YUDA 1:16 - Jinghpaw Hanson Version Bible

¹⁶ Shanhte gaw, wu wu di di rai nna, put ngun nga ai ni, rai nga ma ai; tinang a myit marin ai hku hte maren shanhte hkan hkawm ma ai; shanhte a n-gup grang ai ga kaba tsun nga ai; sake manawn lu sha hkra, masha a myi man hpe tau yu ai ni, shanhte rai nga ma ai.

Jinghpaw Common Language Bible 2009

¹⁶ Ndai masha ni gaw galoi mung aput angun nga nna masha kaga ni hpe mara sha shagun nga ma ai; shanhte gaw shanhte a n hkru n kaja ai, ra marin ai hta hkan nang ma ai. Shanhte gaw tinang a lam hpe shakawng gumrawng chye ma ai; shanhte gaw tinang a akyu pru hkra masha wa hpe kawng sharawt ya masu ai hku hkalem ai ga chye tsun ma ai.

YUDA 1:16 ပူးပေါင်းရင်းမြစ်များ

YOBA 32:21

gade a myi man mung ngai n tau u ga; kadai hpe mung a shapyaw ai ga hte hkalau na n rai.

YOBA 34:19

Shi gaw du ni a myi man n tau yu ai hte, matsan mayan ni hta sut su ai ni hpe, grau hkungga nga ai, n rai. Shi a lata shanhte nlang hte hpe hpan da mu ai.

SHAKAWN KUNGDAWN 106:25

Tinang a sum hta, shanhte wu wu di di rai nga nna, Yehowa a nsen hpe n madat mu ai.

SHAKAWN KUNGDAWN 15:4

Shi a myit hta shagrit ai hte kaya ging dum nga nna, Yehowa hpe hkrit kamyin ai ni hpe hkungga ai hte, Tinang a akyu hten timung, shi a dagam ai ga n lai ai wa;

SHAKAWN KUNGDAWN 17:10

Shanhte matsan dum ai lam pat kau nna, Gumrawng gumtawng ga a tsun nga ma ai.

SHAKAWN KUNGDAWN 73:8

Shanhte roi nna kashun kashe na lam tsun ma ai. Gumrawng gumtawng ga a tsun nga ma ai.

GA SHAGAWP 28:21

Masha myi man hpe tau na mung, Muk hkyep mi a jaw e tara manai kau na mung, n mai nga ai.

ESAIA 29:24

Lam dam ai ni gaw chye na lu nna, je hpre ai ni gaw sharin achyin ai ga, hkam la na mara ai,” nga ai.

JAW JAU 19:15

Tara jeyang ai lam hta n sun n ang ai hku dawdan ya lu na n rai; matsan jahkrai hpe mung n maga, kaba ai wa a myi man mung n tau ai sha, tengman ai hku hkan nna na a baw sang lapran jeyang ya lu na rai ndai.

BU HKAWM 14:36

Dai mung hpe kin-yu yu na Mawshe shangun dat ai masha ni hta, bai wa nna dai mung a lam ga chyahten wa tsun ai hte shawa hpung nlang hpe aput shangun ai ni ngu ai,

BU HKAWM 16:11

Dai rai nna, nang hte nang hpang maga na ni yawng, Yehowa hpe gumlau nga myit hka; Arun hpe shara na gaw shi hpa wa rai nga a ta?” ngu wu ai.

BU HKAWM 16:41

Hpang jahpawt e Israela shawa hpung ting gaw Mawshe yan Arun hpe, mara shagun let, “Nan Yehowa a masha ni hpe sat kau myit dai,” nga nna aput ma ai.

LUKA 15:2

Dai rai nna Hparishe ni mung, laika ka ai sara ni mung, “Ndai wa gaw yubak kap ai ni hpe hkap la nna, shanhte hte rau lu sha nga ai,” nga nna aput angun nga ma ai.

LUKA 19:7

Nga manga ni gaw dai mu jang, shi gaw yubak kap ai wa langai mi kaw shang manam sai, nga nna aput angun nga ma ai.

LUKA 5:30

Dai rai nna Hparishe ni hte shanhte a laika ka ai sara ni gaw, shi a sape ni a lam wu wu di di nga nna, “Nanhte hpa rai kang hta ai ni hte yubak kap ai ni rau lu sha nga myit ta?” nga nna tsun ma ai.

YAWHAN 6:41

Dai rai nna Yesu shi nan, “Sumsing lamu de na yu wa ai muk ngai rai nga nngai,” nga ai majaw, Yuda masha ni shi a lam aput angun let,

YAWHAN 6:61

Shing nga nna shi a sape ni tsun ngun nga ma ai hpe, Yesu shi a myit hta chye wu ai majaw, shi shanhte hpe, “Ga ndai gaw nanhte hpe myit hten shangun wa sa ni?

1 KORINHTU 10:10

Shanhte nkau mi put ngun nna, jahten ai wa a lata e hten byak hkrum ma ai zawn, nanhte gaw put ngun hkum rai myit.

GALATI 5:16

Da ndai ngai tsun nngai gaw, Wenyi hte hkawm nga mu; shaloi hkum shan a marin ai lam hpe nanhte shadik na myit dai n rai.

GALATI 5:24

Hkristu Yesu hte seng ai ni chyawm gaw, tinang a hkum shan myit mung, myit kayut ai hte marin marit ai hte nawng, wudang hta jen da manu ai.

TARA JAHPRANG 1:27

‘Yehowa gaw anhte hpe n dawng mi ai majaw, anhte hpe shabya kau lu hkra, Amori masha ni a lata hta ap kau na nga, Egutu mung na anhte hpe shaw wa mi hka.

HPILIPI 2:14

Hpa lam hpe mung, put ngun nna ndang kalang hkat ai hte, hkum galaw mu:

1 HTESALONI 4:5

kadai hpe mung n tawt n lai ai hte, dai lam hta tinang a hpunau wa hpe n map n maw sha nga myit ga, dai gaw Karai Kasang a myit ra ai hku hte nanhte a shachyoi shapra na lam rai nga ai.

1 TIMOHTI 6:5

n san n seng ai myit rawng nna, tengman ai ga yet mat ai hte, tara hkungga ai lam gaw hpaga amyat sha ai lam sha rai nga ai, nga nna myit nga ai masha a ga law ga la ai lam pru wa ai.

2 TIMOHTI 4:3

Kaning rai nme law, htawm hpang na prat e masha ni gaw, masan maseng ai sharin shaga ai lam hpe n madat hkam la lu ai hte, shanhte a ana kaya kaprep nna, tinang a myit kayut ai hku hte maren, tinang a matu mara sara shalaw la nhtawm,

1 PETRU 1:14

Nanhte mung madat mara ai ma zawn rai nga let, nanhte garai n chye ai aten na shawng na myit marin kau ai hte hpe ya n hkan dagraw ai sha;

1 PETRU 2:11

Ngai tsawra ai ni e, myit masin hte gasat hkat nga ai hkum shan kayut la ai baw hpe koi kau myit ga, ga ntsa e shingbyi nga ai ni hte, bu hkawn manam zawn rai nga ai ni nanhte hpe, ngai nem da made ai:

1 PETRU 4:2

ndai hkum tsawp hta e naw ahkrung nga ai aprat e, masha a myit marin ai hku n hkan ai sha, Karai Kasang a myit hpe hkan nang lu myit ga, nanhte mung dai myit hpe nan, hpyen palawng zawn ahpun da nga mu.

2 PETRU 2:10

Dai ni gaw nden ja ai ni hte, tinang a myit hkan nna, hpung shingkang rawng ai ni hpe n hkrit kamyin ai sha, shatan nhkan nga ai ni rai nga ma ai;

2 PETRU 2:18

Kaning rai nme law, hkum shan a myit marin nna, mak kayuk nga ai hku hkan yang, kaman lila grang ai ga kaba a tsun nga let, lam dam mat ai ni kaw na lawt lu magang wa ai ni hpe, shanhte lau la mu ai;

2 PETRU 3:3

Kaning rai nme law, hpang jahtum na nhtoi hte hta, tinang a myit kayut ai hku hkan nna, asawng asang rai let, Dai Madu bai du na ra ai, nga ai ga ndat gaw, kanang rai nga a ta?

YUDA 1:15

tara n hkungga ai ni nlang hte gaw, tara n hkungga ai myit hte galaw dan ai tara n hkungga ai amu mahkra a matu mara mung, tara n hkungga ai yubak galaw ai ni, shi a lam tsun dan mu ai n hkru ai ga mahkra a matu mara mung, shanhte hpe madun dawdan mu ga, dai Madu gaw shi a chyoi pra ai luksuk mun sen ni hte, du sa ra ai, nga ai.

YUDA 1:18

kaning rai nme law, shanhte gaw, Hpang jahtum ai aten e tinang a n se ai myit marin ai hku hte hkan hkawm ai asawng asang re ai ni, du na mara ai, ngu nna nanhte hpe tsun dan manit dai.