1 Bakorinto 1:30 - Indagano Inyaaya mu-Chijita

³⁰ Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

INDAGANO INYA:YA

³⁰ Nawe ku Mwene emwe mwabwene okuba mu Kristo Yesu, unu Nyamuanga akorere okuba bwenge bweswe no burengeresi bweswe, no kwesibwa kweswe, no kucungurwa kweswe.

1 Bakorinto 1:30 ပူးပေါင်းရင်းမြစ်များ

Matayo 1:21

Ariibhura omwana wa echirume, na urimutoga Yeesu, kwa okubha oyo, niwe arichungura abhaanu bhaaye okusooka mu‑bhibhiibhi bhyebhwe.”

Ruuka 11:49

“Nikwo okukora Nyamuwanga ꞉aayikire ku‑bhwengeeso bhwaye ati, ‘Enibhatumira abharagi bha Nyamuwanga na jitumwa. Nawe abhandi bhariitwa, na abhandi bharinyaasibhwa.’

Ruuka 21:15

Anye omwene, niribhayaana obhwengeeso, na emisango jinu muryayika, abhasoko bheemwe bhataritura okuyaajana najo, noorwo okujirema.

Yowana 1:18

Atari‑wo omuunu woonewoone unu ararorere Nyamuwanga noorwo na akatyari. Tari Mwana waaye eenyere, unu wone ari Nyamuwanga, ka wone ari yeeyi na Raata Nyamuwanga, oyo niwe asweruuye Nyamuwanga kw‑iswe.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 17:26

Anye nibheeyigisiisye kutyo uri, ka wone enija okugenderera okukora kutyo, korereki bheendane rwa kutyo awe unyendere, ka wone nibhe na obhumwi nabho.”

Yowana 17:8

kwa okubha naabhabhwiriiye joone jinu ꞉waambwiriiye, abheene wone bhajiramiiye. Bhamenyere chimari ati nisookere kw‑awe, ka wone bheekirisiisye ati naawe unu ꞉waantumire.

Yowana 8:12

Mbe, Yeesu ˆnaagenderera okubhabhwira ati, “Anye naanye obhweru bhwa echaaro. Omuunu woonewoone unu kaanduubha, atakuribhata mu‑chisuute wuri, tari kaja okubha na obhweru bhunu obhumutangasya okuja mu‑bhuwanga bhwa kajaanende koone.”

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Barumi 1:17

Emisango ja Ekisi ejo, ejeeresya abhwerubhweru kutyo Nyamuwanga kaabhara abhaanu okubha abharengeresi imbere yaaye. Abhaanu abhabharwa okubha abharengeresi imbere ya Nyamuwanga ku‑njira ya eriikirisya era. Rwa kutyo Ebhikaame Ebhyeru ebhyayika ati, “Omuunu unu aribha na obhuwanga, ni unu Nyamuwanga kaabhara ati ni murengeresi ku‑njira ya eriikirisya ryaye.”

Barumi 11:36

Nyamuwanga niwe ꞉aabhumbire ebhiinu bhyone. Okutura ku‑mwene ebhiinu bhyone ebhigenderera okubha‑wo, na ebhiinu bhyone bhiri‑wo inguru ya rikusyo ryaye. Nyamuwanga akusibhwe akajaanende koone! Jibhe kutyo.

Barumi 12:5

Nikwo kutyo eswe wone chiri. Eswe chiri bhaafu, nawe chaabha omubhiri gumwi mu‑kubha na obhumwi na Kirisito. Ku‑mubhiri gwaye, bhuri muunu ni chiwuga ku‑weejaabho.

Barumi 16:11

Mukeesye Erodiwooni, Omuyawudi weejaasu. Mukeesye abhaanu bha mu‑nju ya Naakiso bhanu abheekirisya Raatabhugenyi Yeesu Kirisito.

Barumi 16:7

Mukeesye Adurooniko na Yuuniya. Abho ni Bhayawudi bheejaasu bhanu ꞉chaabhoyerwe aamwi mw‑ibhoyero. ꞉Bhaantangatiiye okwikirisya Kirisito, ka wone abhayaanwa echibharo muno agati ya jitumwa.

Barumi 4:25

Nyamuwanga ꞉aasoosiisye Yeesu, korereki afwe inguru ya ebhibhiibhi bhyeswe, ˆnaamusuurura okusooka mu‑bhafuuwe, korereki eswe chibharwe okubha abharengeresi imbere yaaye.

Barumi 4:6

Rwa kutyo omukama Dawudi wone ꞉aayikire, inguru ya amabhando ga omuunu unu Nyamuwanga kaabhara okubha omurengeresi okuringira ebhikorwa bhyaye wuri. Dawudi ꞉aayikire ati,

Barumi 5:19

Omuunu umwi ejire aarema okugayuka Nyamuwanga, ꞉aaretereeye abhaanu bhoone bhabhe abhakosi bha ebhibhiibhi. Kutyokutyo, omuunu umwi ejire aagayuka Nyamuwanga, ꞉aaretereeye abhaanu bhaafu bhabhe abharengeresi imbere ya Nyamuwanga.

Barumi 5:21

Mbe, echibhiibhi chaariga chiri na amanaga ga okutunga abhaanu na okubhareetera orufu. Kutyokutyo, obhwitiriranya bhwa Nyamuwanga wone obhutunga abhaanu, kwa okubhabhara ati ni bharengeresi. Obhwitiriranya obhwo, obhubhayaana obhuwanga bhwa akajaanende koone, okutura ku‑Raatabhugenyi weeswe Yeesu Kirisito.

Barumi 8:1

Mbe woori, Nyamuwanga atariyaana ebhitiibha abhaanu bhanu bhari na obhumwi na Kirisito Yeesu.

Barumi 8:23

Ka wone, jitari ati ni bhibhumbwa ebhyo era bhinu ebhirira kwa obhusungu, tari noorwo eswe bhanu chiyaaywe Mwoyo Mweru, chirabhe bhwa ekisi ku‑jinu arichiyaana, noorwo eswe echirira kwa obhusungu mu‑myoyo jeeswe. Echirira kwa obhusungu, kwa okubha echirindirira muno omwanya gunu Nyamuwanga arichikuumisya okubha abhaana bhaaye. Awo niwo aricheerura okusooka mu‑bhugaya bhweswe bhwa obhunyamuke kwa okuchiyaana emibhiri emiyaaya.

Barumi 8:9

Nawe emwe woori, mutakutangasibhwa na obhusimukwa bhwemwe bhwa echibhiibhi, tari mutangasibhwa na Mwoyo wa Nyamuwanga, kwa okubha eekaaye mu‑myoyo jeemwe. Omuunu woonewoone unu atari na Mwoyo wa Kirisito, oyo atari muunu wa Kirisito.

1 Bakorinto 1:2

Echikaamira emwe bhanu muri mw‑ikanisa rya Nyamuwanga mu‑musi gwa Koriito. Nyamuwanga abhasorere okubha na obhumwi na Kirisito Yeesu, na abhabhirikiiye okubha abheeru bhaaye. Echibhakaamira emwe aamwi na abhaanu bhoone bha mbaara joone bhanu abhasabhwa Yeesu Kirisito, unu ari Raatabhugenyi weebhwe na Raatabhugenyi weeswe wone.

1 Bakorinto 1:24

Nawe ku‑bhaanu bhanu Nyamuwanga ꞉aabhirikiiye okubha abhaanu bhaaye, bhabhe Abhayawudi amwi bhabhe Abhayunaani, Kirisito niwe amanaga ga Nyamuwanga na obhwengeeso bhwa Nyamuwanga.

1 Bakorinto 12:18

Nawe woori, Nyamuwanga ateeye ku‑mubhiri bhuri chiwuga rwa kutyo ꞉eendere omwene.

1 Bakorinto 12:27

Mbe, emwe bhoone muri mubhiri gwa Kirisito, na bhuri umwi weemwe ni chiwuga ku‑mubhiri ogwo.

1 Bakorinto 12:8

Mwoyo kaayaana omuunu owumwi okwayika emisango ja obhwengeeso, owundi Mwoyo oyooyo kaamuyaana okwayika emisango ja obhumenyi.

1 Bakorinto 4:15

kwa okubha noorwo kutyo muri na abheeyigisya bhaafu muno bhanu abhabhaangarira mu‑Kirisito, esomwana ni umwi. Anye naariga niri esomwana mu‑Kirisito Yeesu, kwa okubharaasisya Emisango ja Ekisi.

1 Bakorinto 6:11

Abhandi agati yeemwe bhaariga bhari kutyo. Nawe woori, kwa okutura ku‑Raatabhugenyi weeswe Yeesu Kirisito, na ku‑managa ga Mwoyo wa Nyamuwanga weeswe, mwosibhwa obhujabhi bhwemwe, mwesibhwa, na okubharwa ati muri bharengeresi imbere ya Nyamuwanga.

2 Bakorinto 12:2

Enisombookerwa omwikirisya umwi, unu emiguuga ekumi na ena jinu ꞉jaaturire, ꞉aagegerwe ˆnaasirwa mu‑rwire rwa inguru muno. Nitakumenya ati ꞉aagegerwe ari mu‑mubhiri gunu, amwi ati aariga atari mu‑mubhiri gunu. Nyamuwanga wenyere niwe amenyere.

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

Bagalatia 1:4

Kirisito ꞉aasoosiisye obhurame bhwaye, inguru ya okusoosya‑wo ebhibhiibhi bhyeswe, korereki achichungure okusooka mu‑bhibhiibhi bhyone bhya echaaro chinu cha woori. ꞉Aakorere kutyo, okuruubhana na okwenda kwa Nyamuwanga Raata weeswe.

Bagalatia 3:13

Kirisito ꞉aacheeruuye okusooka mu‑chiyiimo cha ebhiraagiro kwa okugega echiyiimo echo, inguru yeeswe. Ebhikaame Ebhyeru ebhyayika ati, “Woonewoone unu abhambirwe ku‑musarabha, eeyiimirwe.”

Baefeso 1:10

Obhutinge bhwaye ni ati, aribha gwakuumira omwanya gunu omwene ateeye‑wo, niwo ariwumbanya aamwi ebhiinu bhyone bhibhe emwaro ya obhutungi bhwa Kirisito, ebhiinu bhinu bhiri mu‑rwire na bhinu bhiri mu‑chaaro.

Baefeso 1:14

Mwoyo Mweru oyo, niwe echigwatirisyo cha omwandu gwaye kw‑iswe bhanu chiri bhaana bhaaye. Omusango ogwo, ogweresya abhwerubhweru ati Nyamuwanga aryerura chimwi abhaanu bhoone bhanu abhamwiyikanya. Chimukuuye inguru ya rikusyo ryaye!

Baefeso 1:7

Okubha ku‑sagama ya Kirisito cheeruuywe, nikwo okufwirwa echigongo ebhibhiibhi bhyeswe bhyone. Ku‑njira eyo, Nyamuwanga ꞉aacheeresiisye obhuniibhi bhwafu muno bhwa obhwitiriranya bhwaye.

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Baefeso 4:30

Musige okusurumbasya Mwoyo Mweru wa Nyamuwanga, kwa okubha omwene oyo, niwe orunabho rwaye kw‑imwe ati, orusuku oruuja runu muryerurwa chimwi.

Baefeso 5:26

꞉Aakorere kutyo, korereki aryesye kwa okuryosya mu‑manji ga obhubhatiijo na ku‑njira ya omusango gwa Nyamuwanga.

Bafilipi 3:9

ka wone nibhe na obhumwi nage. Nitakwiyikanya rindi obhurengeresi bhunu obhusooka mu‑kugayuka ebhiraagiro, tari obhurengeresi bhunu obhusooka mu‑kwikirisya Kirisito. Obhwo nibhwo obhurengeresi bhunu Nyamuwanga kaayaana bhanu abheekirisya Kirisito.

Bakolosai 1:14

Ku‑njira ya Omwana waaye, cheeruuywe, nikwo okwayika ati, okufwirwa echigongo ebhibhiibhi bhyeswe.

Bakolosai 3:16

Omusango gwa Kirisito gwikare kwa obhwafu mu‑myoyo jeemwe, keenu nimwiyigisyanya na okukengyanya mu‑bhwengeeso bhwone. Mwimbire Nyamuwanga kwa emyoyo jeemwe na okumusiima, okutura mu‑jabhuri, mu‑nyimbo na jinyimbo ja echinyamwoyo.

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Baeburania 9:12

Omwene ꞉eengiiye rumwi era Ayeeru a Ayeeru. ꞉Ateengiiye eyo na orwamba rwa jimbusi amwi rwa ebhinyara, tari ꞉eengiiye eyo na isagama yaaye omwene, korereki acheerure akajaanende koone.

Yakobo 1:5

Nawe araabha ari‑wo omuunu mw‑imwe unu akeeyeeywe obhwengeeso, kaakenwa asabhwe Nyamuwanga, omwene arimuyaana. Okubha Nyamuwanga kaayaana abhaanu bhoone, ku‑bhwafu, noorwo atakugonya wuri.

1 Petero 1:2

Kara awo, Raata Nyamuwanga ꞉aatangatire okubhamenya, ˆnaabhasora, Mwoyo waaye ˆnaabhakora mubhe bheeru, korereki mugayuke Yeesu Kirisito na okwesibhwa mu‑sagama yaaye. Obhwitiriranya na omurembe okusooka ku‑Nyamuwanga bhyongesibhwe kw‑imwe.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

1 Yoana 5:6

Mbe, Yeesu Kirisito ꞉aasweruuywe ati ni Mwana wa Nyamuwanga ku‑njira ya obhubhatiijo bhwaye mu‑manji na ku‑njira ya okwita isagama yaaye ku‑musarabha. Itari kwa okubhatiijwa mu‑manji era, tari kwa okubhatiijwa mu‑manji na okwa okwita isagama.

Obhusweruro 14:4

Abhaanu abho nibho abharuubha Omwana wa Inaama woonewoone anu kaaja. Ka wone, ꞉bhateejabhiyasiisye na abhagasi, okubha bhaariga bhari bhimura. ꞉Bhaagurirwe okusooka agatigati ya abhaanu abhandi, nibhasoosibhwa wone okubha echoogo cha ebhigeswa cha okwamba ku‑Nyamuwanga na ku‑Mwana wa Inaama.

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.