YUDA 1:20 - Jinghpaw Hanson Version Bible

²⁰ Nanhte chyawm gaw, tsawra ai ni e, dai Chyoi pra ai Wenyi hta akyu hpyi let, nanhte a chyoi pra ai makam masham lam hta, tinang dai shangang shakang nga mu:

Jinghpaw Common Language Bible 2009

²⁰ Rai ti mung nanhte chyawm gaw, tsaw ra ai ni e, nanhte a chyoi pra dik ai nawku makam masham hta npawt de nna tinang dai matut nna galu kaba sa wa mu. Chyoi pra ai wenyi n-gun atsam hta shamyet nna akyu hpyi mu.

YUDA 1:20 ပူးပေါင်းရင်းမြစ်များ

ZEHKARIA 12:10

“Dawi a nta ntsa e mung, Yerusalem mare na ni a ntsa e mung, chyeju dum ai hte tawngban ai myit, ngai ru bun na nngai; shanhte gaw tinang galun waw ai, ngai hpe, mu mada na mara ai rai nna, kasha shingtai a matu hkrap ai zawn, shanhte gaw shi a matu hkrap ngu hkrap ngoi na mara ai: kasha alat a matu myit ru ai zawn, shi a matu myit ru na mara ai.

KASA 15:9

shing rai, kamsham ai hte shanhte a myit masin hpe kashin ya mu ai rai nna, anhte hte shanhte a lapran e, hpa hku mung ginhka mi ai n rai.

KASA 26:18

shanhte a myi jahpaw na matu, ngai nang hpe shanhte hpang de shangun dat de ai rai nna, na a amyu a lata na mung, maigan masha ni a lata na mung, hkye hkrang la na de ai,’ nga nna ngai hpe tsun nngai.

KASA 6:7

Karai kasang a mungga mung, galu kaba wa ai rai nna, Yerusalem mare hta sape ni nachying law htam wa ai hte, hkinjawng ni ga daga mung, dai makam masham lam madat mara nga ma ai.

KASA 9:31

Dai hte yang, Yuda mung, Galile mung hte Samari mung shara magup hkan e nga ai Hpung gaw, shadaw shangang ai lu la nna, angwi apyaw rai nga ai; dai Madu hpe hkrit hkungga ai hte, Chyoi pra ai Wenyi a shalan shabran ai lam ni hta hkawm sa let, shanhte law htam wa ma ai.

ROMA 15:2

Anhte langai hte langai tinang a manang wa a ngamu ngamai na lam tau yu nna, shadaw shangang rai hkra shi hpe shapyaw nga ga.

ROMA 8:15

Kaning rai nme law, bai hkrit kang na matu, mayam a wenyi hpe nanhte hkam la manit dai n rai; Aba, Wa e, nga nna jahtau chye ai, yin la ai kasha a wenyi hpe she, nanhte hkam la manit dai.

1 KORINHTU 1:8

anhte a Madu Yesu Hkristu a nhtoi e mung, mara shagun shara n nga hkra, shi nanhte hpe shangang shakang na marin dai.

1 KORINHTU 10:23

Yawng mayawng galaw na ahkang nga ai; rai timung, yawng mayawng hte wa akyu byin ai n rai; yawng mayawng galaw na ahkang nga ai; rai timung, yawng mayawng hte wa shadaw shagrin lu ai n rai.

1 KORINHTU 14:15

Shaloi kaning rai na rai ta? Nye a wenyi hte ngai akyu hpyi nna, nye a myit hte mung akyu hpyi na nngai; nye a wenyi hte ngai mahkawn mangoi nna, nye a myit hte mung mahkawn mangoi na nngai.

1 KORINHTU 14:26

Shaloi, hpunau ni e, kaning rai na rai ta? Nanhte zuphpawng nga myit yang, langai hte langai shakawn kungdawn ga, sharin achyin ga, shingran ga, ga amyu myu hte ga amyu a lachyum shapraw ai ga lu la shajang mai nga ai: lam shagu gaw shadaw shangang na matu byin nga u ga.

GALATI 4:6

Ya nanhte gaw kashu kasha rai nga myit dai majaw, Karai Kasang gaw, Aba Wa e, nga nna shaga chye nga ai, shi a Kasha a Wenyi hpe anhte a kraw lawang de shangun dat nu ai.

EHPESU 4:12

shi gaw nkau mi hpe kasa, nkau mi hpe myihtoi, nkau mi hpe kabu gara shiga hkaw hkawm ai ni, nkau mi hpe hpung up hte sara di nna, jaw da shajang mu ai.

EHPESU 4:16

shi kaw nna, dai hkum ting gaw, hkrihkraw lamyi ni yawng lanawn ya ai a marang e, matut manoi htuk nna shachyaw nga let, daw shan ni langai hte langai shachyen lu ai hte maren, tsawra ai hta de shatup hkra, tinang kung kaba wa ai lam, dai hkumhkrang gaw shabyin wu ai.

EHPESU 4:29

N se ai ga hkaw mi mung nanhte a n-gup na hkum pru u ga; madat mara nga ai ni a matu akyu byin hkra, ra nga ai hte maren shadaw shalan na matu, mai kaja ai ga sha a tsun na mu.

EHPESU 6:18

Ahkying ladaw shagu hte hta e, akyu hpyi nna hpyi nem ai amyu myu hte, dai Wenyi hta hpyi nga nna, a maja nga let chyoi pra ai ni nlang hte a matu mara n-gun n yaw ai sha, tut tut akyu a hpyi nga mu.

KOLOSE 2:7

shi hta e ru jung nna gaw da nga ai hte, nanhte sharin achyin la ai hte maren, nanhte a makam masham hta ngang ngang hkang hkang rai nga let, dai hta e shakawn kungdawn ai hte law htam wa mu.

1 HTESALONI 5:11

Dai re ai majaw, nanhte ya e pyi galaw nga myit dai hte maren, shada da shadum jahprang nna shadaw shalan nga mu.

1 TIMOHTI 1:4

ga law ga la shapraw ai maumwi ga hte n htum hkraw ai ahtik labau gawn ai hku hpe n hkan shachyut mu ga she, nang gaw masha nkau mi hpe daru jet kau na matu, ngai Makedoni mung de sa wa ai shaloi e Ehpesu mare e naw anga nga na, nang hpe shadut jahkat sade ai hte maren, naw nga nga u.

2 TIMOHTI 1:5

nang hta jung ai n sawt ai makam masham hpe mung ngai bai dum nga ai hte, dai gaw na nwoi dwi Lui hte, na nnu Uni yan hta shawng jung nga nna, nang hta e mung a jung nga ai hpe, ngai myit tawng nga nngai.

TITU 1:1

Karai Kasang a lata la ai ni a makam masham hte, tara hkungga lam hte seng ai, tengman ai ga a chye chyang ai hku hte maren, htani htana asak lu la na myit mada shara chye lu hkra,

YAKU 2:22

Dai rai nna, dai kamsham ai gaw, shi a magam bungli hte rau shachyen nna, dai magam bungli a majaw, dai kamsham ai gaw tup wa lu ai hpe, nang mu lu ndai;

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte, Hkye hkrang la ai Madu Yesu Hkristu a dinghpring ai lam hta, anhte zawn hpu la ai makam masham lu la nga ai ni hpe, ga shana dat nngai.

1 YAWHAN 5:4

Karai Kasang kaw nna shaprat ai wa kadai rai timung, dai mungkan ga hpe dang kau nu ai: padang lam chyawm gaw, anhte a makam masham rai nga mali ai.

YUDA 1:3

Tsawra ai ni e, anhte guji gumyu a hkye hkrang la ai lam, nanhte hpe ka da na, ngai shaja nga nngai shaloi e, chyoi pra ai ni kaw lang lata sha ap ya da ai makam masham lam a matu mara gasat shakang na, nanhte hpang de ka dat nna shadum jahprang shara nga ai, ngai mu hkrup nga nngai.

SHINGRAN 13:10

Masha wa hpe sharen ai wa gaw, sharen da ai hkrum na ra ai; nhtu hte sat ga ai wa mung, nhtu hte si na ra ai. Ndai lam hta chyoi pra ai ni a shakut sharang shara hte makam masham lam dan pru nga ai.