1 Bakorinto 1:10 - Indagano Inyaaya mu-Chijita

¹⁰ Woori, abhayiri bhaani mu‑riikirisya, enibheerembeeresya kw‑isiina rya Raatabhugenyi weeswe Yeesu Kirisito ati, mwasiga okutaasyanya mu‑nyaayika. Kwasiga okubha‑wo okwawukana agati yeemwe, tari mubhe na obhumwi ku‑jinu omukararira na ku‑jinu omwiganirisya.

INDAGANO INYA:YA

¹⁰ Mbe enibe:remberesya, ba:na ba:su, kurwa risi:na rya Ratabugenyi Yesu Kristo, ati, bo:ne mwaikega gumwi no kwaukana kusigega kubao mwimwe, nawe mugwatanyibwega mu kwiganirisya kumwi na mu kurwaja kumwi.

1 Bakorinto 1:10 ပူးပေါင်းရင်းမြစ်များ

Matayo 9:16

“Atari‑wo omuunu unu kaabhariirira echirepa echiyaaya ku‑mwenda omukokoro. Araabha aakakora kutyo, echirepa echiyaaya echo, chiritemuka, riwundu rya omwenda ogwo, riribha egari muno.

Mariko 2:21

“Ka wone, atari‑wo omuunu unu kaabhariirira echirepa echiyaaya ku‑mwenda omukokoro. Araabha aakakora kutyo, echirepa echiyaaya echo chiryongesya okutemura omwenda ogwo, na riwundu ryagwo riribha egari muno.

Mariko 3:24

Araabha abhaanu bha obhukama bhumwi bhakaawukana, obhukama obhwo bhurisimagira.

Yowana 10:19

Bhunu ꞉bhoonguuwe emisango ejo, Abhayawudi nibhataasyanya rindi abheene kwa abheene.

Yowana 17:23

Anye niri na obhumwi nabho, na awe uri na obhumwi na anye. Enisabhwa ati bhabhe chiinu chimwi kata, korereki ku‑njira eyo, abhaanu bha ku‑chaaro kunu bhasombookerwe ati naawe ꞉waantumire, ka wone bhasombookerwe ati ubheendere rwa kutyo unyendere.

Yowana 7:43

Kurwa ejo, abhaanu nibhataasyanya mu‑bhwiganirisya bhwebhwe ku‑songa ya Yeesu.

Yowana 9:16

Niwo Abhafarisaayo abharebhe nibhaayika ati, “Omuunu unu akorere kutyo, atasookere ku‑Nyamuwanga, kwa okubha kaanyamura echiraagiro cha orusuku rwa Isabhaato.” Nawe abhandi nibhaayika ati, “Omukosi wa ebhibhiibhi kaatura kutiki okukora ebhibharikisyo rwa ebhyo?” Kurwa ejo, nibhataasyanya mu‑bhwiganirisya bhwebhwe.

Ebikorwa 4:32

Abheekirisya bhoone bhaariga bhari na mwoyo gumwi na omutima gumwi. Aariga atari‑wo noorwo omuunu umwi unu ebhiinu bhyaye ꞉aakorere okubha bhyaye omwene era, nawe bhaariga nibhasangira ebhiinu bhyone.

Barumi 1:13

Abhayiri bhaani, eneenda musombookerwe ati, kwiya kaafu naariga niikararira okubhakinga‑ko, nawe okukinga woori niyingiriiywe. Eneenda nibhaaje‑ko, korereki nikongye abhaanu mw‑imwe bharuubhe Raatabhugenyi Yeesu, rwa kutyo ꞉naakongiisye abhaanu abhandi bhanu bhatari Bhayawudi.

Barumi 12:1

Woori abhayiri bhaani, mumenyere kutyo Nyamuwanga kaachifwira echigongo. Kurwa ejo mbe, enibheerembeeresya ati, mwisoosye obhurame bhwemwe ku‑Nyamuwanga. Mubhe rwa ebhyogo bhinu bhiri ebhiwanga na ebhyeru, bhinu ebhimukondisya. Eyo niyo injira ya echimari ya okumuramya.

Barumi 12:16

Mwikare kwa obhwira bhumwi emwe abheene kwa abheene. Kutyo, musigega okwikuuya, tari mwikeeyega, mubhega na obhusangi na abhaanu abha obhukene. Musigega okwirora ati neemwe abha obhwenge era.

Barumi 15:30

Abhayiri bhaani, okuruubhana na obhumwi bhweswe na Raatabhugenyi weeswe Yeesu Kirisito, na okuruubhana na eryenda rinu Mwoyo Mweru achiyaaye, enibheerembeeresya kwa omwoyo gwani gwone ati, mwikomeesye okuwumbana aamwi na anye mu‑kunsabhirwa ku‑Nyamuwanga.

Barumi 16:17

Woori, abhayiri bhaani, enibhakomeeresya ati, mwikengega abhaanu bhanu ameeyigisyo geebhwe agakora abheekirisya bhaawukane makijumakiju, ka wone aganyamura eriikirisya na akatungiiywe keebhwe. Mubhe kura nabho, kwa okubha ameeyigisyo geebhwe agataasyanya na ganu ꞉mweeyigisiibhwe.

1 Bakorinto 1:11

Abhayiri bhaani, abhaanu abharebhe bha iika wa Koroowe ꞉bhaambwiriiye ati, iri‑wo inyombo agati yeemwe.

1 Bakorinto 11:18

Enuungwa ati, bhunu omwikofyanyaga mw‑ikanisa, omwawukana‑mo makijumakiju. Omwanya ogundi, anye wone eniikirisya ati nikwo kutyo jiri.

1 Bakorinto 12:25

korereki omubhiri gwasiga okwawukana, tari ebhiwuga bhyone bhisakirane.

1 Bakorinto 3:3

kwa okubha muchaatangasibhwa na emisango ja echaaro. Angu, araabha agati yeemwe ruri‑wo orwiso na inyombo, ebhyo bhitakweresya ati muchaatangasibhwa na emisango ja echaaro na okwikara rwa abhaanu bha echaaro?

1 Bakorinto 4:16

Woori, enibheerembeeresya ati, mubhe nimuruubha orugere rwani.

2 Bakorinto 10:1

Mbe, anye Pawuro omwene, enibheerembeeresya mu‑bhwikeeya na mu‑bhworooro bhwa Kirisito. Nawe abhaanu abhandi abhaayika ati, anye enibhaga mworooro omwanya gunu owubha niri aamwi na emwe na enibhaga omururu omwanya gunu owubha niri kura na emwe.

2 Bakorinto 13:11

Woori, abhayiri bhaani mu‑riikirisya, enimariisya kwa okubhabhwira ati mukonderwega! Mubhega mukuumiiye mu‑riikirisya, musimbiisyanyega, mubhega na obhumwi, mwikarega kwa omurembe na Nyamuwanga wa eryenda na omurembe, kaja okubha aamwi na emwe.

2 Bakorinto 13:9

Eswe echikonderwa kwa okubha chiri bhajorobhoke, nawe emwe muri na amanaga. Echisabhwa Nyamuwanga abhasakire mubhega mukuumiiye mu‑riikirisya.

2 Bakorinto 5:20

Mbe, Kirisito achitumire okukora emirimu jaaye, na okutura kw‑iswe Nyamuwanga keerembeeresya abhaanu ati, bhagwatanyibhwe nage. Echibhasabhwa inguru ya Kirisito ati, mugwatanyibhwe na Nyamuwanga.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

Bagalatia 4:12

Abhayiri bhaani mu‑riikirisya, enisabhwa mubhe abheetaage rwa kutyo anye niri, kwa okubha anye niri mwitaage rwa kutyo emwe wone muri. Omwanya gunu naariga niri aamwi na emwe, ꞉mutankoreye obhubhiibhi bhwonebhwone.

Bafilipi 1:27

Mbe, omusango gwa bhusibhusi ni ati jitungwa jeemwe jingane na Emisango ja Ekisi ja Kirisito. Aribha naaja okubharora, amwi nikarema okuuja, eneenda okuungwa ati omugenderera okurumatana na okubha na obhumwi, ka wone ati muri aamwi mu‑kurwanirira eriikirisya rinu erisookana na Emisango ja Ekisi.

Bafilipi 3:16

Echiinu cha bhusibhusi woori ni ati echikenwa okuruubha jinu Nyamuwanga aacheeresiisye.

1 Batesalonika 5:13

Mubhayaane echibharo na mubheende muno okuruubhana na emirimu jeebhwe ja okubhasakira emwe echinyamwoyo. Ka wone murame kwa omurembe, emwe abheene kwa abheene.

2 Batesalonika 2:1

Woori, abhayiri bheeswe, echibhakaamira inguru ya okusubha kwa Raatabhugenyi weeswe Yeesu Kirisito na kutyo chirikumanywa, korereki chibhe aamwi nage. Kurwa ejo, echibheerembeeresya ati,

1 Timoteo 5:21

Enikuragirira imbere ya Nyamuwanga, imbere ya Kirisito Yeesu na imbere ya bhamaraayika abhasorwa ati, ukorega ejo, waasiga okwiwuta okusoosya indamu amwi okubha na isoroore ku‑rubhaara rumwi.

2 Timoteo 4:1

Enikuragirira jinu imbere ya Nyamuwanga na imbere ya Kirisito Yeesu, unu ariramura abhaanga na abhafuuwe. Kirisito arikora kutyo aribha aasubha rindi na bhuri muunu arimurora. Ka wone, ariija okutunga rwa omukama.

1 Petero 2:11

Abheendwa, emwe muri rwa abhagenyi na abhayitingʼani ku‑chaaro kunu. Kurwa ejo, enibheerembeeresya ati, mwikenge obhurigire bhwa emibhiri jeemwe bhunu obhuyaajana na emitima jeemwe.

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.