YUDA 1:15 - Jinghpaw Hanson Version Bible

¹⁵ tara n hkungga ai ni nlang hte gaw, tara n hkungga ai myit hte galaw dan ai tara n hkungga ai amu mahkra a matu mara mung, tara n hkungga ai yubak galaw ai ni, shi a lam tsun dan mu ai n hkru ai ga mahkra a matu mara mung, shanhte hpe madun dawdan mu ga, dai Madu gaw shi a chyoi pra ai luksuk mun sen ni hte, du sa ra ai, nga ai.

Jinghpaw Common Language Bible 2009

¹⁵ Masha yawng a ntsa e dai tara jeyang na ra ai; masha yawng mayawng hpe shanhte galaw ai n hkru n kaja ai amu ni a matu mung Karai kata ai masha ni Karai Kasang hpe ninghkap ai hku tsun shaga kau ai hkrithpa ga ni yawng a matu mung jeyang daw dan na ra ai!,” nga nna myihtoi ga hta tsun da sai.

YUDA 1:15 ပူးပေါင်းရင်းမြစ်များ

SHAKAWN KUNGDAWN 139:20

Dai ni, hkalem sha let nang hpe gumlau nna, Mara n nga timung, nang hte nhtan shai ma ai.

SHAKAWN KUNGDAWN 149:9

Karai Wa a matu shanhte a n-gup hta, mahkawn ga kaba rawng nga nna, Shanhte a lata hta nshan lahkawng dai ai nhtu lang nga mu ga: Dai gaw chyoi pra ai ni mahkra a matu, Hpung shingkang rai nga malu ai law. Halelu-Yah.

SHAKAWN KUNGDAWN 31:18

gumrawng nna shatan nhkan ai ga hte Dinghpring ai ni hpe, n gawn n sawn hku masu ai nten gaw, ma-a mat malu ga.

SHAKAWN KUNGDAWN 37:6

Shi gaw na a dinghpring ai hpe sawmrawm nhtoi zawn, na a dawdan ai hpe, jan pungding shingkang zawn, shapraw dan na ra ai.

SHAKAWN KUNGDAWN 73:9

Shanhte a n-gup lamu hte nhtan shai nna, Shanhte a shinglet aga hta len hkawm nga malu ai.

SHAKAWN KUNGDAWN 94:4

Shanhte ga galu galang tsun nna, grang nga ma ai; Shut hpyit ai hku galaw ai ni nlang, lila ga tsun ma ai.

SHAKAWN KUNGDAWN 98:9

Kaning rai nme law, lamu ga hpe tara dara na shi du sa nna, Mungkan ga hpe dingman ai hte, amyu baw ni hpe malang ai hku hte, tara dara na ra ai.

PRU MAT 16:8

Bai Mawshe gaw, “Shana de sha na matu shan, jahpawt e hkru ram hkra sha na muk, Yehowa nanhte hpe jaw na myit dai shaloi, nye a ga teng na ra ai: Yehowa hpe nanhte aput ai ga shi na nu ai: an wa mi hpa rai ga ta? nanhte aput ai ga gaw an hta hkra ai n rai, Yehowa hta hkra nga ai,” ngu wu ai.

HPAJI NINGLI 11:9

Shabrang wa e, na a brang ram prat e kabu gara nga u; brang ram aten e na a myit masin ngwipyaw nga nna, nang myit sharawng awng ai hte, na a myi madun ai de, hkan sa u; rai timung, dai lam yawng mayawng a matu, Karai Kasang nang hpe tara dara na ra ai, adum nga u.

HPAJI NINGLI 12:14

Kaning rai nme law, Karai Kasang gaw makoi magap da ai amu yawng mayawng hpe, kaja ai rai timung, n kaja ai rai timung, tara tingnyang hta dawdan na ra ai.

EZEKELA 35:13

Nanhte gaw nanhte a n-gup hte nye a lam ga kaba tsun nna, nye a man e gumrawng grang nga myit dai: ngai dai lam na ni ai.

Daniela 11:36

“Dai hkawhkam wa gaw shi myit ra ai hte maren galaw nna, hpara ni mahkra ntsa e tinang hkum hpe shagrau shatsaw ai hte, hpara ni a Karai Kasang hpe shinggan kau nna, mauhpa ga tsun na ra ai; pawt sindawng hpring ai aten du hkra, shi awng wa na ra ai; kaning rai nme law ndat da ai lam gaw dik wa na ra ai.

Daniela 7:20

de a baw hta tu ai nrung shi hpe mung, hpang e tu nna, shawng na hta nrung masum hpe jahkrat kau ai hte, masha myi tu nna, ga kaba chye tsun ai n-gup tu ai hte, manang ni hta grau nna hkrit na nsan ai, nrung kaji tu ai lam hpe mung, ngai chye mayu nngai.

YAWHAN 5:27

shi gaw Masha Kasha rai nga ai majaw, tara dara na ahkang mung shi e ap ya nu ai.

KASA 17:31

kaning rai nme law, shi e san da sai wa a lata hte mungkan ga hpe dingman ai hku dawdan na nhtoi gaw, shi tawn da nu ai: dai wa hpe si ai ni kaw na shi hkrung sharawt la ai hte, dai san da ai lam hta, masha yawng a man e kam ram ai sakse tawn da nu ai,” ngu nna tsun nga ai.

ROMA 14:10

Nang chyawm gaw, hpa majaw na nhpu nnau wa hpe jeyang nga n ta? bai, na nhpu nnau wa hpe hpa majaw n gawn n sawn rai nga n ta? Anhte yawng mayawng hte gaw, Karai Kasang a tara tingnyang a man e du tsap na ra ga ai.

ROMA 2:16

shing rai, nye a kabu gara shiga hte maren, Karai Kasang gaw Yesu Hkristu a lata hte, masha ni a n dan n leng ai lam hte hpe tara dara na nhtoi hta e rai na ra ai.

ROMA 2:5

Gaja wa, na a ja la ai hte malai n lu ai myit majaw, Karai Kasang a pawt bu ngu ai, dingman ai tara dara na dan pru ai nhtoi e hkam na madawng hpe, nang mahkawng da ndai.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

1 KORINHTU 5:13

Shinggan de nga ai ni hpe Karai Kasang jeyang nga ai, n rai ni? Dai n hkru n hkra ai wa hpe nanhte kaw na shaden kau mu.

1 TIMOHTI 1:9

rai timung, dinghpring ai wa a matu mara jep ai tara tawn da nga ai n re ai sha, n tara ai ni, gumlau gumle re ai ni, tara n hkungga ai ni, yubak galaw ai ni, n chyoi n pra ai ni, ga n seng ai ni, kanu kawa hpe bye kau ai ni, masha sat ai ni;

YUDA 1:16

Shanhte gaw, wu wu di di rai nna, put ngun nga ai ni, rai nga ma ai; tinang a myit marin ai hku hte maren shanhte hkan hkawm ma ai; shanhte a n-gup grang ai ga kaba tsun nga ai; sake manawn lu sha hkra, masha a myi man hpe tau yu ai ni, shanhte rai nga ma ai.

SHINGRAN 13:11

Bai, aga kata de na pru lung wa ai matse labye kaga ngai mu nngai: shi gaw sagu kasha a nrung hte bung ai nrung lahkawng tu nna, baren numraw zawn ga tsun nga ai.

SHINGRAN 22:20

Ndai lam hte hpe sakse hkam ya ai wa gaw, “Rai sa; ngai alawan du na ring ngai,” nga ai. Amen. Madu Yesu e, Yu wa rit law.

1 SAMUELA 2:3

Grang dagat ai ga hkum tsun manit, Tinang n-gup na gumrawng ai gaw hkum shapraw manit: Yehowa chye ningchyang Karai rai nga ai, Amu lam magup hpe shen yu nga ai.