YUDA 1:25 - Jinghpaw Hanson Version Bible

²⁵ anhte a Hkye hkrang la ai Madu, langai sha rai nga ai Karai Kasang kaw, anhte a Madu Yesu Hkristu a marang e, hpung shingkang, daru magam hpung shingkang hte ahkang aya, chyi nma pri npra kaw nna, ya e rai timung, htani htana prat dingsa e rai timung, anga nga u ga law. Amen.

Jinghpaw Common Language Bible 2009

²⁵ anhte a langai sha rai nga ai Karai Kasang hkye hkrang la ai Madu kaw anhte a Madu Yesu Hkristu a marang e, hpung shingkang daru magam hpung dagu hte ahkang aya, chyi nma pri npra aten kaw nna, ya e rai ti mung, htani htana prat dingsa e rai ti mung anga nga u ga law. Amen.

YUDA 1:25 ပူးပေါင်းရင်းမြစ်များ

1 HKAWHKAM LABAU 29:11

Yehowa e, daru magam, n-gun atsam, hpung shingkang, padang ninglaw hte arawng sadang nang hta anga nga ai law: sumsing lamu hte ginding aga ntsa nga manga hpe nang madu nga ndai; Yehowa e, dai mungdan gaw na a mungdan rai nga ai hte, nga yawng nga pra ntsa e nang grau nga ndai.

SHAKAWN KUNGDAWN 104:24

Yehowa e, na a amu gade law la nga a hka! Nang mahkra hte hpe, hpaji hte galaw nu ai; Aga gaw, nang hpan da ai arai hte hpring nga ai.

SHAKAWN KUNGDAWN 147:5

Anhte a Madu galu kaba nga ai rai nna, Shi a hpung shingkang mung galu kaba nga ai; Shi myit ai lam kadai n dang gawn lu ai.

SHAKAWN KUNGDAWN 78:20

Yu mu, dai lunghkrung hpe shi kayat wu yang, Hka kahpawk pru wa nna, hka shi ni lwi ma ai. Muk mung, shi jaw lu na a kun? Shi amyu a matu ashan san ya lu na a kun?” nga ma ai.

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

ESAIA 45:21

Ga sumtu tsun shana mu; dai hpe shapraw mu ga; gaja wa, shanhte rau bawng mu ga; moi kaw nna ndai lam hpe madun ai wa, kadai? Chyaloi nhkoi kaw nna dai hpe shana ya ai wa, kadai? Ngai Yehowa nan n rai ni? Ngai hta shaje Karai Kasang n nga ai: ngai gaw dinghpring ai Karai Kasang hte Hkye hkrang la ai Wa rai nga nngai.

Daniela 4:37

Ya ngai Nebuhkadneza gaw, sumsing lamu na Hkawhkam wa hpe shakawn kungdawn, shagrau sha-a ai hte, hkungga lara rai nga nngai: shi galaw da ai yawng mayawng tengman nga nna, shi a lam ni dinghpring nga ai: shi gaw gumrawng gumtawng ai ni hpe shagrit kau lu nga ai, nga nna shara shagu mungga shabra dat wu ai.

MAHTE 6:13

Agung alau nga ai de, anhte hpe n sa shangun ai sha, N kaja ai lam hta na, shaw la mi law.

LUKA 1:47

Nye wenyi mung ngai hpe hkye la ai Madu Karai Kasang hta kabu gara li ai.

YAWHAN 4:22

Nanhte gaw tinang n chye ai hpe nawku myit dai; anhte chyawm gaw tinang chye ai hpe nawku ga ai: kaning rai nme law, hkye hkrang la ai lam gaw, Yuda amyu hta na rai nga ai.

YAWHAN 5:44

Shada da jaw ai arawng sadang hkam la nna, langai sha rai nga ai Karai Kasang e jaw ai arawng sadang hpe n tam ai ni, nanhte wa mi, kaning rai kamsham lu na myit ta?

ROMA 11:33

Karai Kasang a n taw n tsang ai hpaji byeng-ya hte chye chyang ai myit gaw, gade wa sung nga a hka! kadai n sawk ya lu ai shi a jeyang ai hku, kadai n gawn ya lu ai shi a ningsang magam lam ni gaw, mau n ma rai nga ai.

ROMA 11:36

Arai yawng mayawng hte gaw, shi kaw nna, shi a majaw, shi a matu mara pra nga ai. Shi kaw e htani htana hpung shingkang anga nga u ga law. Amen.

ROMA 16:27

langai sha ngu ai, hpaji rawng htum ai Karai Kasang kaw, Yesu Hkristu a marang e, htani htana e hpung shingkang anga nga u ga law. Amen.

EHPESU 1:8

shi a shawang myit na sung htum ai lam anhte hpe shadan dan yang,

EHPESU 3:10

nga manga hte hpe hpan da sai Karai Kasang hta e moi chyaloi nhkoi kaw nna makoi magap da ai sung htum ai ga a aya a lam, hpa rai nga ai gaw, madun dan na,

EHPESU 3:21

dai Hpung hta e mung, Hkristu Yesu hta e mung, htani htana prat dingsa na shu mashi shu masha du hkra, hpung shingkang anga nga u ga law. Amen.

1 TIMOHTI 1:17

Ya, htani htana re ai, n hten n mat chye ai, myi e n mu lu ai Hkawhkam ngu ai, Karai Kasang langai sha kaw, arawng sadang hte hpung shingkang gaw, htani htana prat dingsa e, anga nga u ga law. Amen.

1 TIMOHTI 2:3

Dai gaw anhte a hkye hkrang la ai Madu Karai Kasang a man e mai kaja ai hte sharawng awng ai lam rai nga ai:

TITU 2:10

masun la ai hku n hkan ai sha, lam yawng mayawng hta kaja reng ai kangka re ai myit madun dan nga mu ga, shanhte hpe shadum jahprang nga u.

TITU 2:13

anhte hpe sharin ya na matu, Karai Kasang a chyeju gaw dan pru wa sai rai nna, masha yawng hpe hkye hkrang la ai lam hpaw wa sai:

TITU 3:4

Rai timung, anhte a hkye hkrang la ai Madu Karai Kasang a chyeju hte n-gaw nwai myit dan pru wa ai shaloi e,

HEBRE 13:8

Yesu Hkristu gaw, mani, dai ni, htawm prat dingsa mung, maren anga nga ai.

1 PETRU 4:11

Yesu Hkristu a marang e, lam shagu hta e, Karai Kasang gaw shagrau shatsaw ai hkrum wa u ga, marai langai ngai ga tsun nga a yang gaw, Karai Kasang a mungga hte maren tsun nga u ga; langai ngai galaw daw nga a yang gaw, Karai Kasang jaw da ai n-gun lagaw hte maren, galaw daw nga u ga. Yesu Hkristu nan, hpung shingkang hte n-gawn tawa hpung shingkang, htani htana prat dingsa e anga nga ai law. Amen.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte, Hkye hkrang la ai Madu Yesu Hkristu a dinghpring ai lam hta, anhte zawn hpu la ai makam masham lu la nga ai ni hpe, ga shana dat nngai.

2 PETRU 3:18

Anhte a Madu hte Hkye hkrang la ai wa Yesu Hkristu a chyeju hte chye chyang ai lam hta e, nanhte kaba wa nga myit ga. Ya e mung, htani htana prat dingsa e mung, Yesu Hkristu kaw hpung shingkang anga nga u ga law.

SHINGRAN 1:6

shi a Kawa Karai Kasang a matu anhte hpe mungdan amyu hte hkinjawng amyu shatai ai wa kaw, hpung shingkang hte daru magam ahkang gaw, htani htana e anga nga u ga law. Amen.