1 Bakorinto 14:20 - Indagano Inyaaya mu-Chijita

²⁰ Abhayiri bhaani mu‑riikirisya, mwasiga okwiganirisya rwa abhaana abharera, tari mwiganirisyega rwa abhaanu abhakuru. Nawe inguru ya obhubhiibhi, mubhe rwa abhaana abharera.

INDAGANO INYA:YA

²⁰ Ba:na ba:su, mutabaga ba:na mu kwiganirisya kwemwe. Nawe mu rwango mube bija:re, nawe mu kwiganirisya mubega bakuru.

1 Bakorinto 14:20 ပူးပေါင်းရင်းမြစ်များ

Matayo 11:25

Omwanya ogwoogwo Yeesu ˆnaayika ati, “Raata, Raatabhugenyi wa orwire na echaaro choone! Enikusiima kwa okubha, emisango jinu ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera.

Matayo 18:3

ˆNaabhabhwira ati, “Ni chimari enibhabhwira ati, araabha mukarema okuyinduka na okubha rwa abhaana abharera, mutaringira mu‑bhukama bhwa mu‑rwire noorwo na akatyari.

Matayo 19:14

Yeesu ˆnaabhwira abheeyigisibhwa bhaaye ati, “Musige abhaana abharera bhaaje kw‑anye! Musige okubhagaanya, kwa okubha obhukama bhwa mu‑rwire ni bhwa abhaanu bhoone bhanu bhari rwa abhaana bhanu.”

Matayo 19:4

Yeesu ˆnaabhasubhya ati, “Muchaariga okusoma mu‑Bhikaame Ebhyeru ati okusookerera ku‑bhwambiro bhwa obhubhumbi, ‘Nyamuwanga ꞉aabhumbire omurume na omugasi’?

Mariko 10:15

Ni chimari enibhabhwira ati, woonewoone unu atakwikirisya obhukama bhwa Nyamuwanga rwa omwana omurera, ataringira mu‑bhukama obhwo noorwo na akatyari.”

Ruuka 18:17

Ni chimari enibhabhwira ati, omuunu woonewoone unu atakwikirisya obhukama bhwa Nyamuwanga rwa omwana omutooto, omuunu oyo atakutura okwingira mu‑bhukama bhwa Nyamuwanga.”

Barumi 1:13

Abhayiri bhaani, eneenda musombookerwe ati, kwiya kaafu naariga niikararira okubhakinga‑ko, nawe okukinga woori niyingiriiywe. Eneenda nibhaaje‑ko, korereki nikongye abhaanu mw‑imwe bharuubhe Raatabhugenyi Yeesu, rwa kutyo ꞉naakongiisye abhaanu abhandi bhanu bhatari Bhayawudi.

Barumi 16:19

Abhaanu bhoone bhoongwa kutyo omugayuka Raatabhugenyi Yeesu. Omusango ogwo ogunkondisya muno. Noorwo kutyo, eneenda mubhe na obhwengeeso muno mu‑kukora ja ekisi, na mwasiga okubha na esoro ryoneryone ati omukora ebhibhiibhi.

1 Bakorinto 13:11

Omwanya gunu naariga nichaari mwana, naariga ninaayika rwa omwana, neeganirisyaga rwa omwana, na okwitogera ja echaana. Nawe woori, bhya echaana nibhisigire, kwa okubha naakurire.

1 Bakorinto 14:19

nawe mw‑ikanisa eneenda muno okwayika mu‑bhwengeeso emisango etaanu jinu ejimenyekana korereki niiyigisye abhandi. Ogwo nigwo gwa ekisi muno okukira okwayika emisango ebhiwumbi ekumi mu‑nyaayika ingenyi.

1 Bakorinto 2:6

Woori eswe, echaayika emisango ja obhwengeeso ku‑bhaanu bhanu bharumateene mu‑riikirisya, nawe obhwengeeso obhwo bhutari bhwa echaaro chinu, ka wone bhutari bhwa abhatungi bha echaaro chinu bhanu bhariyitingʼana.

Baefeso 4:13

Obhukosi obhwo, bhurigenderera okukingira eswe bhoone, chigwatanyibhwe mu‑riikirisya ryeswe na okusombookerwa kisi Omwana wa Nyamuwanga. Niwo chirirumatana na chirikuumira na okubha rwa kutyo Kirisito ari.

Bafilipi 1:9

Enibhasabhirwa ku‑Nyamuwanga ati eryenda ryemwe rigenderere okwiyongesya muno, mu‑kubha na obhwengeeso na okusombookerwa kwone,

Bafilipi 3:15

Kurwa ejo, eswe bhoone bhanu chirumateene mu‑riikirisya, echikenwa okwikirisyanya ku‑misango ejo. Araabha muri na obhwiganirisya bhunu bhutaasyanyiisye na emisango ejo, Nyamuwanga niwe aribhaswerurira kutyo jiri.

1 Petero 2:2

Woori mwamarire okurabha na okumenya ati Raatabhugenyi Yeesu ni wa ekisi. Mbe mubhe rwa abhaana abharera kutyo abhakena amata, emwe wone mubhe na obhwiro bhwa amata ga ekisi ga echinyamwoyo, korereki ku‑managa gaago murumatane mu‑bhuchungusi bhwemwe.

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.