YUDA 1:19 - Jinghpaw Hanson Version Bible

¹⁹ Dai masha ni gaw, hpawng shingra sharun ai ni, wenyi kata ai tuk shamak re ai ni, rai nga ma ai.

Jinghpaw Common Language Bible 2009

¹⁹ Ndai masha ni gaw hpung kata hta hka bra wa ai lam hpe shabyin ai ni, tinang a hkum shan ra marin ai lam ni hta hkan sa ai lam ni, Wenyi n lu la ai ni rai ma ai.

YUDA 1:19 ပူးပေါင်းရင်းမြစ်များ

GA SHAGAWP 18:1

Tinang hkrai lak nga ai wa gaw, tinang myit machyu nna, Zai byeng-ya lam shagu hte n hkrak nga ai.

ESAIA 65:5

bai shanhte gaw, “Nang hkrai kaga tsap nga u, ngai kaw hkum ni; ngai gaw nang hta grau chyoi pra nga nngai,” nga nna tsun ma ai. shing re ai ni gaw nye a ladi hta wan hkut, tutnawng hkru nga ai wan zawn, rai nga ai.

EZEKELA 14:7

Kaning rai nme law, ngai hte hka nhtawm, tinang a hpara ni hpe, tinang a kraw lawang e dè da nna, tinang a shut hpyit ai ahtu kataw shara hpe, tinang a man e tawn da ninglen, nye a myit hpe san yu na matu, myihtoi wa hpang de sa du ai Israela masha kadai hpe mung, Israela mung hta sa manam nga ai kadai hpe mung, ngai Yehowa nan shi hpe htan na nngai:

HOSEA 4:14

Nanhte a shayi sha ni shawa num, nanhte a nnam ni la shaw ai num tai yang, ngai shanhte hpe ari jaw na, n rai: kaning rai nme law, la ni pyi shawa num hkan tam nna, n se ai num ni hte rau hkungga nawng ya ma ai: nyan n rawng ai amyu gaw, htum mat ai hkrum na ra ai.

HOSEA 9:10

“Ngai gaw, zaibru jang e tu ai tsabyi si zawn, Israela hpe mu hkrup nngai; shawng si ai lakum hpun hta shawng myin ai lakum si zawn, nanhte a nji nwa ni hpe, ngai mu mada nngai: rai timung shanhte gaw, Bala-peora hpang de sa nna, tinang hkum hpe kaya kahpa lam hta ap kau nhtawm, tinang ra ai hpara hte maren, matsat shabat hkum tai wa masai.

ROMA 8:9

Nanhte hta e chyawm gaw Karai Kasang a Wenyi rawng nga myit yang gaw, nanhte hkum shan myit hta e n rai, Wenyi hta e nan rawng nga myit dai. Langai ngai gaw Hkristu a Wenyi n rawng yang dai wa shi hte n seng nga ai.

1 KORINHTU 2:14

Myi na ta naw re ai shinggyim masha gaw, Karai Kasang a Wenyi hte seng ai lam hte hpe hkam la lu ai n rai, dai hte gaw shi a matu angawk angak rai nga ai rai nna, Wenyi myit e sha dai hte hpe jeyang lu ai re ai majaw, shi gaw dai hte hpe chye na lu ai n rai.

1 KORINHTU 6:19

Dai hta n-ga, nanhte a hkumhkrang gaw, Karai kasang kaw na nanhte lu la ai hte, nanhte hta e rawng nga ai Chyoi pra ai Wenyi a htingnu rai nga ai, nanhte n chye nga myit ni? Nanhte gaw tinang hkum hpe pyi up lu ai n rai;

HEBRE 10:25

nkau mi wa htung nga ai zawn, anhte gaw tinang a zuphpawng ai lam hpe n koi n kau ai sha, shada da hpe shadum jahprang nga ga: dai nhtoi du magang ra ai hpe, nanhte chye myit dai majaw, shing rai shadum jahprang shara grau nna rai nga ai.

YAKU 3:15

Shing re ai hpaji byeng-ya chyawm gaw, ntsa de nna yu hkrat wa ai hpaji byeng-ya n rai; dai gaw, dinghta ga a, ashu ashan a hte ji nat a hpaji byeng-ya hkrai rai nga ai.