YUDA 1:4 - Jinghpaw Hanson Version Bible

⁴ Kaning rai nme law, tara n hkungga ai, anhte a Karai Kasang a chyeju hpe mak kayut ai amu hte galai kau ma ai rai nna, anhte a Hpareng wa hte Madu shingtai ngu ai Yesu Hkristu hpe nyet kau nhtawm, ndai dawdan ai hkrum na matu, moi chyaloi nhkoi kaw nna, ka matsing da ai masha nkau mi gaw, anhte kaw e mayun shang wa masai.

Jinghpaw Common Language Bible 2009

⁴ Hpa majaw nga yang tara n hkungga ai masha ni n dum shami anhte kaw mayun shang nga ma ai. Shanhte gaw, shanhte a pyaw hpa lam hkan ai n kaja ai arawn alai ni hpe lu magap shalawt na matu anhte a Karai Kasang a chyeju hte seng ai mungga hpe kam ai hku manai makai di kau ma ai hta n-ga, anhte a langai sha rai nga ai Madu Yesu Hkristu hpe mung ningdang kau ma ai. Shanhte hkam la masai daw dan lam hpe moi chyaloi nhkoi kaw nna chyum mungga ni hta tau tsun da nga sai.

YUDA 1:4 ပူးပေါင်းရင်းမြစ်များ

2 SAMUELA 22:5

Si hkrung si htan hka leng ni ngai hpe kawan tawn nna, N shawp ai hka hpungla ni a majaw, ngai kajawng nngai.

SHAKAWN KUNGDAWN 1:1

Tara n lang ai ni a bawng ai hku hta n hkawm, Yubak kap ai ni a lam e n tsap, Jahpoi ai ni a hpawng hta n dung lawm ai sha,

SHAKAWN KUNGDAWN 62:2

Shi chyu sha nye a lunghkrung, nye a hkye hkrang la ai lam, Nye a langchyi rai nga ai; ngai shamu shamawt ai law law n hkrum na nngai.

MAHTE 13:25

Masha ni yup pyaw nga yang, gumlau ai wa gaw sa nna, dai mam hta e tsing tum gat bang, nhtawm pru mat wa ai.

YAWHAN 17:3

Htani htana asak ngu ai chyawm gaw, langai sha rai nga ai hte tengman re ai nang Karai Kasang hpe mung, nang shangun dat ai wa Yesu Hkristu hpe mung, shanhte chye chyang lu ai hpe, ngu ai, rai nga ai.

KASA 11:23

Dai wa du nna, Karai Kasang a chyeju mu lu yang, kabu gara nga ai hte, shanhte dai Madu hta lashum shawt manoi manat nga na matu, nlang hte hpe shadum jahprang mu ai:

KASA 15:24

Anhte kaw na pru wa wa re ai nkau mi, anhte muk n hkang dat yang, nanhte hpe ga hte shatsang nna myit gale galau di ya ai hpe, anhte na lu saga ai majaw,

GALATI 2:4

Lagyim jashawn ai masu ai hpunau ni a majaw, dai lam ngai galaw nngai n rai; Hkristu Yesu hta e anhte lu la ai lawt wa ai lam hpe kin-yu yu nna, anhte hpe mayam shayam na shanhte shang wa ma ai;

GALATI 5:13

Kaning rai nme law, hpunau ni e, shanglawt ahkang lu la myit ga, nanhte hpe shaga da manit dai: rai timung, shanglawt ahkang hpe hkum shan a ginshan hkum shatai mu; tsawra ai myit hte shada da yamnga mu.

EHPESU 4:14

shing rai anhte ma chyangai naw n rai nga na hte, masha a n hkru n hkra ai, maw da ai hkalem hkalau ai hpaji hte maren, nbung ngu ai sharin shaga ai lam shagu gadau gadap ai hte nhting nhtang n hkrum ai sha,

1 TIMOHTI 5:8

Marai langai ngai tinang hte seng ai ni hpe n bau ai hta n-ga, tinang a nta na ni hpe n bau ai wa gaw, dai makam masham hpe nyet kau nna, n kam n sham ga ai wa hta grau nna n hkru nga ai.

2 TIMOHTI 2:12

anhte shakut sharang ga yang gaw, shi hte rau mung up lu na ra ga ai: shi hpe ndang kau yang gaw, shi mung anhte hpe ndang kau na mi ai:

2 TIMOHTI 3:6

Shanhte hta na nkau mi gaw, nta ni hta mayun de nna, yubak hta lup mat wa ai hte, ngang kayut ai lam amyu myu hta len mat nna,

1 PETRU 2:16

Nanhte shanglawt rai myit timung, n kaja ai amu hpe shinggang kau na matu, nanhte a lawt ai akyu hpe hkum lang myit: Karai Kasang a shangun ma ni zawn, shanglawt tai nga mu.

1 PETRU 2:8

“Ahtu kataw shara hte myit kataw shangun na lunghkrung mung tai wa sai.” N madat n mara nga ma ai majaw, dai mungga hta shanhte kataw wa masai: shing rai hkrum mu ga mung, shanhte hpe san da ngut sai rai.

1 PETRU 4:18

“Dingman ai wa gaw, hkye hkrang la ai kaw, du yak la nga ai teng yang gaw, tara n hkungga ai hte yubak kap ai wa gaw, kanang ang bang wa na ra ta?”

2 PETRU 2:10

Dai ni gaw nden ja ai ni hte, tinang a myit hkan nna, hpung shingkang rawng ai ni hpe n hkrit kamyin ai sha, shatan nhkan nga ai ni rai nga ma ai;

2 PETRU 2:7

rai timung, dai mare na n se ai masha ni a n san n seng ai arawn alai majaw, myit tsang hkrum ai dinghpring ai Lawt hpe gaw, shi mawai la wu ai:

2 PETRU 3:7

Ya e nga ai sumsing lamu ni hte ginding aga hpe chyawm gaw, tara n lang ai ni a dawdan ai hte jahten shabya hkrum na nhtoi du hkra, wan jahkru na matu mara, moi na mungga hte nan a rem da nga nu ai.

1 YAWHAN 2:22

Yesu gaw, Hkristu nrai nga ai, nga nna n dang kau ai wa sha nrai yang gaw, masu ai wa gaw kadai rai nga a ta? Dai Kawa hte dai Kasha hpe n dang kau ai wa nan, dai antihkristu ngu ai wa, rai nga ai.

YUDA 1:15

tara n hkungga ai ni nlang hte gaw, tara n hkungga ai myit hte galaw dan ai tara n hkungga ai amu mahkra a matu mara mung, tara n hkungga ai yubak galaw ai ni, shi a lam tsun dan mu ai n hkru ai ga mahkra a matu mara mung, shanhte hpe madun dawdan mu ga, dai Madu gaw shi a chyoi pra ai luksuk mun sen ni hte, du sa ra ai, nga ai.

YUDA 1:18

kaning rai nme law, shanhte gaw, Hpang jahtum ai aten e tinang a n se ai myit marin ai hku hte hkan hkawm ai asawng asang re ai ni, du na mara ai, ngu nna nanhte hpe tsun dan manit dai.

SHINGRAN 15:4

Madu e, nang hpe n hkrit ai hte, na a amying nsang hpe n shagrau ai gaw kadai wa rai na a ta? Nang chyu sha chyoi pra nga ndai; na a dinghpring ai lam ni dan hkung nga ai majaw, masha amyu baw shagu na a man e sa nawku na mara ai law,” nga nna tsun ma ai.