YUDA 1:9 - Jinghpaw Hanson Version Bible

⁹ Dai lamu kasa agyi Mihkaela chyawm gaw, dai Nat hte ga law ga la nga yang, Mawshe a moi mang a lam ndang kalang hkat nga ai rai nna, shatan nhkan re ai dawdan ai ga, shi hpe n tsun wam ai sha, Dai Madu nang hpe daru kau u ga, ngu wu ai.

Jinghpaw Common Language Bible 2009

⁹ Lamu kasa agyi rai nga ai Mihkaela pyi gaw ndai lam n galaw wu ai. Mawshe a moi mang hpe kadai la ang ai ngu ai hte seng nna dai nat hte ga law dangrang hkat ai shaloi, Mihkaela gaw nat hpe mara shagun jahpyak ai ga n tsun wam ai. “Nang hpe Karai Kasang daru sharin shaga u ga!,” nga nna sha tsun ai.

YUDA 1:9 ပူးပေါင်းရင်းမြစ်များ

1 HKAWHKAM LABAU 12:17

Dawi gaw shanhte hpe tau la na nga pru sa wa let, “Ngai hpe shingtau na matu nanhte ngwipyaw ai hte du sa myit dai rai yang gaw, nye a myit nanhte a myit hte makyit na li ai: shing n rai, nye hpyen ni a lata de ngai hpe ap kau na matu nanhte sa du ai rai yang, nye a lata hta hpa mara n kap ai majaw, ji wa a Karai Kasang dai hpe yu yu nna, daru kau u ga,” ngu nna shanhte hpe hkap tsun mu ai.

PRU MAT 22:28

Nang Karai Kasang hpe shatan lu na ndai n rai; na amyu hta na du hpe mung matsa lu na n rai.

Daniela 10:13

Rai timung Persi mungdan a du gaw, nhtoi hkun langai ya tup ngai hpe hkap shadang da nngai: dai hpang, yu u, Mihkaela mying ai du kaba langai mi, ngai hpe sa karum nna, ngai gaw dai shara hta Persi hkawhkam ni hte e hti nga nngai.

Daniela 10:21

Rai timung, tengman ai laika hta tawk ka ai ga ngai nang hpe naw madun na nngai: ndai du lahkawng hpe gasat na nga, nanhte a du Mihkaela hta kaga, ngai hpe shingdep shingtau ai wa n nga ai.”

Daniela 12:1

“Ndai aten hta e, na a amyu masha ni hpe makawp maga nga ai, du kaba ngu ai, Mihkaela rawt pru na ra ai rai nna, masha amyu tai hpang ai kaw nna, ndai aten du hkra, galoi n byin yu ai, ru tsang ai aten du na ra ai: ndai aten hta e, jahpan laika hta mying lawm ai, na a amyu masha ni yawng lawt lu na mara ai.

ZEHKARIA 3:2

Shaloi Yehowa gaw, “Satan e, Yehowa nang hpe daru u ga; Yerusalem mare hpe lata la ai Yehowa gaw, nang hpe gaja wa daru u ga: ndai gaw, wan hta na gare la ai wan nhtaw sha rai nga ai, n rai ni?” ngu nna Satan hpe tsun wu ai.

MARKU 15:29

Lam e lai sa wa ai ni mung shi hpe shatan nhkan nna, tinang abaw hpe kanga let, “Aha! nawku Htingnu hpe run kau nna, masum ya na laman e bai de lu ai wa e,

TARA JAHPRANG 34:6

Shi hpe Bet-peora mare hte tawtap na Moba mung na hkaraw hta makoi mayang nu ai; rai timung, dai ni du hkra Mawshe a lupwa hpe kadai n chye ya ai.

1 HTESALONI 4:16

Dai Madu nan jahtau garu ai hte, lamu kasa agyi a nsen hte, Karai Kasang a pahtau dum ai hte sumsing lamu de na yu wa nna, Hkristu hta e si mat ai ni gaw shawng numshawn e rawt wa lu na mara ai;

1 PETRU 3:9

n hkru ai a matu n hkru ai bai n tai na hte, roi rip ai a matu roi rip ai bai n tai ai sha, shaman ya na mahtang gaw, a daw nga mu; kaning rai nme law, shaman ya da sai sali wunli hpe hkam la lu myit ga, nanhte hpe shaga da manit dai.

2 PETRU 2:11

lamu kasa ni mahtang gaw shanhte hta n-gun hte atsam grau rawng nga ma timung, dai ni gaw shanhte a lam shatan nhkan re ai dawdan ai ga, dai Madu a man e, n tsun yu ma ai.

SHINGRAN 12:7

Bai, sumsing lamu kata e majan gasat nga ai: Mihkaela hte shi a ali ama ni gaw dai baren numraw hte gasat nga ma ai; dai baren numraw hte shi a ali ama ni mung, gasat nga ma ai rai timung,