1 Bakorinto 14:16 - Indagano Inyaaya mu-Chijita

¹⁶ Ukakuuya Nyamuwanga mu‑mwoyo era, omuunu owundi unu atari na obhuturo obhwo bhwa okusombookerwa inyaayika ingenyi, kaja okutura kutiki okwitabhirwa risiima ryawo ku‑Nyamuwanga mu‑kwayika ati, “Jibhe kutyo”? Atakusombookerwa wuri jinu owaayika!

INDAGANO INYA:YA

¹⁶ ?Okuba ukasabwa ribando mu mwoyo, unu eyanjire ku ciyanjo ca banu bate:igisibwe kajumi:rira kutiki ati, Amina, kurwo kusi:ma kwao, akaba atakumenya cinu owaika?

1 Bakorinto 14:16 ပူးပေါင်းရင်းမြစ်များ

Matayo 15:36

ˆNaagega emikaate etaanu na ebhiri jirya na ebhiswi bhirya, ˆnaasiima Nyamuwanga. Neeya, ˆnaabhibheganya, ˆnaayaana abheeyigisibhwa bhaaye, abheene wone nibhagabhira abhaanu.

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Mariko 16:20

Abheeyigisibhwa bhaaye bharya nibhasooka arya. Nibhagenda okuraasya Emisango ja Ekisi woonewoone. Raatabhugenyi Yeesu abhayaanaga amanaga ga okukora ebhibharikisyo. Nikwo kutyo aariga ˆneeresya emisango ejo ati ni ja chimari.]

Yowana 21:25

Ka wone jiri‑wo emisango ejindi myafu jinu Yeesu ꞉aakorere. Araabha ejo joone jikakaamirwe, eniiganirisya ati echaaro choone chitaakeeyire ku‑bhitabho bhinu bhyakakaamirwe.

Yowana 7:15

Niwo abhatangasya bha Abhayawudi nibharuguura inguru ya ameeyigisyo gaaye, nibhaayika ati, “Omuunu unu kaatura kutiki okumenya emisango joone jinu, keenu ꞉ataasomere?”

Ebikorwa 4:13

Abhakuru abho bhejire bhaarora Peetero na Yowana kutyo abharoma kwa ribhaasi, enu bhabhamenyere ati ni bhaanu bhanu bhatasomere na bhatari na obhwengeeso, nibharuguura muno. Nibheeya nibhasombookerwa ati Peetero na Yowana bhaariga bhari aamwi na Yeesu.

1 Bakorinto 11:24

ˆnaasiima Nyamuwanga, ˆnaagubheganya, ˆnaayika ati, “Gunu nigwo omubhiri gwani gunu oguja okusoosibhwa inguru yeemwe. Mubhega nimukora kutyo, mu‑kunyichuka!”

1 Bakorinto 14:14

Enaayika kutyo, kwa okubha nikasabhwa mu‑nyaayika ingenyi, omwoyo gwani nigwo ogubha nigusabhwa, nawe obhwenge bhwani bhutakubhona‑mo omuriiro gwonegwone.

1 Bakorinto 14:2

Omuunu unu kaayika inyaayika ingenyi, atakwayika na abhaanu, tari kaayika na Nyamuwanga, kwa okubha jinu kaayika atari‑wo unu kaajisombookerwa. Omwene oyo kaabha ˆnaayika emisango ja imbisike ku‑managa ga Mwoyo Mweru.

1 Bakorinto 16:24

Eryenda ryani ribhe na emwe bhoone, mu‑kubha na obhumwi na Kirisito Yeesu.

2 Bakorinto 1:20

Nikwo kutyo jiri, kwa okubha joone jinu Nyamuwanga ꞉aaragire, jaakuumira ku‑Yeesu Kirisito. Nikwo okukora okutura ku‑mwene, echaayika ati, “Jibhe kutyo,” inguru ya okukusya Nyamuwanga.

Obhusweruro 22:20

Omwene unu kaasoosya obhubhambaasi bhwa emisango jinu kaayika ati, “Chimari, eniija bhwangu.” Jibhe kutyo. Iija Raatabhugenyi Yeesu!

Obhusweruro 5:14

Ebhibhumbwa bhina bhirya nibhiitabhirisya, nibhyayikaga ati, “Jibhe kutyo!” Abhakaruka bharya wone nibhagwa bhwifumbike, nibharamya Nyamuwanga na Omwana wa Inaama.

Obhusweruro 7:12

nibhaayikaga ati, “Jibhe kutyo! Jikuma na rikusyo, obhwengeeso na risiima, echibharo na obhuturo na amanaga bhiri ku‑Nyamuwanga weeswe akajaanende koone. Jibhe kutyo!”