1 Bakorinto 11:20 - Indagano Inyaaya mu-Chijita

²⁰ Nawe woori, omwanya gunu omwikofyanya mutakurya ebhiryo bhya Raatabhugenyi rwa kutyo jeenderwe,

INDAGANO INYA:YA

²⁰ Mbe wora mwekofyanyisya aamwi, tari ati omurya ebiryo bya Ratabugenyi.

1 Bakorinto 11:20 ပူးပေါင်းရင်းမြစ်များ

Ebikorwa 2:42

Abheekirisya bhoone nibheekomeesya okwiyigira ameeyigisyo ga jitumwa ja Yeesu, okusangira aamwi, okurya ebhiryo aamwi na okusabhwa Nyamuwanga aamwi.

Ebikorwa 2:46

Bhuri rusuku, bhaabhuganaga aamwi mu‑rubhuga rwa Riyekaru. Nawe ku‑mwanya gwa okubhega omukaate, bhaabhuganaga mu‑nju jeebhwe na okurya aamwi kw‑ikonderwa na omutima mweru,

1 Bakorinto 11:17

Inguru ya jinu eneenda okubharagirira woori, nitakubhakuuya, kwa okubha omwanya gunu omwikofyanya mutakukora ogwa omuriiro, tari omukora gunu gutari na omuriiro.

1 Bakorinto 11:19

Okwawukana ni bhusibhusi kubhe‑wo agati yeemwe, korereki bhanu bhari bha echimari bhamenyekane.

1 Bakorinto 11:21

okubha bhuri muunu kw‑imwe kaarya ebhiryo bhyaye omwene okurindirira wundi wuri. Kurwa ejo, abhandi abhasigara nibharumwaga omweko, na abhandi bhakorerwega.

Baeburania 10:25

Chaasiga okusiga okubhugana aamwi, rwa kutyo abhaanu abhandi bhaasigire okubhugana. Tari chigenderere okusimbiisyanya noorwo okukira awo, okubha chimenyere ati orusuku rwa okusubha kwa Raatabhugenyi ruri yeeyi.

2 Petero 2:13

Ka wone, bhaririywa ebhinyaasyo rwa kutyo ꞉bhaaretereeye abhaanu abhandi. Abhakonderwa okukora emisango ja okurigira kwebhwe okubhiibhi abhwerubhweru. Noorwo omwanya gunu abharya aamwi na emwe, abhakondererwa okubhajiga. Ku‑njira eyo, abheene bhari rwa obhutonetone ku‑myenda emyeru na abhabhaswasya.

Yuuda 1:12

Abhaanu abho, omwanya gunu omurya ebhiryo aamwi nabho mu‑bhugenyi bhwemwe bhwa eryenda, abharya keenu nibheegana abheene era, bhatakwiswara wuri. Abhaanu abho, bhari rwa ebhyaji bhya mu‑nyanja bhinu bhitakubhonekana, ni ngʼanga kw‑imwe. Bhatari na omuriiro gwonegwone, bhari rwa ameere ganu gatari‑mo amanji, omuyaga ogugayemba na okugasira woonewoone. Bhari rwa amati ganu gawungurukire, gafuuwe kwiya kabhiri, nikwo okwayika ati gatari na amatwasyo, na geeyirwe chimwi.