YUDA 1:12 - Jinghpaw Hanson Version Bible

¹² Shanhte gaw, nanhte hte rau poi galaw sha ai shaloi jang, nanhte a tsawra poi ni hta makoi nga ai lungbra ni, rai nga ma ai: hpa n hkrit kaya let, tinang hkum sha jau la ai sagu rem ai ni mung, rai nga ma ai: nbung e shapoi nna marang n rawng ai sumwi; lahkawng lang si mat nna, ru hte nawng baw kau ai, asi n si ai ginhtawng jaga na hpun;

Jinghpaw Common Language Bible 2009

¹² Shanhte gaw kaya kahpa n chye hkra garu kachyi nga nna lu sha nga ma ai majaw, shanhte a kanawn mazum ai lu sha hpawng gaw matsat shabat ginra zawn rai nga ai. Shanhte gaw shanhte a akyu hpe sha tam ma ai; shanhte gaw marang n lawm ai nbung e shapoi hkawm ai sumwi ni hte mung, nshung shang wa mahka du wa tim asi n si nna ru hte hpawn gang baw tawn ai hte tsep kawp si mat ai hpun hte mung bung ma ai.

YUDA 1:12 ပူးပေါင်းရင်းမြစ်များ

2 HKAWHKAM LABAU 7:20

ngai shanhte hpe jaw da ai mungdan hta na aru hte nawng baw kau nna, nye a amying nsang matu ngai shachyoi shapra ai ndai nta hpe ngai shinggan kau na we ai rai nna, masha amyu ni hta abung shadawn chyai shara hte, asawng shara shatai na we ai.

YOBA 8:17

Shi a ru ni lung rawk ntsa e hkram nga nna, nlung nta hpe shi mada yu nga ai.

SHAKAWN KUNGDAWN 1:3

Dai wa gaw hka kau e hkai ai, Shi a aten hta asi si nna, Alap mung n nyip ai hpun hte bung nga ai: Shi galaw ai yawng mayawng mung tai na ra ai.

SHAKAWN KUNGDAWN 37:2

Tsingdu zawn shanhte alawan dan kau ai hkrum nna, tsit lali ai maku zawn nyip mat na mara ai.

GA SHAGAWP 25:14

“Jaw na,” grang dakat nhtawm, n jaw ai wa gaw, Marang n lawm ai sumwi hte nbung rai nga ai.

EZEKELA 17:9

“Dai rai nna tsun u, ‘Madu Yehowa ning nga ai, Dai ru gaw kaba wa lu na kun? Nyip mat na matu, shi gaw de a aru baw kau nna, asi di la na, n rai ni? De a lap mahkra nyip mat wa na ra ai, n rai ni? N-gun ja ai lahpum hte, masha law nga timung, dai ru gaw kaba wa lu na, n rai.

EZEKELA 34:10

Madu Yehowa ning nga ai: Sagu rem ni hpe ngai hkap daw na nngai: nye a sagu ni hpe shanhte a lata na ngai hpyi la nna, sagu rem aya dawm la na nngai; sagu rem ni gaw htawm hpang de tinang hkum hpe bau lu na, n rai: nye a sagu ni gaw htawm hpang de shanhte a shahpa n tai lu hkra, shanhte a n-gup na sagu ni hpe gare la na nngai.”

EZEKELA 34:18

Nanhte gaw kaja ai udat shara hta ushat sha ai hta n-ga, naw ngam nga ai tsingdu hpe nanhte a lagaw hte kabye kau nna, san ai ntsin hpe lu lu ai hta n-ga, naw ngam nga ai hka hpe kabye hkanu kau na gaw, nanhte a matu amu kaji zawn nawn nga myit ni?

EZEKELA 34:2

“Masha kasha e, Israela amyu a sagu rem ni hpe sha-ang nna myihtoi htoi u; myihtoi htoi nna sagu rem ni hpe htawn tsun u, “Madu Yehowa ning nga ai: Tinang hkum hpe sha bau ai Israela sagu rem ni gaw, dingnye lu mu ga; sagu rem wa gaw, sagu ni hpe bau mai ai, n rai ni?

EZEKELA 34:8

Ngai hkrung nga ai hte maren, gaja wa, sagu rem wa n nga ai majaw, nye a sagu ni pa ga na matse labye ni yawng a matu shahpa tai nna, nye a sagu rem ni gaw, nye a sagu ni hpe n hkan tam ai hte, sagu ni hpe bau ai n rai, tinang hkum hpe sha bau ma ai majaw

HOSEA 6:4

“Ehprim e, ngai nang hpe kaning di na rai ta? Yuda e, ngai nang hpe kaning di na rai ta? Nan a chyeju dum ai myit gaw, jahpawt manap sumwi hte, jau jau e hkoi mat ai mari zawn, rai nga ai.

JAW JAU 14:43

Shing rai nlung shaw kau ai hte ahkyen kau ai di nna, engade nnan chya ngut ai hpang, ana dai bai kap ai rai yang,

MAHTE 13:6

jan pru katen jang krau mat wa ai rai nna, ru n jung lu ai majaw hkraw mat wa ai.

MAHTE 15:13

Shi htan nna, “Sumsing lamu hta nga ai nye Wa n hkai da ai hpun yawng hte gaw, ru hte nawng baw kau ai hkrum na ra ai.

MARKU 4:6

jan pru katen jang, krau mat wa nna, ru n jung lu ai majaw nyip si mat ma ai.

LUKA 12:45

Shing n rai, dai mayam gaw, “Nye a madu du wa na naw na la nga ai, nga nna shi a kraw kata e myit nga let, mayam la, mayam num manang ni hpe anu ajin di ai hte, lu nga, sha nga nna chyaru nang nga ai rai yang gaw,

LUKA 16:19

Lang mi na sahti langai mi gaw, hkyeng ai nba hte mani ai hpun palawng bu hpun sumli nna, shani shanang pyaw pyaw ningngai nga ai.

LUKA 21:34

Rai timung, lu lai sha lai ai, chyaru nang ai, dinghta ga myit ru myit tsang ai hte nanhte a myit masin li nga nna, dai nhtoi gaw mahkam htim ai zawn, nanhte a ntsa e akajawng sha n du pru u ga, sadi nga mu:

LUKA 8:6

Nkau mi gaw nlung ntsa e hkrat nna, tu pru wa yang, ga n madi nga ai majaw, nyip si mat ma ai.

EHPESU 4:14

shing rai anhte ma chyangai naw n rai nga na hte, masha a n hkru n hkra ai, maw da ai hkalem hkalau ai hpaji hte maren, nbung ngu ai sharin shaga ai lam shagu gadau gadap ai hte nhting nhtang n hkrum ai sha,

HPILIPI 3:19

Dai ni a chyahtum ai gaw, hten byak ai rai nga malu ai; dai ni a Karai Kasang gaw, tinang a kan rai nga ai hte, tinang a kaya kahpa hta shanhte a gumrawng shara rai nga ma ai; dinghta ga na arai hpe hkrai shanhte myit tsang nga ma ai.

1 TIMOHTI 5:6

Tangpyaw sha tam nga ai gaida jan chyawm gaw, naw hkrung nga ninglen chyasi rai nga ai.

HEBRE 13:9

Sharin shaga ai lam tsasam amyu myu de hkum htawt hkum hkan myit: hkan nang ai ni a matu hpa akyu n shabyin ya lu ai shahpa lam hte n rai, chyeju lam hte she myit masin hpe shangang shakang lu na, mai kaja nga ai.

YAKU 5:5

Nanhte gaw ga ntsa e shakawng n dawng rai nga ai hte, pyaw daw hkrai kadaw myit dai; sat ai shani hta e, nanhte gaw tinang a myit hpe kawn da manit dai.