1 Bakorinto 1:17 - Indagano Inyaaya mu-Chijita

¹⁷ Kirisito ꞉ataantumire okubhatiija abhaanu. ꞉Aantumire okuraasya Emisango ja Ekisi, okwiyikanya wuri obhwengeeso bhwani bhwa okwayika kisi, korereki orufu rwa Kirisito ku‑musarabha rwasiga okubhusya amanaga gaarwo.

INDAGANO INYA:YA

¹⁷ Okuba Kristo atantumire kubatija, nawe nisimure Ebigambo byo bwana ebyo mweruro, tari mu bwenge bwo kwaika, korereki omusaraba gwa Kristo gusigega kuba gwa kutyo era.

1 Bakorinto 1:17 ပူးပေါင်းရင်းမြစ်များ

Yowana 4:1

Mbe, Yeesu ꞉oonguuwe ati Abhafarisaayo ꞉bhaabhwiriiywe ati kaabhatiija, ka wone ati kaabhona abheeyigisibhwa bhaafu okukira Yowana.

Yowana 4:2

Noorwo kutyo, echimari ni ati, Yeesu omwene ꞉ataabhatiijiisye omuunu woonewoone, tari bheeyigisibhwa bhaaye nibho bhaariga nibhabhatiija.

Ebikorwa 10:48

Niwo Peetero ˆnaaragirira ati, Koroneeriyo na abheejaabho bhabhatiijiibhwe na risiina rya Yeesu Kirisito. Ejo jejire jaawa, nibhasabhwa Peetero abhe nabho kwa siku nooto.

1 Bakorinto 2:1

Abhayiri bhaani mu‑riikirisya, omwanya gunu ꞉neejire kw‑imwe okubharaasisya inguru ya obhutinge bhwa imbisike ya Nyamuwanga bhunu bhwariga bhubhisirwe, ꞉nitaabhuraasiisye mu‑bhwa ekisi bhwa emisango noorwo mu‑bhwengeeso.

1 Bakorinto 2:13

Ka wone chitakwayika emisango jinu chiiyigisiibhwe na obhwengeeso bhwa abhaanu, tari misango jinu chiiyigisiibhwe na Mwoyo wa Nyamuwanga. Echiyobhoora emisango ja Mwoyo wa Nyamuwanga ku‑bhanu bhari na Mwoyo oyo.

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

2 Bakorinto 10:10

Enaayika kutyo, kwa okubha abhandi abhaayika ati, “Jinyarubha ja Pawuro, jiri na emisango emikomeeye, ka wone ni misango emiruru. Nawe omwanya gunu kaabha ari aamwi na eswe, kaabha atari na amanaga, ka wone emisango jaaye, ejibha jitari na obhugajuro.”

2 Bakorinto 11:6

Noorwo kutyo ejibhonekana ati anye nitakumenya okwayika kisi, obhumenyi bhwani ni bhunene. Ogwo ꞉chaagweresiisye kw‑imwe ku‑mwanya gwone na ku‑njira joone.

2 Bakorinto 4:2

Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

2 Petero 1:16

Omwanya gunu chaariga nichiiyigisya kutyo ariija ku‑bhuturo bhwaye, Raatabhugenyi weeswe Yeesu Kirisito, chaariga chitakwiyikanya jingani ja kara jinu jikaamirwe kwa obhwenge. Tari eswe ꞉chaarorere rikusyo ryaye kwa ameeso geeswe abheene.