1 Bakorinto 1:20 - Indagano Inyaaya mu-Chijita

²⁰ Woori bhari aaki bhanu echaayika ati bhari na obhwengeeso? Bhari aaki bhanu echaayika ati ni bheeyigisya bha ebhiraagiro bhya Muusa, noorwo abhamenyi bha okwayika kisi mu‑siku jinu? Nyamuwanga eeresya abhwerubhweru ati obhwengeeso bhwa echaaro chinu ni bhumuumu.

INDAGANO INYA:YA

²⁰ ?Omwengeso abee a:ki? ?Omwandiki abee a:ki? ?Omubambasi wa riimbo rinu abee a:ki? ?Angu, Nyamuanga atafiriyasisye obwenge bwa i:si inu?

1 Bakorinto 1:20 ပူးပေါင်းရင်းမြစ်များ

Matayo 13:22

Jimbibho jinu ꞉jaaguuwe mu‑mawa, jiri rwa omuunu unu koongwa emisango inguru ya obhukama bhwa mu‑rwire, nawe kaajigwa na obhwiganirisya bhwa obhurame bhwa ku‑chaaro na obhurigire bhwa obhuniibhi. Kurwa ejo, emisango ejo ejiyiganywa, nijirema okutwasya amatwasyo mu‑bhurame bhwaye.

Yowana 12:31

Woori gwakinga omwanya gwa Nyamuwanga okuramura echaaro chinu. Woori gwakinga omwanya gwa Nyamuwanga okubhirimya Syetaani okusooka ku‑bhutungi bhwa ku‑chaaro kunu.

Ebikorwa 17:18

Niwo abhaanu abharebhe bha obhwengeeso bhanu bhaatogwaga ati Abhayepukiriyo, aamwi na Abhasitoyiko, nibhaamba okubhambasyanya na Pawuro na okurema emisango jaaye. Abhandi mu‑bheene nibhabhuusya ati, “Ni misango ki jinu omuromiromi unu kaayika?” Abhandi nibhaayika ati, “Eyibhonekana ati kaayikira inguru ya amasambwa ga echaaro echindi.” ꞉Bhaayikire kutyo kwa okubha Pawuro aabharaasisyaga inguru ya Yeesu na inguru ya okusuuruka mu‑bhafuuwe.

Barumi 1:20

Ku‑bhwambiro awo, Nyamuwanga ꞉aabhumbire ebhiinu bhyone. Okwambira omwanya ogwo, abhaanu abhatura okumenya kutyo Nyamuwanga ari, noorwo kutyo bhatakumurora. Ebhiinu bhinu ꞉aabhumbire ebhyeresya obhuturo bhwaye bhwa akajaanende, ka wone omwene niwe Nyamuwanga era, atari‑wo owundi wuri. Kurwa ejo, abhaanu bhatakutura okwayika ati bhatakumenya Nyamuwanga.

Barumi 1:22

Abheekuuya ati nibho abha obhwengeeso, nawe ni bhamuumu.

1 Bakorinto 1:19

Jiri rwa kutyo jikaamirwe mu‑Bhikaame Ebhyeru ati, “Abhaanu abha obhwengeeso nirinyamura obhwengeeso bhwebhwe. Abhamenyi nirirema obhumenyi bhwebhwe.”

1 Bakorinto 1:26

Woori abhayiri bhaani mu‑riikirisya, mwichuke kutyo mwariga muri mwanya gunu ꞉mwabhirikiiywe na Nyamuwanga. Mu‑bhwiganirisya bhwa abhaanu, abhaafu agati yeemwe bhaariga bhatari na obhwengeeso. Ka wone abhaafu agati yeemwe mwariga mutakumenyekana muno, noorwo ꞉muteebhuriiywe mu‑misi ja abhaanu abha echibharo.

1 Bakorinto 1:27

Nawe Nyamuwanga ꞉aawuuwe emisango jinu abhaanu abharora ati ni bhumuumu, korereki aswasye abha obhwengeeso. Ka wone Nyamuwanga ꞉aawuuwe emisango jinu abhaanu abharora ati ni bhujorobhoke, korereki aswasye abha amanaga.

1 Bakorinto 1:28

Ka wone Nyamuwanga ꞉aawuuwe emisango jinu abhaanu abharora ati jitari na echibharo na jinu abhagaya, ka wone jinu abharora ati jitari na obhugajuro, korereki anyamure emisango jinu abhaanu abharora ati jiri na obhugajuro.

1 Bakorinto 11:32

Nawe woori, omwanya gunu echiramurwa na Raatabhugenyi, awo niwo echibha nichitongerwa, korereki Nyamuwanga aasiga okuchiramura rwa kutyo ariramura abhaanu bhanu bhatakumumenya.

1 Bakorinto 2:6

Woori eswe, echaayika emisango ja obhwengeeso ku‑bhaanu bhanu bharumateene mu‑riikirisya, nawe obhwengeeso obhwo bhutari bhwa echaaro chinu, ka wone bhutari bhwa abhatungi bha echaaro chinu bhanu bhariyitingʼana.

1 Bakorinto 2:8

Atari‑wo noorwo umwi mu‑bhatungi bha echaaro chinu unu ꞉aasombookeeywe obhwengeeso obhwo, kwa okubha bhakabheeye bhasombookeeywe, ꞉bhataakabhumiiriiye ku‑musarabha Raatabhugenyi wa okukuuyibhwa.

1 Bakorinto 3:18

Omuunu woonewoone agati yeemwe aasiga okwijiga ati ari na obhwengeeso. Araabha omuunu aakeerora ati ari na obhwengeeso ku‑chaaro chinu, abhe ˆneekora ati ni mumuumu korereki abhone obhwengeeso bhwa echimari.

1 Bakorinto 3:19

Akore kutyo, kwa okubha obhwengeeso bhwa echaaro chinu, ni bhumuumu imbere ya Nyamuwanga. Jiri rwa kutyo jikaamirwe mu‑Bhikaame Ebhyeru ati, “Nyamuwanga kaakoma abha obhwengeeso mu‑bhurigerige bhwebhwe.”

1 Bakorinto 6:2

Mutakumenya ati emwe abhaanu bha Nyamuwanga neemwe muriramura echaaro chinu? Woori, araabha emwe muriramura echaaro chinu, kurwa ki mutaamiibhwe okuramura echiina echaangu agati yeemwe?

Yakobo 4:4

Emwe, muri abhaanu bhanu bhatari bheeyikanyibhwa ku‑Nyamuwanga! Mutakumenya ati okubha omusaani wa echaaro chinu ni okubha omusoko wa Nyamuwanga? Kurwa ejo, omuunu woonewoone aakeenda okubha omusaani wa echaaro, keekora okubha omusoko wa Nyamuwanga.