1 Bakorinto 1:21 - Indagano Inyaaya mu-Chijita

²¹ Enaayika kutyo, kwa okubha Nyamuwanga, ku‑bhwengeeso bhwaye, ꞉aaramuuye ati abhaanu bhatakutura okumusombookerwa okutura ku‑bhwengeeso bhwebhwe abheene. Tari Nyamuwanga ꞉eendere okuchungura bhanu abhamwikirisya okutura ku‑misango jinu echiraasya. Emisango ejo, abhaanu bhanu bhatakumenya Nyamuwanga, abhaayika ati ni ja echimuumu.

INDAGANO INYA:YA

²¹ Okuba mu bwenge bwa Nyamuanga, i:si yejire yarema okumenya Nyamuanga kurwo bwenge bwayo, mbe nibimukondera Nyamuanga okuonya banu abe:kirisye mu njira yo bumu:mu bwo kusimura omusango.

1 Bakorinto 1:21 ပူးပေါင်းရင်းမြစ်များ

Matayo 11:25

Omwanya ogwoogwo Yeesu ˆnaayika ati, “Raata, Raatabhugenyi wa orwire na echaaro choone! Enikusiima kwa okubha, emisango jinu ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera.

Ruuka 10:21

Omwanya ogwoogwo, Yeesu ˆnaakondererwa muno ku‑bhuturo bhwa Mwoyo Mweru. ˆNaayika ati, “Raata awe, Raatabhugenyi wa orwire na echaaro choone! Enikusiima kwa okubha, emisango jinu, ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera. Yee Raata, nikwo kutyo jaakukondera.”

Ruuka 12:32

“Emwe echise echitooto, mwasiga okuubhaya, kwa okubha Esomwana keenda okubhayaana obhukama bhwaye.

Yowana 12:31

Woori gwakinga omwanya gwa Nyamuwanga okuramura echaaro chinu. Woori gwakinga omwanya gwa Nyamuwanga okubhirimya Syetaani okusooka ku‑bhutungi bhwa ku‑chaaro kunu.

Barumi 1:28

Mbe, abhaanu bharemere okusombookerwa Nyamuwanga, kurwa ejo Nyamuwanga wone abhasindikire bhabhega nibharuubha obhwiganirisya bhwebhwe bhwa okwiyabhya. Woori abhakora emisango jinu jiteeyire okukorwa.

Barumi 11:33

Yee! Niga unu kaatura okusombookerwa kutyo bhuri bhuniibhi, obhwengeeso na okumenya kwa Nyamuwanga? Ebhikira obhusombookerwa bhweswe! Atari‑wo omuunu unu kaatura okusombookerwa kutyo kaaramura, amwi unu kaatura okweresya jinjira jaaye.

1 Bakorinto 1:18

Abhaanu bhanu abhabhura abharora ati emisango ja Kirisito okufwa ku‑musarabha ni ja echimuumu, nawe kw‑iswe bhanu echichunguka, emisango ejo nigo amanaga ga Nyamuwanga.

1 Bakorinto 1:23

Nawe eswe, echiraasya emisango inguru ya Kirisito unu ꞉aafuuwe ku‑musarabha. Emisango ejo ejikora Abhayawudi bheekuujure, na ku‑bhanu bhatari Bhayawudi ni misango ja echimuumu.

1 Bakorinto 1:24

Nawe ku‑bhaanu bhanu Nyamuwanga ꞉aabhirikiiye okubha abhaanu bhaaye, bhabhe Abhayawudi amwi bhabhe Abhayunaani, Kirisito niwe amanaga ga Nyamuwanga na obhwengeeso bhwa Nyamuwanga.

1 Bakorinto 1:25

Emisango jinu abhaanu abharora ati ni bhumuumu bhwa Nyamuwanga, ejikira obhwengeeso bhwa abhaanu. Ka emisango jinu abharora ati ni bhujorobhoke bhwa Nyamuwanga, jiri na amanaga okukira amanaga ga abhaanu.

1 Bakorinto 1:27

Nawe Nyamuwanga ꞉aawuuwe emisango jinu abhaanu abharora ati ni bhumuumu, korereki aswasye abha obhwengeeso. Ka wone Nyamuwanga ꞉aawuuwe emisango jinu abhaanu abharora ati ni bhujorobhoke, korereki aswasye abha amanaga.

1 Bakorinto 11:32

Nawe woori, omwanya gunu echiramurwa na Raatabhugenyi, awo niwo echibha nichitongerwa, korereki Nyamuwanga aasiga okuchiramura rwa kutyo ariramura abhaanu bhanu bhatakumumenya.

1 Bakorinto 2:14

Nawe omuunu unu atari na Mwoyo wa Nyamuwanga, atakuramira jinu ejisooka ku‑Mwoyo wa Nyamuwanga, isonga iri ati ku‑muunu oyo ejo ni ja chimuumu. Ka wone atakutura okujisombookerwa, kwa okubha ejimenyekana era ku‑bhusakisi bhwa Mwoyo wa Nyamuwanga.

1 Bakorinto 4:10

Abhaanu bhaafu abhachirora ati chiri bhamuumu, kwa okubha echikorera emirimu Kirisito, nawe emwe omwirora ati muri abha obhwengeeso kwa okubha omuruubha Kirisito. Eswe echibhonekana ati chiri bhajorobhoke, nawe emwe omwirora ati muri na amanaga. Eswe echigaywa, nawe emwe omwirora ati muri na echibharo.

1 Bakorinto 6:2

Mutakumenya ati emwe abhaanu bha Nyamuwanga neemwe muriramura echaaro chinu? Woori, araabha emwe muriramura echaaro chinu, kurwa ki mutaamiibhwe okuramura echiina echaangu agati yeemwe?

Bagalatia 1:15

Nawe Nyamuwanga, ꞉aansorere nichaari kwibhurwa, ˆnambirikira ku‑bhwitiriranya bhwaye, ˆnaaramura

Bagalatia 4:8

Emwe kara mwariga mutakumenya Nyamuwanga. Ku‑mwanya ogwo, mwariga muri bhagaya bha amasambwa ganu gatari Nyamuwanga.

Baefeso 1:9

꞉Aakorere kutyo, omwanya gunu ꞉aachisweruriiye imbisike ya okwenda kwaye, okuruubhana na obhukarariiye bhwaye okusookerera kara mu‑Kirisito.

Baefeso 3:10

Obhukarariiye bhwa ejo, ni ati, ku‑njira ya rikanisa, obhwengeeso bhwafu bhwa bhuri mbaga bhwa Nyamuwanga kutyo bhuri, bhumenyekane ku‑bhutungi na ku‑bhuturo mu‑chaaro chinyatarorwa.

Bakolosai 1:19

Nikwo kutyo, kwa okubha ꞉jaakondeeye Nyamuwanga ati, obhukuumiiye bhwaye bhwone bhubhe mu‑Mwana waaye.

Baeburania 1:14

Mbe woori, bhamaraayika ni chiinu ki? Ni myoyo jinu ejikorera emirimu Nyamuwanga, omwene kaajituma jigende okukorera emirimu abhaanu bhanu bharichungurwa.

Baeburania 2:3

Araabha ꞉jaakorekeene kutyo ku‑bheene, angu, eswe chiritura kutiki okuwona okuyaanwa ebhitiibha, chikabha chitakwigana obhuchungusi obhunene rwa bhunu chibhwene? Raatabhugenyi Yeesu niwe ꞉aambire okuraasya obhuchungusi obhwo, na abhaanu bhanu bhaariga nibhamutegeresya wone nibhachibhwira ati, omusango gwa obhuchungusi ogwo ni gwa echimari.

Baeburania 7:25

Ku‑songa eyo, omwene ari na obhuturo bhwa okuchungura chimwi abhaanu bhoone bhanu abhagenda ku‑Nyamuwanga okutura ku‑mwene. Okubha omwene ni muwanga akajaanende koone, korereki abhasabhirwe ku‑Nyamuwanga omwanya gwone.

Yakobo 4:4

Emwe, muri abhaanu bhanu bhatari bheeyikanyibhwa ku‑Nyamuwanga! Mutakumenya ati okubha omusaani wa echaaro chinu ni okubha omusoko wa Nyamuwanga? Kurwa ejo, omuunu woonewoone aakeenda okubha omusaani wa echaaro, keekora okubha omusoko wa Nyamuwanga.

Yakobo 5:15

Bhakamusabhirwa bhari na eriikirisya, omurwaye oyo ariwora. Raatabhugenyi arimwinamusya na araabha aariga akorere ebhibhiibhi, arifwirwa echigongo ebhibhiibhi ebhyo.

Yakobo 5:20

mumenye ati, unu kaasubhya owa ebhibhiibhi okusooka mu‑bhibhiibhi bhyaye, kaabha awoniisye omwoyo gwa omuunu oyo okusooka mu‑rufu na okufwirwa echigongo ebhibhiibhi bhyaye ebhyafu.