1 Bakorinto 10:13 - Indagano Inyaaya mu-Chijita

¹³ Amaregeejo ganu gaabhabhona, gari rwa ganu abhaanu abhandi abhabhona bhuri rusuku. Nyamuwanga ni mwiyikanyibhwa, omwene atakuja okubhasiga muregeejibhwe okukira obhuturo bhwemwe. Omwanya gunu emwe omuregeejibhwa, Nyamuwanga kaja okubhayaana obhuturo bhwa okwigumiirisya na okubheeresya injira ya okusooka omwo.

INDAGANO INYA:YA

¹³ Okusakwa kutakubabona tari kunu oku:ja ku ba:nu bo:ne. Nawe Nyamuanga ni mwiikanyibwa, atakubasiga musakwe kukira kutyo omutura, nawe aamwi no kusakwa kakora injira yo kuonera, korereki muture okwigumirisya.

1 Bakorinto 10:13 ပူးပေါင်းရင်းမြစ်များ

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Ruuka 11:4

Uchifwire echigongo ebhibhiibhi bhyeswe, rwa kutyo eswe wone echifwira echigongo bhanu abhachikayira. Waasiga okuchiingisya mu‑maregeejo, [nawe uchichungure okusooka ku‑Mubhiibhi urya].’”

Ruuka 16:26

Aamwi na ejo, agati yeeswe enu na emwe eyo, riteeywe‑wo riwugo enene muno, korereki omuunu unu keenda okusooka kw‑iswe enu okuuja kw‑imwe eyo, ataamiibhwe okuryambuka. Nyabhuriko omuunu unu keenda okusooka kw‑imwe eyo okuuja kw‑iswe enu, wone ataamiibhwe okuryambuka.’

Ruuka 22:46

ˆNaabhabhwira ati, “Mbawo muwongeeye? Mwimuke musabhwe Nyamuwanga, korereki mwasiga okuregeejwa.”

Ebikorwa 27:44

Abhandi bhanu ꞉bhaasigaaye bhataamenya okuwuga, nibhaambukira ku‑mbawu, amwi ku‑bhibhaara bhya ingarabha. Kutyo nikwo bhoone ꞉bhaambukire bhari bhaanga.

1 Bakorinto 1:9

Nyamuwanga arikora ejo kwa okubha omwene ni mwiyikanyibhwa. Omwene niwe ꞉aabhabhirikiiye, mubhe na obhumwi na Omwana waaye Yeesu Kirisito, Raatabhugenyi weeswe.

2 Bakorinto 1:10

Omwene niwe ꞉aachiwoniisye omwanya gunu chaariga chiri mu‑ngʼanga inene ya okufwa, ka wone kaagenderera okuchiwonʼya. Eswe echiiyikanya ati omwene aribhaga ˆnaakora kutyo bhuri mwanya.

1 Batesalonika 5:24

Nyamuwanga niwe kaabhabhirikira, aribhakorera ejo joone, kwa okubha omwene ni mwiyikanyibhwa.

2 Batesalonika 3:3

Nawe Raatabhugenyi Yeesu ni mwiyikanyibhwa, omwene kaja okubhakomeesya na okubhaangarira okusooka ku‑Mubhiibhi urya.

2 Timoteo 4:18

Enimenya ati arigenderera okumonʼya okusooka mu‑bhibhiibhi bhyone na okunyangarira, okukingira aankingye mu‑bhukama bhwaye mu‑rwire. Raatabhugenyi Yeesu akusibhwe akajaanende koone. Jibhe kutyo.

Baeburania 10:23

Chiikomeesye muno okugwatirira jinu echiikirisya na okwiyikanya, okubha Nyamuwanga unu ꞉aaragire, ni mwiyikanyibhwa.

Baeburania 11:11

Eriikirisya niryo ꞉ryakorere Saara ˆnaabhona obhuturo bhwa okujira inda na okwibhura omwana, noorwo kutyo aariga akokoowe, kwa okubha aariga ˆneekirisya ati Nyamuwanga kaakuumisya omurago gwaye.

Baeburania 12:4

Omwikomeesya okuyiga ebhibhiibhi, nawe muchaari okurwana na ebhibhiibhi okukingira okwitwa.

Baeburania 6:18

Mbe, emisango jibhiri jinu nijo Nyamuwanga ꞉aakorere, okuraga na okurayira. Nyamuwanga atarijiyindura wuri noorwo na akatyari, kwa okubha omwene atari mubheeyi. ꞉Aakorere emisango ebhiri ejo, korereki achisimbiisye eswe bhanu chiirukiiye ku‑mwene, chibhe na obhwiyikanyo ku‑misango jinu ejiija.

1 Petero 4:19

Kurwa ejo, bhanu abhanyaaka okuruubhana na okwenda kwa Nyamuwanga, bhamenye ati Nyamuwanga niwe Omubhumbi omwiyikanyibhwa. Kurwa ejo, bheetuure mu‑mabhoko gaaye, nibhagendereraga okukora ja ekisi.

2 Petero 2:9

Kurwa ejo, Raatabhugenyi kaamenya kutyo kaawonʼya okusooka mu‑maregeejo abhaanu bhanu abhamugayuka. Ka wone, kaamenya kutyo kaja okuyaana ebhitiibha abhakosi bha ebhibhiibhi orusuku rurya rwa okuramurwa,

1 Yoana 1:9

Tari, araabha chikata ebhibhiibhi bhyeswe, Nyamuwanga kaachifwira echigongo ebhibhiibhi bhyeswe na okucheesya obhujabhi bhwone, kwa okubha omwene ni mwiyikanyibhwa ka wone ni murengeresi.

Obhusweruro 19:11

Nejire neeya, nindora orwire rwigukire. Ringira, ifwaraasi iinyeru na unu aariga ayiriinyire‑ko kaatogwa ati, “Mwiyikanyibhwa” na “Owa Echimari.” Niwe kaaramura na okurwana riremo kwa obhurengeresi.

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.

Obhusweruro 3:10

Woori kwa okubha ꞉mwegumiirisiisye rwa kutyo ꞉naabharagiriiye, niribharinda omwanya gwa inyaako inu irireetwa ku‑chaaro choone okuregeeja abhaanu bhoone.