YUDA 1:7 - Jinghpaw Hanson Version Bible

⁷ Dai hte maren, Sodom yan Gomora hte, dai mare yan zawn, grup yin na mare ni mung, shut hpyit lai ai amu galaw nna, lasha shada da tam shut nga ai a jaw e, dai ni hpe ningli shatai na matu, prat dingsa na wan nhpra hta e ari hkrum sha mu ai.

Jinghpaw Common Language Bible 2009

⁷ Sodom hte Gomora mare yan hpe mung dai mare yan a grup yin na mare ni hpe mung myit dum nga mu. Dai mare ni kaw na mare masha ni gaw dai lamu kasa ni zawn, num la n se n sa lam hta pyaw daw kadaw nna shing ra maka hte nhtan shai ai hku nga sha ma ai majaw yawng a matu asan sha dan dan leng leng sadi jaw ai hku nna htani htana wan hta ari hkrum sha ma ai.

YUDA 1:7 ပူးပေါင်းရင်းမြစ်များ

NINGPAWT NINGHPANG 13:13

Ya, Sodom mare na masha ni gaw n shawp nga ma ai rai nna, Yehowa a man e nachying yubak kaba ai ni rai nga ma ai.

NINGPAWT NINGHPANG 18:20

Bai Yehowa gaw, “Sodom mare hte Gomora mare a jahtau ai nsen kaba la nga malu ai hte shanhte a shut hpyit ai gaw ja ja li nga malu ai majaw,

NINGPAWT NINGHPANG 19:5

Lawt hpe shaga let, “Dai na nang kaw du ai manam yan, kanang nga ma ta? Dai yan hte anhte kanawn lu na matu shapraw ya mi,” ngu mu ai.

1 HKAWHKAM 22:46

Shi a kawa Asa a lakhtak kaw nna naw ngam nga ai shawa la shawa num ni hpe mung, dai mung na shapraw kau mu ai.

ESAIA 1:9

Zaw nawng zaw wa up ai Yehowa, anhte hta madat dingsat kaji n ngam da taw gaw, anhte nan Sodom mare zawn rai nna, Gomora mare hte bung na ga ai.

ESAIA 13:19

Shing rai, mungdan ni a baw, Hkalde masha ni a dan hkung ai hpung shingkang ngu ai, Babelon mare gaw, Karai Kasang jahten kau ai Sodom yan Gomora zawn rai na ra ai.

ESAIA 33:14

Yubak kap ai Ziun masha ni, hkrit nga ma ai; tara n hkungga ai ni, hkrit gari ma ai: Anhte hta na kadai wa hkru ai wan hta nga lu na ga ta? htani htana wan mang hta kadai shanu lu na ga ta?

YEREMIA 20:16

Yehowa myit malai n lu ai, jahten kau ai mare ni zawn, dai wa tai u ga: jahpawt manap e jahtau ai nsen, shani chyingtung e shabam ai nsen, shi na u ga:

YEREMIA 50:40

Karai Kasang gaw Sodom, Gomora hte grup yin na mare ni hpe jahten kau nna shingran katsi ai zawn, Babelon mare hta kadai mung n nga ai hte, shinggyim kasha kadai mung n shanu nga na ra ai, nga nna Yehowa tsun ai.

SHARUNG SHAYAWT 4:6

Kaning rai nme law, kadai mung n-gun n dat ai, akajawng sha hten byak hkrum ai, Sodom mare a yubak hta, Nye amyu shayi sha yubak gaw, grau kaba nga ai.

HOSEA 11:8

“Ehprim e, ngai nang hpe kaning rai kau da lu na rai ta? Israela e, nang hpe kaning rai ap kau lu na rai ta? Adma mare zawn, nang hpe kaning di shatai kau lu na rai ta? Zeboim mare zawn, kaning di tawn da na rai ta? Nye kraw kata e nye a myit galai nga nna, nye a n-gaw nwai ai myit katu nga ai.

AMO LAIKA (AMOS) 4:11

Karai Kasang gaw Sodom hte Gomora hpe galau ka-up kau ai zawn, nanhte a mare nkau mi hpe ngai galau ka-up kau nna, nanhte gaw wan mang na gare la ai wanhtaw daw zawn, tai nga timung, nanhte gaw ngai hpang de n wa myit dai, nga nna Yehowa tsun ai.

MAHTE 10:15

Nanhte hpe ngai teng teng tsun made ai gaw, tara dara ai nhtoi hta e, Sodom hte Gomora mung gaw, dai mare hta yubak nhkyi na ra ai.

MAHTE 11:24

Dai majaw nanhte hpe ngai tsun made ai gaw, tara dara ai nhtoi hta e, Sodom mung gaw, nang hta naw chyamai na ra ai,” nga ai.

MAHTE 25:41

Bai, pai maga de nga ai ni hpe, ‘Dagam dala hkrum ai ni e, ngai hte hka wa nna nat gumlau hte shi a salung sala ni a matu lajang da ai n htum n mat ai wan de shang wa mu:

LUKA 17:29

rai timung, Lawt gaw Sodom mare na pru wa ai nhtoi hta, lamu na wan hte kan marang htu nna, nlang hte hpe yeng seng kau mu ai:

1 KORINHTU 6:9

N ding n man ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit: hpye ai amu galaw ai ni mung, gawngngu sumla nawku ai ni mung, num shaw ai ni mung, ngang ai ni mung, la shada tam ai ni mung,

TARA JAHPRANG 29:23

htawm hpang prat na nanhte a kashu kasha ni hte sumtsan mung na sa ai tsasam wa mu ma yang, masha amyu myu ni gaw, “Ndai mungdan hpe hpa majaw Yehowa ning di wu ai i? Nde wa pawt ai sindawng gaw kaning re ai i?” nga nna san shajang na mara ai.

2 HTESALONI 1:7

Karai Kasang hpe n chye n chyang ai ni hte, anhte a Madu Yesu Hkristu a kabu gara shiga n madat mara ni hpe matai dawp na shaloi e,

2 HTESALONI 1:8

nanhte hta nni nkri jahkrum ai ni hpe, nni nkri bai nhtang jaw na hte, nni nkri hkrum nga ai ni nanhte gaw, anhte hte rau ban sa ai nhtang jaw na ra ai. Karai Kasang a dingman ai hku rai nga lu ai.

2 PETRU 2:2

Masha law law wa mung shanhte a mak mat ai lam hkan nang ma ai hte, shanhte a matu mara, dai tengman ai lam gaw, shatan nhkan hkrum mat na ra ai.

2 PETRU 2:6

Sodom hte Gomora mare yan hpe mung, wan mang shatai kau nna, sharun shabyak kau mu ai hte, hpang e du pra ai, tara hpe n hkungga ai ni a matu mara ningli shatai mu ai;

2 PETRU 3:7

Ya e nga ai sumsing lamu ni hte ginding aga hpe chyawm gaw, tara n lang ai ni a dawdan ai hte jahten shabya hkrum na nhtoi du hkra, wan jahkru na matu mara, moi na mungga hte nan a rem da nga nu ai.