1 Bakorinto 12:11 - Indagano Inyaaya mu-Chijita

¹¹ Mwoyo oyooyo umwi kaakora emirimu ejo joone. Omwene kaayaana bhuri muunu echiyaanwa chaaye, rwa kutyo Mwoyo omwene keenda.

INDAGANO INYA:YA

¹¹ Nawe ebyo byone Omwoyo oyo umwi niwe kabikora, nagabira buri mu:nu rwa kutyo kenda omwene.

1 Bakorinto 12:11 ပူးပေါင်းရင်းမြစ်များ

Matayo 11:26

Yee Raata, nikwo kutyo jaakukondera.”

Matayo 20:15

Angu, nitakwikirisibhwa okukorera jipirya jaani rwa kutyo eneenda? Amwi uri na orwiso kwa okubha anye ni wa ekisi muno ku‑bhandi?’”

Yowana 3:27

Yowana ˆnaabhasubhya ati, “Omuunu atakutura okubhona echiinu choonechoone, araabha atayaaywe na Nyamuwanga.

Yowana 3:8

Mwoyo Mweru kaasusana na omuyaga gunu oguyemba okurosya enu ogwenda. Owutura okuungwa okuwutuutura kwagwo, nawe utakumenya anu ogusookerera na anu ogugenda. Nikwo kutyo jiri ku‑muunu woonewoone unu Mwoyo Mweru amukorere okubha omuyaaya echinyamwoyo.”

Yowana 5:21

Rwa kutyo Raata kaasuurura abhafuuwe na okubhayaana obhuwanga, nikwo kutyo Omwana wone kaayaana obhuwanga bhwa akajaanende koone abhaanu bhanu omwene keenda ayaane.

Barumi 12:6

Mbe, chiri na ebhiyaanwa bhya mbaga nyafu, rwa kutyo Nyamuwanga ꞉aachiyaaye kwa obhwitiriranya bhwaye. Omuunu unu ayaaywe echiyaanwa cha okusoosya obhuragi, akorere emirimu echiyaanwa echo okuruubhana na eriikirisya ryaye.

Barumi 9:18

Kurwa ejo, rwa kutyo Nyamuwanga keenda, kaafwira echigongo abhandi, na kaakora emyoyo ja abhandi okubha emikomeeye.

1 Bakorinto 12:18

Nawe woori, Nyamuwanga ateeye ku‑mubhiri bhuri chiwuga rwa kutyo ꞉eendere omwene.

1 Bakorinto 12:4

Bhiri‑wo ebhiyaanwa bhya mbaga nyafunyafu, nawe Mwoyo unu kaagabha ebhiyaanwa ebhyo ni uryaurya.

1 Bakorinto 12:6

Ka wone echikora emirimu ja mbaga nyafunyafu, nawe Nyamuwanga unu kaayaana bhoone obhuturo bhwa okukora emirimu joone ni uryaurya.

1 Bakorinto 7:17

Bhuri muunu eekare okuruubhana na obhutinge bhwa Raatabhugenyi, ka wone asigare rwa kutyo aariga ari, omwanya gunu Nyamuwanga ꞉aamubhirikiiye. Nikwo kutyo eniragirira mu‑makanisa goone.

1 Bakorinto 7:7

Anye naakeendere abhaanu bhoone bhabhe rwa kutyo anye niri, nawe jitari kutyo kwa okubha bhuri muunu Nyamuwanga amuyaaye echiyaanwa chaaye, owumwi echiyaanwa chinu, owundi chirya.

2 Bakorinto 10:13

Nawe eswe, chitakwikuuya okukira indengo ya emirimu jinu chiyaaywe. Chiriikuuya era inguru ya emirimu jinu Nyamuwanga achiyaaye. Emirimu ejo, nijo jinu echikora noorwo kw‑imwe.

Baefeso 1:11

Nyamuwanga kaakora bhuri chiinu okwingana na obhukarariiye bhwa okwenda kwaye. Omwene ꞉aaramuuye okuchisora eswe Abhayawudi, chibhe abhaana bhaaye okusookerera kara ku‑njira ya Kirisito.

Baefeso 4:7

Nawe bhuri wumwi weeswe, ayaaywe obhwitiriranya okwingana na indengo ya echiyaanwa cha Kirisito kutyo chiri.

Baeburania 2:4

Nyamuwanga wone aariga ˆnaasoosya obhubhambaasi inguru ya obhuchungusi obhwo, ku‑njira ya okukora ebhibharikisyo, ebhiruguusyo na ebhikorwa bhya amanaga bhya mbaga nyafunyafu. Ka wone ꞉aagabhiiye abhaanu ebhiyaanwa bhya Mwoyo Mweru okuruubhana na okwenda kwaye.

Yakobo 1:18

Rwa kutyo omwene ꞉eendere, ꞉aachikorere chibhe abhaana bhaaye, ku‑njira ya omusango gwaye gwa echimari. ꞉Aakorere kutyo, korereki chibhe rwa abhaana bha obhubhere ku‑bhiinu bhyone bhinu ꞉aabhumbire.