire bhaamara okusoma mu‑bhiraagiro bhya Muusa na mu‑bhitabho bhya abharagi, nibharagirira omuunu ku‑Pawuro na Bharinaabha, ˆnaabhabhwira ati, “Abhayiri bhaasu, araabha muri na omusango gwa okuroma na abhaanu gwa okubhasimbiisya emyoyo, mugwayike.”

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

Ebikorwa 15:32

Yuuda oyo aamwi na Siira, bhoone bhaariga bhari abharagi. Mbe, nibhabhwira abheekirisya abheejaabho abho, emisango myafu ja okubhasimbiisya na okubhakomeesya.

Ebikorwa 4:36

Aariga ari‑wo Omuraawi umwi risiina ryaye aatogwaga Jejefu, omwibhurwa wa kw‑isinga rya Kiipuro, unu jitumwa ja Yeesu ꞉bhaamutogere ati, Bharinaabha, obhugajuro bhwaryo ni unu kaasimbiisya omwoyo.

Ebikorwa 9:31

Mbe abheekirisya nibhabha na omurembe mbaara joone ja Yuudeya, Gariraaya na Samaariya. Abheekirisya nibhagenderera okukomeera na okuyaanwa amanaga na Mwoyo Mweru. Ka wone, bhaagayukaga Raatabhugenyi Yeesu na obhukumi bhwebhwe nibhugenderera okwiyongesya.

Barumi 12:8

Omuunu unu ayaaywe echiyaanwa cha okusimbiisya abheejaabho, akore kutyo kisikisi. Omuunu unu ayaaywe echiyaanwa cha obhufura ku‑bhaanu, abhakume kwa omwoyo gwone. Omuunu unu ayaaywe echiyaanwa cha obhutangasya, atangasye mu‑bhwikomeesya bhwone. Omuunu unu ayaaywe echiyaanwa cha echigongo, afwire echigongo abhaanu kwa rikonderwa.

Barumi 14:19

Kurwa ejo, chiikomeesye omwanya gwone okukora emisango jinu ejireeta omurembe na jinu ejirumatanya abheejaasu mu‑riikirisya ryeswe.

Barumi 15:2

Bhuri umwi weeswe, eekomeesye okukora emisango ja okukondisya omwikirisya oweejaabho, korereki weejaasu oyo, abhone omuriiro na arumatane mu‑riikirisya.

1 Bakorinto 10:23

Abhaanu abhandi agati yeemwe abhaayika ati, “Chiikirisiibhwe okukora bhuri chiinu chinu echeenda.” Nawe anye enaayika ati, jitari ati emisango joone jiri na omuriiro. Ka wone abhaayika ati, “Chiikirisiibhwe okukora bhuri chiinu chinu echeenda.” Nawe anye enaayika ati, jitari ati emisango joone ejisakira eriikirisya ryeswe rirumatane.

1 Bakorinto 14:12

Nikwo kutyo jiri na kw‑imwe. Woori, kwa okubha omwenda muno okubha na ebhiyaanwa bhya Mwoyo Mweru, muyenje muno okubha na ebhiyaanwa bhinu ebhisakira abheekirisya abheejaanyu okukomeera mu‑riikirisya.

1 Bakorinto 14:17

Ni chimari ati risiima ryawo eryo ku‑Nyamuwanga eritura okubha rya ekisi, nawe owundi okusiima kwawo kutakumusakira okukomeera mu‑riikirisya.

1 Bakorinto 14:26

Woori, abhayiri bhaani mu‑riikirisya, chaayike ki? Omwanya gunu omwikofyanya okusabhwa, umwi keemba orwimbo, owundi keeyigisya, owundi kaayika jinu Nyamuwanga aamuswerurira, owundi kaayika jinyaayika jingenyi, na owundi kaajigajura. Emisango ejo joone jikorekane okukomeesya abheekirisya.

1 Bakorinto 14:31

Ku‑njira eyo, bhuri umwi kaabhona omwanya gwa okwayika, korereki abhaanu bhoone bheeyigisibhwe na okusimbiisibhwa.

1 Bakorinto 8:1

Woori enija okwayika inguru ya ebhiryo bhinu bhisyengeeywe ku‑masusano. Rwa kutyo omwayika, chimenyere ati, “Eswe bhoone chiri na obhumenyi.” Nawe obhumenyi obhukora abhaanu okwikuuya. Tari eryenda niryo erikomeesya abhaanu mu‑riikirisya.

2 Bakorinto 1:4

Omwene kaachifungʼamya mu‑bhinyaasyo bhyeswe bhyone, korereki eswe wone chiture okufungʼamya abhandi bhanu bhari mu‑bhinyaasyo bhya bhuri mbaga, rwa kutyo eswe echifungʼamibhwa na Nyamuwanga.

2 Bakorinto 2:7

Woori, omukenwa okumufwira echigongo na okufungʼamya omuunu oyo, korereki aasiga okusurumbara muno, okukingira okufwa omutima.

Baefeso 4:29

Omusango gwonegwone omujabhi gusige okusooka mu‑kanwa keemwe, tari gwa ekisi gunu gwiyire okukomeesya bhanu bhari na obhukene, korereki bhanu abhaguungwa bhayaanwe obhwitiriranya.

Baefeso 6:22

Naamutuma kw‑imwe, korereki abhabhwire emisango jeeswe na okusimbiisya emyoyo jeemwe.

Bakolosai 4:8

Naamutuma kw‑imwe korereki abhabhwire emisango jeeswe na okusimbiisya emyoyo jeemwe.

1 Batesalonika 2:11

Omwichuka ati, omwanya gunu chaariga chiri kw‑imwe, chaakoreraga bhuri umwi weemwe rwa kutyo omwibhusi wa echirume kaakorera abhaana bhaaye. Chaariga nichibhakomeesya emyoyo, okubhasimbiisya na okubheerembeeresya,

1 Batesalonika 2:3

Emisango jinu echibhakomeeresya jitari ja orubheeyi, amwi obhwira obhubhiibhi noorwo chitakukena okubhajiga.

1 Batesalonika 3:2

Nichituma Timoteewo omuyiri weeswe, korereki aaje okukomeesya emyoyo jeemwe na okubhasimbiisya inguru ya eriikirisya ryemwe. Omwene ni mukosi weejaasu wa Nyamuwanga, wa okuraasya Emisango ja Ekisi inguru ya Kirisito.

1 Batesalonika 4:1

Mbe, abhayiri bheeswe, ꞉chaabheeyigisiisye kutyo ejikenwa murame, korereki mukondisye Nyamuwanga. Chimari omukora kutyo ꞉mweeyigiiye. Woori, echibheerembeeresya ku‑bhuturo bhwa Raatabhugenyi Yeesu ati, mukore kisi muno okukira kutyo mwariga nimukora.

1 Batesalonika 4:18

Kurwa ejo, mugenderere okusimbiisyanya abheene kwa abheene kwa emisango ejo.

2 Batesalonika 3:12

Abhaanu abho echibharagirira na okubheerembeeresya kw‑isiina rya Raatabhugenyi Yeesu Kirisito ati, bhabhe nibhakora emirimu bhasimbiirire, korereki bharye ebhiryo bhyebhwe abheene.

1 Timoteo 1:4

Ubhagaanye bhasige okugwatira jingani ja kara jinu jitari na obhugajuro na okwinyaasya na emiroobho ja amasiina ga bhasaaja ganu gatari na obhuteero. Emisango ejo joone ejireeta jimamba era, jitakusakira abhaanu okwikirisya Nyamuwanga, rwa kutyo bhuri obhutinge bhwaye bhwa okuchungura abhaanu.

1 Timoteo 4:13

Ikomeesya okusomera abhaanu, okubhakomeeresya na okubheeyigisya Ebhikaame Ebhyeru okukingira anu niriija.

1 Timoteo 6:2

Araabha abhagaya bhari na abhaami abheekirisya bhasige okubhagaya, kwa okubha abheene wone ni bhayiri. Abhagaya abho, abhakenwa bhabhakorere ja ekisi muno, kwa okubha abhabha nibhasakira abheekirisya abheejaabho, ka wone ni bheendwa bheebhwe. Ejo ujiiyigisye na okujikomeeresya.

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.

Tiito 1:9

Abhe na eriikirisya rinu rirumateene ku‑misango ja echimari inguru ya Yeesu Kirisito, rwa kutyo ꞉eeyigisiibhwe. Niwo omwene wone, kaatura okusimbiisya abhaanu abhandi ku‑meeyigisyo ga echimari na okugonya abhaanu bhanu abhaayika emibhiibhi inguru ya ameeyigisyo ago.

Tiito 2:15

Mbe, iyigisya abhaanu emisango ejo, bhasimbiisye na okubhagonya ku‑bhuturo bhwone. Ka wone, omuunu woonewoone asige okukugaya.

Tiito 2:6

Nyabhuriko abhasigaji, ubhasimbiisye korereki bheeyingirirega.

Tiito 2:9

Nyabhuriko abhagaya, ubheeyigisye okugayuka na okukondisya abhaami bheebhwe ku‑bhuri omusango. Bheeyigisye wone bhasige okubhambasyanya nabho.

Baeburania 10:25

Chaasiga okusiga okubhugana aamwi, rwa kutyo abhaanu abhandi bhaasigire okubhugana. Tari chigenderere okusimbiisyanya noorwo okukira awo, okubha chimenyere ati orusuku rwa okusubha kwa Raatabhugenyi ruri yeeyi.

Baeburania 13:22

Enibheerembeeresya emwe abhayiri bhaani mu‑riikirisya, muruubhega emisango ja okubhasimbiisya jinu naabhakaamira ku‑nyarubha inu. Naabhakaamira emisango emitooto era.

Baeburania 3:13

Nawe mukomeesyanyega emwe abheene kwa abheene bhuri rusuku runu echitoga ati “reero inu,” korereki aasiga okubha‑wo mw‑imwe omuunu woonewoone owa omwoyo omukomeeye ku‑songa ya okujigwa na ebhibhiibhi.

1 Petero 5:12

Naabhakaamira inyarubha ifuyi inu, kwa obhusakisi bhwa Sirwano. Anye enisombookerwa kisi ati, omwene ni omwiyikanyibhwa. Obhukarariiye bhwani ni kukomeesya emyoyo jeemwe na okubhabhwira ati, emisango jinu chimari ni bhwitiriranya bhwa Nyamuwanga. Woori, mwimereeguru murumateene mu‑bhwitiriranya obhwo.

Yuuda 1:20

Nawe emwe abheendwa bhaani, mwimaririre mu‑chimari cha eriikirisya ryemwe rinu riri eryeru muno, musabhwega ku‑bhuturo bhwa Mwoyo Mweru.