1 Bakorinto 12:18 - Indagano Inyaaya mu-Chijita

¹⁸ Nawe woori, Nyamuwanga ateeye ku‑mubhiri bhuri chiwuga rwa kutyo ꞉eendere omwene.

INDAGANO INYA:YA

¹⁸ Mbe nawe Nyamuanga ateemo jiŋingo mu mubiri imwi-imwi rwa kutyo endere.

1 Bakorinto 12:18 ပူးပေါင်းရင်းမြစ်များ

Ruuka 10:21

Omwanya ogwoogwo, Yeesu ˆnaakondererwa muno ku‑bhuturo bhwa Mwoyo Mweru. ˆNaayika ati, “Raata awe, Raatabhugenyi wa orwire na echaaro choone! Enikusiima kwa okubha, emisango jinu, ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera. Yee Raata, nikwo kutyo jaakukondera.”

Ruuka 12:32

“Emwe echise echitooto, mwasiga okuubhaya, kwa okubha Esomwana keenda okubhayaana obhukama bhwaye.

Barumi 12:3

Woori, Kirisito anaaye obhwitiriranya nibhe itumwa yaaye. Kurwa ejo, enibhwira bhuri umwi weemwe ati, asige okwirora ati eeyire okukira kutyo ari, tari abhe na obhwengeeso. Mubhe nimwirora ati, bhuri muunu ayaaywe eriikirisya riryarirya na Nyamuwanga.

Barumi 12:6

Mbe, chiri na ebhiyaanwa bhya mbaga nyafu, rwa kutyo Nyamuwanga ꞉aachiyaaye kwa obhwitiriranya bhwaye. Omuunu unu ayaaywe echiyaanwa cha okusoosya obhuragi, akorere emirimu echiyaanwa echo okuruubhana na eriikirisya ryaye.

1 Bakorinto 12:11

Mwoyo oyooyo umwi kaakora emirimu ejo joone. Omwene kaayaana bhuri muunu echiyaanwa chaaye, rwa kutyo Mwoyo omwene keenda.

1 Bakorinto 12:17

Araabha omubhiri gwone gwakabheeye riiso, omuunu akaturire kutiki okuungwa? Amwi omubhiri gwone gwakabheeye okutwi, omuunu akaturire kutiki okuwunyirisya?

1 Bakorinto 12:19

Omubhiri gutakabheeye omubhiri, araabha gwakabheeye na echiwuga chimwi era.

1 Bakorinto 12:24

omwanya ogwo ebhiwuga bhinu bhitakuswasya, bhitakukenwa okwangarirwa rwa ebhindi. Nyamuwanga omwene ayimbanyiisye kisi omubhiri. Ebhiwuga bhinu bhitakuyaanwa echibharo muno, abhikorere bhiyaanwe echibharo,

1 Bakorinto 12:28

Nyamuwanga ateeye mw‑ikanisa, bha okwamba jitumwa, bha kabhiri abharagi, bha kasatu abheeyigisya. Wone ateeye bhanu abhakora ebhiruguusyo, bhanu bhari na echiyaanwa cha okuwosya abharwaye, bhanu bhari na echiyaanwa cha okusakira abhandi, bhanu bhari na echiyaanwa cha okutangasya, na bhanu bhari na echiyaanwa cha okwayika jinyaayika jingenyi.

1 Bakorinto 15:38

Nyamuwanga niwe kaayaana imbibho omubhiri rwa kutyo keenda, bhuri mbibho na omubhiri gwayo.

1 Bakorinto 3:5

Mbe woori, Apooro niga? Ka Pawuro niga? Eswe chiri bhakosi bhanu Nyamuwanga ꞉aachitumire okubhasakira korereki mumwikirisye. Bhuri umwi kaakora emirimu jinu ꞉aayaaywe na Raatabhugenyi.

Baefeso 1:5

꞉Aaramuuye okuchisora kutyo, chibhe abhaana bhaaye okusookerera kara, ku‑njira ya Yeesu Kirisito. ꞉Aakorere kutyo mu‑kwenda kwaye.

Baefeso 1:9

꞉Aakorere kutyo, omwanya gunu ꞉aachisweruriiye imbisike ya okwenda kwaye, okuruubhana na obhukarariiye bhwaye okusookerera kara mu‑Kirisito.

Obhusweruro 4:11

“Raatabhugenyi na Nyamuwanga weeswe, wiiyire ukuuyibhwe, okuyaanwa echibharo na okubha na obhuturo bhwone. Okubha awe ꞉waabhumbire ebhiinu bhyone, mu‑kwenda kwawo ꞉bhyabhumbirwe, ka wone bhiri‑wo.”