YONA 1:3 - Jinghpaw Hanson Version Bible

³ Yona chyawm gaw, Yehowa a man na, Tarshi mare de hprawng mat na, rawt ai; dai rai nna shi gaw Yopa mare de yu wa nna, Tarshi de sa wa ai sanghpaw li mu wu ai: shaloi dai li jahpu shi ya nna, Yehowa a man na hprawng na matu, shanhte hte rau Tarshi de sa wa na, dai li kata de shang bang wa ai.

Jinghpaw Common Language Bible 2009

³ Yona gaw gara hku mi rai tim, dai Madu a man kaw na hprawng mat wa lu na matu kaga shara de sa mat wa wu ai. Shi gaw Yopa de sa wa nna dai shara e Spain mung de sa wa hkyen ai sanghpaw li langai sa mu wu ai. Shi gaw Karai Kasang a man kaw na hprawng mat wa na nga li jahpu jaw nna Spain mung de sa mat wa na matu sanghpaw masha ni hte rau sanghpaw li ntsa de shang mat wa wu ai.

YONA 1:3 ပူးပေါင်းရင်းမြစ်များ

NINGPAWT NINGHPANG 3:8

Dai hpang shan gaw, shana de bungsoi katsi ai aten e Yehowa Karai Kasang dai sun hta sa hkawm shara nga ai hpe na mu ai; dai majaw Adam hte shi a madu jan gaw, Yehowa Karai Kasang a myi man kaw na makoi lu hkra, dai sun na hpun ni a kata e gawp nga ma ai.

NINGPAWT NINGHPANG 4:16

Shaloi Ka-in gaw Yehowa a myi man kaw na pru mat wa nna Edin mung sinpraw maga na Noda mung hta nga nga ai.

1 HKAWHKAM 19:3

Elia gaw dai na wu yang, asak lawt hkra rawt nna, Yuda mung na Berasheba de hprawng nhtawm, shi a mayam wa hpe dai yang e jahti da wu ai.

1 HKAWHKAM 19:9

Shaloi shi gaw lungpu langai mi de du nna, dai yan ge nga nga ai; Yehowa a ga mung shi kaw du nna, “Elia e, nang nang e hpa galaw nga n ta?” ngu nna shi hpe san wu ai.

2 HKAWHKAM LABAU 2:15

Dai rai nna nye a madu tsun nga ai hte maren, hkaulan mam, muk-yaw mam, tsanlun sau hte tsabyi jahku, na a shangun ma ni hpe jaw u:

2 HKAWHKAM LABAU 2:16

shing rai, nang madu ra mara, anhte Lebanon bum ga na ngau shaw nna, Yopa mare du hkra wawn hte shayawng ya na ga ai; nang gaw Yerusalem de hpai la na ndai, ngu nna htan wu ai.

2 HKAWHKAM LABAU 9:21

Kaning rai nme law, hkawhkam wa gaw, Huram a ali ama ni hte rau Tarshi mare de sa ai sanghpaw li ni lu nga ma ai: Tarshi ngu ai sanghpaw li ni gaw, masum ning hta lang wa du nna, aja, gumhpraw, magwi kawng, awoi hte u tawng ni hpe wa htaw ya mu ai.

EZRA 3:7

Bai shanhte gaw, wut gaw ai ni hte lasama ni hpe gumhpraw, Persi hkawhkam Kuru a ahkang hte maren, Yopa mare danam du hkra, Lebanon bum na arit hpun hpe shaw yawng na Sidon hte Turu masha ni hpe lusha jarit hte sau ni hpe jaw mu ai.

YOBA 1:12

Shing rai Yehowa gaw, “shi lu malu na a lata e rai nga ai; shi hkum hpe sha hkum hkra et,” ngu nna Satan hpe tsun wu ai. Dai rai nna Satan gaw Yehowa kaw na pru mat wa ai.

YOBA 2:7

Dai rai nna Satan gaw Yehowa kaw na pru mat wa nna, Yoba hpe lagaw lahpan kaw nna baw pungding du hkra krwi jap tu ahpra shangun wu ai.

SHAKAWN KUNGDAWN 107:23

Nammukdara hta sanghpaw li hte hkawm ai ni, Hka kaba ni a ntsa e, amu galaw ai ni,

ESAIA 2:16

Tarshi sanghpaw li shagu a ntsa e mung, tsawm la ai dawnghkawn shagu a ntsa e mung, Zaw nawng zaw wa up ai Yehowa a nhtoi du na ra ai rai nna, dai hte yawng shagrit kau ai hkrum na ra ai.

ESAIA 23:1

Turu mare hta ang ai myihtoi ga: Tarshi sanghpaw li ni e, sharung shayawt mu; nta mung n nga, mashang mung n nga hkra, Turu mare atsai awai hten mat sai; Kihtim mung kaw nna, dai shi na ma ai.

ESAIA 23:10

Tarshu shayi sha e, Nila hka zawn na a mungdan ting lwi bra nga u; nang hpe hkum da ai wa ya n nga sai.

ESAIA 23:6

Tarshu mare de rap wa mu; hka kau na ni e, sharung shayawt nga mu.

ESAIA 60:9

Gaja wa, na a Karai Kasang Yehowa a amying nsang majaw mung, nang hpe hpung shingkang sharawng ya ai, Israela a Chyoi pra ai wa majaw mung, na a kashu kasha ni hte hpawn, shanhte a aja gumhpraw hpe sumtsan mung de na la wa na matu, zunlawng ni ngai hpe ala nga nna, Tarshi sanghpaw li ni shawng jin nga na mara ai.

YEREMIA 10:9

Tawk chye ai wa hte janghkam wa a lata e galaw ai gumhpraw pa gaw Tarshi mare na, aja gaw Uhpaza shara na rai nga ai; bu hpun na matu mut ai hte hkyeng mang ai sumpan rai nga ai: yawng hte gaw maka kumla pru ai wa a amu hkrai rai nga ai.

EZEKELA 2:8

Nang mahtang, masha kasha e, ngai tsun ai ga madat u; dai gumlau ai amyu zawn, gumlau myit hkum rawng et; na a n-gup mahka nna, ngai jaw ai hpe sha u,” nga ai.

EZEKELA 27:12

“Nang hta hpaga gun rai amyu myu nga ai majaw, Tarshi mare gaw nang hte hpaga ga nna, na a gun rai hte, gumhpraw, ahpri, ajang, achyu, galai hkat ma ai.

EZEKELA 3:14

Shing rai Wenyi gaw ngai hpe pawn mat wa nna, ngai gaw myit ru ai hte nye a wenyi kahtet let hkan nang nngai; Yehowa a lata gaw nye a ntsa e li nga ai.

YONA 1:10

Shing rai dai masha ni gaw nachying hkrit nga ma ai rai nna, “Ndai nang galaw ai gaw, hpa rai nga a ta?” ngu nna shi hpe tsun mu ai: kaning rai nme law, shi shanhte hpe tsun dan ai majaw, Yehowa man na shi hprawng mat ai, ndai masha ni chye nga ma ai.

YONA 4:2

Dai rai nna shi gaw Yehowa hpe, “Gaja wa Yehowa e, nye a mung e ngai naw rai nga yang, ndai ngai tsun ni ai ga, n rai ni? Nang gaw chyeju, matsan dum ai, myit galu kaba ai, n-gaw nwai myit hpring nna, n hkru ai hta na myit nem la ai Karai Kasang rai nga ndai hpe, ngai chye nngai majaw, ngai gaw Tarshi de tin tin hprawng mat wa nngai.

LUKA 9:62

Yesu gaw, “Na htai jum nna hpang de kayin yu ai wa kadai mung, Karai Kasang a mungdan hte n ging n dan nga ai,” ngu nna shi hpe tsun wu ai.

KASA 15:38

Pawlu mahtang, shi gaw Pamhpuli mung nna shan hpe kau da ai hte, shan hte rau amu gun hpai ai de n hkan hkraw ai wa re ai, nga nna n shalawm mayu wu ai.

KASA 26:19

Dai rai nna, Hkawhkam Agripa e, lamu na shingran dai hpe n madat ai, ngai n nga lu nngai:

KASA 9:36

Ya, Yopa mare hta Tabihta mying ai numsha sape langai mi nga ai; mying de a ga lachyum gaw Dorka ngu ai rai lu ai: dai numsha gaw kaja ai bungli hte alu jaw ya ai lam hta, myit tsup ai jan rai nga ai.

KASA 9:38

Luda gaw Yopa mare hte ni nga ai rai nna, Petru dai yang nga ai lam sape ni na ma yang, shanhte marai lahkawng shangun dat nna, “Anhte kaw sa na hkum hkring et,” ngu nna hpyi dat mu ai.

KASA 9:42

Dai lam hpe Yopa ginwang ting na ma ai rai nna, law law wa, dai Madu hpe kamsham ma ai.

KASA 9:43

Shing rai Petru gaw, Simun ngu ai shanhpyi sama wa hte rau, nhtoi tsawmra na hkra, Yopa mare hta nga nga ai.

1 KORINHTU 9:16

Ndai kabu gara shiga hpe ngai hkaw dan nga yang, nye a matu gumrawng shara n nga ai; kaning rai nme law ngai n hkaw dan ai gaw n nga lu nngai; ngai n hkaw dan yang gaw, dingnye lu nngai.

2 HTESALONI 1:9

Yesu gaw shi a chyoi pra ai ni hta dan hkung nga ai hte, nanhte gaw anhte a sakse ga hpe kamsham nga myit dai majaw, dai shani hta e kamsham nga ai ni mahkra hta shi mau mahka hkrum ai shaloi e,

YAWSHU 19:46

Me-jakon, Rakon hte Yopa tawtap na ga du hkra lawm nga ai.