YUDA 1:11 - Jinghpaw Hanson Version Bible

¹¹ Shanhte gaw dingnye lu mu ga! kaning rai nme law, Ka-in a lam hta e shanhte hkan hkawm ma ai rai nna, shabrai lu la na matu Balam a lam dam mat ai hta gumbawm ma ai hte, Kora a gumlau gumle ai amu hta e hten bya mat ma ai.

Jinghpaw Common Language Bible 2009

¹¹ Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.

YUDA 1:11 ပူးပေါင်းရင်းမြစ်များ

2 HKAWHKAM 16:16

Hkawhkam Ahaza hkang da mada hte maren, hkinjawng Uria hkan galaw wu ai.

ESAIA 3:11

Tara n lang ai wa gaw, dingnye hkrum u ga; shi lata galaw ai amu, shi nan hkrum sha ai majaw, shi hta yak la nga ai.

ESAIA 3:9

Shanhte a myi man nsam, shanhte a lam sakse hkam nga ai; shanhte gaw tinang a yubak hpe Sodom masha ni zawn dan dan galaw nna, makoi magap ma ai n rai; shanhte gaw tinang hkum hpe shaza kau ma ai majaw, tinang a myit masin dingnye hkrum mu ga.

YEREMIA 13:27

Pa ga na kawng ni a ntsa e nang galaw ai matsat shabat ngu ai, num shaw la shaw ai, nying sharung ai hte n san n seng hpye ai amu hpe, ngai mu ni ai: Yerusalem e, nang dingnye lu ndai; nang n san n seng ai gaten du hkra naw rai nga na a ta? nga nna Yehowa tsun ai.

EZEKELA 13:3

Madu Yehowa ning nga ai, ‘Hpa shingran n mu ai sha, tinang a wenyi hkan ai myihtoi mana ni gaw, dingnye lu ma ai.

MIHKA 6:5

Nye a amyu e, Moba hkawhkam Balak hpaji daw ai hte, Beora kasha Balam shi hpe htan ai ga, dum u; Yehowa a dinghpring ai amu chye lu hkra, Shitim hte Gilgala lapran e byin ai lam hpe, dum u.

ZEHKARIA 11:17

Sagu hpung hpe kau da ai, n hkaw ai sagu rem wa gaw, dingnye lu u ga: shi a lahpum hte, hkra maga na myi hta, nhtu tsin-yam du u ga: lahpum ting hkraw kap mat u ga, hkra maga na myi kyaw mat u ga,” nga ai.

BU HKAWM 31:16

Yu mu, shanhte Balam daw ya ai hpaji hkan nna, Israela kashu kasha ni hpe Peora lam hta Yehowa a man e shut hpyit shangun mu ai majaw, Yehowa a shawa hpung hta dai ari zinli du ai re.

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Kaning rai nme law, nan hta dan ai magam bungli ni hpe, Turu hte Sidun mare yan hta dan yu taw gaw, dai yan gaw moi moi e nan lachyit nba hte dap hta e, myit malai lu boi na masai.

TARA JAHPRANG 23:4

nanhte Egutu mung na pru wa ai shaloi, muk hte ntsin gun nna n tau la ma ai majaw mung, nanhte hpe dagam na Mesopotami mung, Pehtora mare na Beora kasha Balam hpe shaga mu ai majaw mung, shanhte hta kadai mung prat shi n du dingsa Yehowa a shawa hpawng hta lawm lu na n rai.

HEBRE 11:4

Kamsham ai hte Abela gaw Ka-in hta grau kaja ai hkungga Karai Kasang hpe nawng ya wu ai rai nna, Karai Kasang mung shi a kumhpa ni a lam sakse hkam ya wu ai majaw, shi dinghpring nga ai, nga nna de a gawp e sakse hkam ya ai lu la wu ai: dai hpe yu yang, shi si mat sai rai timung, ga naw a tsun nga ai.

2 PETRU 2:15

Dai malang ai lam hpe shanhte kau da manu ai rai nna, n ding n man ai shabrai hpe tsawra wu ai Beora a kasha Balam a lam hta, hkan nga ma ai:

1 YAWHAN 3:12

Dai n hkru ai wa hte seng ai Ka-in gaw, shi a kanau hpe sat kau wu ai zawn n rai. Shi hpe hpa re ai majaw, sat kau wu hka? Shi a amu bungli n kaja nga lu ai hte, shi kanau a amu bungli mahtang kaja nga ai majaw, shi hpe sat kau wu ai rai.

SHINGRAN 2:14

Rai timung, sumla ni hpe nawng ya ai hkungga sha na hte hpye ai amu galaw na lam ngu ai myit kataw shara hpe, Israela kashu kasha ni a man e tawn da na, Balak hpe hpaji daw ya ai Balam a sharin shaga ai lam hta hkan nang ai ni nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.