1 Bakorinto 10:7 - Indagano Inyaaya mu-Chijita

⁷ Mwasiga okuramya amasusano, rwa kutyo abhandi mu‑bheene bhaariga nibhakora. Inguru yeebhwe jikaamirwe mu‑Bhikaame Ebhyeru ati, “Abhaanu ꞉bhaategere jinenda okurya na okunywa, na bhejire bhaamara nibheemereeguru okubhina.”

INDAGANO INYA:YA

⁷ Amwi mutaba banu abaramya ebisusano, rwa bandi mwabo kutyo bariga bari. Okuba byandikirwe ati, Abamu nibenyanja okurya no kunywa, nibe:muka okubina.

1 Bakorinto 10:7 ပူးပေါင်းရင်းမြစ်များ

Ebikorwa 15:20

Echikenwa era okubhakaamira inyarubha okubheeresya ati bhasige okurya ebhiryo bhinu bhisoosiibhwe inguru ya okuramya amasusano, obhuromesi, okurya jityanyi jinu jiitirwe kwa okubhuutwa noorwo okunywa orwamba.

1 Bakorinto 10:14

Kutyo, abheendwa bhaani, mwikenge mwasiga okuramya amasusano!

1 Bakorinto 5:11

Tari, chinu ꞉neendere okwayika ni ati, mwasiga okusangira aamwi na omuunu unu keetoga omwikirisya, keenu ari muromesi, wa omuruuru, noorwo unu kaaramya amasusano, amwi omusokanya, amwi omukorwa, amwi omusaakusi. Omuunu rwa oyo, mwasiga noorwo okurya aamwi nage.

1 Bakorinto 6:9

Mutakumenya ati abhajabhi bhatariingira mu‑bhukama bhwa Nyamuwanga? Mwasiga okwijiga! Abhasengani, abhaanu bhanu abharamya amasusano, abharomesi, noorwo abhasambukani,

1 Bakorinto 8:7

Nawe jitari ati abhaanu bhoone bhari na obhumenyi obhwo, kwa okubha bhari‑wo abhandi bhanu bhaariga bhari na jitungwa ja okuramirisya amasusano. Noorwo woori, omwanya gunu abharya ebhiryo bhinu bhisyengeeywe ku‑masusano, ebhiryo ebhyo ebhibhakora okwiganirisya amasusano. Awo abheerora mu‑mitima jeebhwe ati abhakora echibhiibhi, kwa okubha bhachaari okurumatana mu‑riikirisya.

1 Yoana 5:21

Abhaana bhaani mu‑riikirisya, mwiyangarire mwasiga okuramya amasusano.