1 Bakorinto 13:9 - Indagano Inyaaya mu-Chijita

⁹ Enaayika kutyo kwa okubha chimenyere emisango emitooto era, ka wone okusoosya obhuragi kweswe, kutakuumiiye.

INDAGANO INYA:YA

⁹ Okuba binu cimenyere bitaku:miye ka binu eciraga bitaku:miye.

1 Bakorinto 13:9 ပူးပေါင်းရင်းမြစ်များ

Matayo 11:27

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

Barumi 11:34

“Niga unu kaatura okumenya obhwiganirisya bhwa Raatabhugenyi? Niga unu kaatura okumutongera?”

1 Bakorinto 13:10

Nawe omwanya gunu obhukuumiiye bhuriija, jinu jichaari okukuumira jiritemekera.

1 Bakorinto 13:12

Ebhiinu bhinu echirora woori, echibhirora mw‑irore wuti bhiri mu‑rukoowa, nawe omwanya gunu oguuja chiribhirora bhyone abhwerubhweru. Woori enimenya kutooto era, nawe omwanya gunu oguuja nirimenya kisi rwa kutyo anye nimenyerwe na Nyamuwanga.

1 Bakorinto 2:9

Nawe jiri rwa kutyo jikaamirwe mu‑Bhikaame Ebhyeru ati, “Atari‑wo omuunu unu areraabhire okujirora noorwo okujuungwa, atari‑wo omuunu unu areraabhire okujituura mu‑mwoyo gwaye, emisango jinu Nyamuwanga ꞉eeraabhiiye bhanu abhamwenda.”

1 Bakorinto 8:2

Araabha omuunu keerora ati kaamenya omusango omurebhe, oyo achaari okumenya gwonegwone rwa kutyo keendwa amenye.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

1 Yoana 3:2

Abheendwa bhaani mu‑riikirisya, echimenya ati ku‑mwanya gunu chiri bhaana bha Nyamuwanga, noorwo kutyo jichaari okumenyekana abhwerubhweru kutyo chirisusa. Tari chimenyere ati, omwanya gunu Kirisito arisubha rindi, chirisusana nage, kwa okubha chirimurora kutyo ari.