YUDA 1:6 - Jinghpaw Hanson Version Bible

⁶ bai shi gaw tinang a aya hpe hprai kau nna, tinang nang a buga kau da ai lamu kasa ni hpe mung, dai dawdan ai nhtoi kaba du hkra, prat dingsa na hpri sumri hte, nsin kata de gyit hkang da mu ai.

Jinghpaw Common Language Bible 2009

⁶ Tinang lu tawn da ai ahkang aya kata hta myit n dik nna tinang a nga shara buga hpe kau da nna pru mat wa ai lamu kasa ni hpe mung myit dum nga mu. Karai Kasang gaw shi tara daw dan ai Nhtoi kaba hta shanhte hpe daw dan nna ari jaw na matu nsin sin ai kata hta htani htana re ai hpri sumri ni hte gyit hkang da mu ai.

YUDA 1:6 ပူးပေါင်းရင်းမြစ်များ

MAHTE 10:15

Nanhte hpe ngai teng teng tsun made ai gaw, tara dara ai nhtoi hta e, Sodom hte Gomora mung gaw, dai mare hta yubak nhkyi na ra ai.

MAHTE 25:41

Bai, pai maga de nga ai ni hpe, ‘Dagam dala hkrum ai ni e, ngai hte hka wa nna nat gumlau hte shi a salung sala ni a matu lajang da ai n htum n mat ai wan de shang wa mu:

MAHTE 8:29

Shan gaw, “Karai Kasang a Kasha e, an nang hte hpa seng nga ga ta? aten garai n du yang, an hpe zingri na nang sa du rin ni?” ngu nna jahtau mu ai.

YAWHAN 8:44

Nanhte gaw, nanhte a kawa ngu ai, gumlau Nat hta na prat wa ai ni rai nga myit dai rai nna, nanhte a kawa a kayut ai hku mung, hkan mayu myit dai: shi gaw shawng npawt kaw nna, masha sat ai wa rai nga ai rai nna, shi hta tengman ai lam n rawng lu ai majaw, tengman ai lam hta n nga lu ai: shi masu magaw ga tsun yang, shi a myit hta na hte maren tsun nga ai: shi gaw masu ai wa rai nga ai hte, masu magaw ai a kawa mung, rai nga ai.

ROMA 2:5

Gaja wa, na a ja la ai hte malai n lu ai myit majaw, Karai Kasang a pawt bu ngu ai, dingman ai tara dara na dan pru ai nhtoi e hkam na madawng hpe, nang mahkawng da ndai.

EHPESU 6:12

Kaning rai nme law, anhte a gasat gala ai gaw, asai yan ashan hpe n re ai sha, du agyi ni hpe mung, ahkang aya lu ai ni hpe mung, ndai sin mak nga ai mungkan a hpung shingkang rawng ai ni hpe mung, sumsing lamu lahta tang e nga ai. n hkru n hkra ai nat a luksuk ni hpe mung, gasat gala nga ga ai.

HEBRE 10:27

dawdan hkrum na nga ai, nachying hkrithpa shara hte, nhtan shai ai ni hpe nat kau na sindawng kahtet ai wan sha, la nga na ra ai.

2 PETRU 2:4

Kaning rai nme law, Karai Kasang gaw yubak galaw kau ai lamu kasa ni hpe pyi lahpawt lama n di ai sha, ngarai mung de jahkrat kau mu ai rai nna, tara dara ai nhtoi du hkra shanhte hpe rim da let, chyang htat ai nsin sin ai nhkun hta e rawng da mu ai hte;

2 PETRU 2:9

Dai madu gaw, tara hkungga ai ni hpe agung alau kata na mawai la na hte, n ding n hpring ai ni hpe ari jahkrum na matu, tara dara na nhtoi du hkra hkang tawn da na nga, chye nga ai: dai hkum shan a matsat shabat marin ai lam hta hkawm wa ma ai rai nna, ahkang aya lu ai ni hpe n gawn n sawn di mu ai ni nan, grau nna dai zawn di na, shi chye nga ai.

YUDA 1:13

tinang a kaya kahpa hpe hkumbawp zawn shabawp ma ai, nawng na hta wa ai hka leng ni hte, prat dingsa na chyang htat ai nsin hta e rim da hkrum ai, pran mat ai shagan ni zawn, shanhte rai nga ma ai.

SHINGRAN 20:10

Shanhte hpe hkalem la ai Nat mung, wan hte kan grung ai nawng hta jahkrat bang kau ai hkrum wu ai: dai yang e, dai matse labye hte, dai masu ai myihtoi mung, rawng nga ma ai rai nna, shanhte gaw shani shana nni nkri hkrum let, htani htana prat dingsa arawng nga lu na mara ai.

SHINGRAN 20:2

Shi gaw Nat hte Satan rai nga ai, moi na lapu ngu ai baren numraw hpe rim la nna, shaning hkying mi du hkra, sharen da na matu, gyit hkang da wu ai: