1 Bakorinto 14:15 - Indagano Inyaaya mu-Chijita

¹⁵ Woori neenderwe nikore ki? Enija okusabhwa mu‑mwoyo mu‑nyaayika ingenyi, ka wone enija okusabhwa mu‑bhwengeeso, enija okwimba mu‑mwoyo mu‑nyaayika ingenyi, ka wone enija okwimba mu‑bhwengeeso.

INDAGANO INYA:YA

¹⁵ ?Mbe ka niki? Enisabwa mu mwoyo, enisabwa mu bwenge one. Enimba mu mwoyo, enimba mu bwenge one.

1 Bakorinto 14:15 ပူးပေါင်းရင်းမြစ်များ

Ebikorwa 21:22

Woori! Chikore kutiki? Chimari Abhayawudi abho bhoone abhaja okuungwa ati uri anu.

Barumi 1:9

Nyamuwanga unu enikorera emirimu kwa mwoyo gwani gwone mu‑kuraasisya abhaanu Emisango ja Ekisi ja Omwana waaye, kaamenya kutyo enibhasabhirwa omwanya gwone.

Barumi 3:5

Nawe, abhaanu abhandi abhatura okwayika ati, “Ebhibhiibhi bhyeswe, eswe Abhayawudi, nibhyo ebhyeresya ati Nyamuwanga ni murengeresi ku‑ndamu yaaye. Kurwa ejo, araabha kaachiyaana ebhitiibha, chaayike ati atari murengeresi chimwi?”

Barumi 8:31

Mbe, chaayike ki woori inguru ya emisango ejo? Araabha Nyamuwanga ari rubhaara rweswe, niga unu kaatura okuchiyiga?

1 Bakorinto 10:19

Woori, eneenda okwayika ki? Angu, ebhiryo bhinu bhisyengeeywe ku‑masusano bhiri na omuriiro gwonegwone? Amwi ati amasusano wone gari na omuriiro ki?

1 Bakorinto 14:14

Enaayika kutyo, kwa okubha nikasabhwa mu‑nyaayika ingenyi, omwoyo gwani nigwo ogubha nigusabhwa, nawe obhwenge bhwani bhutakubhona‑mo omuriiro gwonegwone.

1 Bakorinto 14:19

nawe mw‑ikanisa eneenda muno okwayika mu‑bhwengeeso emisango etaanu jinu ejimenyekana korereki niiyigisye abhandi. Ogwo nigwo gwa ekisi muno okukira okwayika emisango ebhiwumbi ekumi mu‑nyaayika ingenyi.

1 Bakorinto 14:26

Woori, abhayiri bhaani mu‑riikirisya, chaayike ki? Omwanya gunu omwikofyanya okusabhwa, umwi keemba orwimbo, owundi keeyigisya, owundi kaayika jinu Nyamuwanga aamuswerurira, owundi kaayika jinyaayika jingenyi, na owundi kaajigajura. Emisango ejo joone jikorekane okukomeesya abheekirisya.

Baefeso 6:18

Musabhwe Nyamuwanga omwanya gwone nimutangasibhwaga na Mwoyo Mweru. Mumusabhwe na okumwirembeeresya bhunyatayigwa ku‑bhuri musango. Ka wone, mugenderere okusabhirwa abheeru bha Nyamuwanga bhoone.

Bafilipi 1:18

Chichaari okunyamuka chiinu! Anye enikonderwa ati emisango ja Kirisito ejiraasibhwa, ibhe mu‑bhwira obhubhiibhi amwi mu‑bhwira bhwa ekisi. Ka wone nirigenderera okubha na rikonderwa,

Bakolosai 3:16

Omusango gwa Kirisito gwikare kwa obhwafu mu‑myoyo jeemwe, keenu nimwiyigisyanya na okukengyanya mu‑bhwengeeso bhwone. Mwimbire Nyamuwanga kwa emyoyo jeemwe na okumusiima, okutura mu‑jabhuri, mu‑nyimbo na jinyimbo ja echinyamwoyo.

Yakobo 5:13

Angu ari‑wo omuunu mw‑imwe unu kaanyaaka? Kaakenwa asabhwe Nyamuwanga. Angu, ari‑wo omuunu woonewoone unu kaakondererwa? Oyo embega jinyimbo ja okumukumuuya.

Yuuda 1:20

Nawe emwe abheendwa bhaani, mwimaririre mu‑chimari cha eriikirisya ryemwe rinu riri eryeru muno, musabhwega ku‑bhuturo bhwa Mwoyo Mweru.