YOELA 3:2 - Jinghpaw Hanson Version Bible

² maigan amyu ni yawng hpe ngai jahpawng nna, Yehosahpat kadit de yu wa shangun na nngai: shanhte gaw nye a sali wunli amyu Israela masha ni hpe, maigan amyu ni hta bra wa shangun ai majaw, dai yang e ngai shanhte hpe dawdan na nngai: shanhte gaw nye a mungdan hpe karan nna,

Jinghpaw Common Language Bible 2009

² Ngai gaw masha amyu baw ni yawng hpe jahpawng da nna, shanhte hpe Tara Jeyang ai Kadit de woi sa wa na nngai. Dai yang e, nye a amyu masha ni hpe shanhte galaw manu ai yawng mayawng a matu ngai shanhte hpe jeyang na nngai. Shanhte gaw Israela amyu masha ni hpe maigan mung de shaden kau nna nye a mungdan Israela hpe karan kau manu ai.

YOELA 3:2 ပူးပေါင်းရင်းမြစ်များ

2 HKAWHKAM LABAU 20:26

Ya mali ya du yang shanhte gaw Berahka kadit e zuphpawng nga nna, dai yang e Yehowa hpe shakawn kungdawn ma ai: dai re ai majaw dai shara hpe dai ni du hkra Berahka kadit ngu nna shamying da mu ai.

ESAIA 66:16

Yehowa gaw wan hte mung, shi a nhtu hte mung, hkrung mahkrung mahkra hpe tara dawdan nna, Yehowa sat kau ai ni, law na mara ai.

ESAIA 66:18

Kaning rai nme law, shanhte a arawn alai hpe mung shanhte a myit mang ai hku hpe mung, ngai chye nngai; masha amyu ni hte, ga amyu baw kaga tsun ai ni mahkra hpe, ngai zuphpawng shangun na aten du ra ai; shanhte mung sa du nna, nye a arawng sadang hpe mu lu na maru ai.

YEREMIA 12:14

Nye a amyu Israela hpe ngai madu shangun ai sali wunli hpe sa jahten ai, n hkru n hkra ni htingbu htingpyen ni mahkra a lam, Yehowa ning nga ai: Yu u, ngai gaw shanhte hpe tinang a mungdan kaw na baw kau nna, shanhte hta na Yuda masha ni hpe shaw kau na nngai.

YEREMIA 25:31

Ngoi kadu ai gaw, lamu ga htum hkra chyam na ra ai; kaning rai nme law, Yehowa gaw masha amyu ni hte dangrang hkat nga ai; shi gaw hkrung mahkrung hpe tara dara na ra ai; tara n lang ai ni hpe nhtu jahkrum na ra ai, nga nna Yehowa tsun ai, ngu nna ndai ga mahkra shanhte hpe htawn tsun mu.

YEREMIA 49:1

Ammon kashu kasha ni hpe lakap nna Yehowa ning nga ai: Israela hta shadang sha n pra a ni? sali wunli dagraw na wa, shi n lu a ni? Dai rai yang, Malhkam hpara gaw, hpa majaw Gad mung hpe madu la a ta? shi a masha ni gaw de a mare ni hta, hpa majaw dè nga ma ta?

YEREMIA 50:17

Israela gaw bra mat ai sagu rai nga ai, “hkanghkyi ni gaw, shi hpe jahtaw kau mu ai; moi shawng e Asuri hkawhkam shi hpe kawa sha nu ai; ya htawm hpang e Babelon hkawhkam Nebuhkadneza gaw, shi a nrut nra ni hpe daw kau nu ai.

EZEKELA 25:8

“Madu Yehowa ning nga ai: ‘Moba mung hte Seira bum gaw, Yu u, Yuda amyu gaw maigan amyu kaga mahkra hte maren tai wa sai,’ nga nna tsun ai majaw,

EZEKELA 34:6

Nye a sagu ni gaw bum lang shagu, tsaw ai kawng shagu ntsa e brak hkawm nga ma ai; gaja wa nye a sagu ni gaw ga ntsa ting hta bra wa nna, shanhte hpe hkan sawk tam ai wa n nga ai.”

EZEKELA 35:10

“Dai mung hta Yehowa shanu nga ninglen, nang gaw, ‘Ndai amyu lahkawng hte, ndai mungdan lahkawng hpe, ngai madu na nngai,’ nga nna tsun ndai majaw

EZEKELA 36:1

Bai nang gaw, “masha kasha e, Israela bum ni hpe myihtoi htoi nna tsun u: ‘Israela bum ni e, Yehowa ga madat mara mu:

EZEKELA 36:5

Gaja wa, nye a mungdan hpe up na matu, kabu gara ai myit hte kashun kashe la nna, manawn masham ai myit hte dai hpe lanep shatai lu hkra, pagawn re ai maigan amyu ni hte Edom amyu ting hpe, nye a myit sindawng kahtet ai wan hte ngai daru kau na nngai.

EZEKELA 38:22

Ngai gaw ana zinli hte mung, sat kau ai hte mung, shi hpe dawdan na nngai; shi a ntsa e mung, shi a hpyen masha ni a ntsa e mung, sin kaba, wan hte kan, tung hkra jahtu na nngai.

EZEKELA 39:11

“Dai shani e ngai gaw, Israela mung hta e, nawng a sinpraw maga sa wa ai nmaw lam kadit e, Goga hpe lup makoi na matu, lupwa jaw na nngai; dai hku Kadai n lai lu na mara ai; shanhte gaw dai yang e Goga hte shi a wunawng wuwa ni hpe lup makoi nna, dai shara gaw Hamon-goga nga nna mying na ra ai.

YOELA 3:12

Maigan amyu ni rawt nna, Yehosahpat kadit e lau lung wa mu ga: kaning rai nme law, dai yang e ngai dung nga nna, grup yin na amyu ni mahkra hpe, dawdan na nngai.

YOELA 3:14

Jeyang shangut ai kadit hta e, Yehowa a nhtoi du magang ra ai majaw, wunawng wuwa ni, jeyang shangut ai kadit hta e dè nga ma ai.

AMO LAIKA (AMOS) 1:11

Yehowa ning nga ai: Edom amyu a yubak masum hta n-ga, yubak mali majaw, ngai ari n jaw ai, nga na n rai: kaning rai nme law, shi gaw matsan hpa n dum ai, kahpu kanau wa hpe nhtu hte hkan shachyut let, pawt sindawng ai hte tut tut amya je kau nna, masin galoi n si hkraw ai.

MIHKA 4:12

Rai timung shanhte gaw, Yehowa myit mang ai hku n chye, shi hpaji daw ai lam hpe, n chye na ma ai: kaning rai nme law, shi gaw shanhte hpe hkauling zawn chyarang hta sumpum tawn mu ai.

ZEHPANI 3:8

“Dai re ai majaw, ngai hpyen gasat rawt ai shani du hkra, ngai hpe ala nga mi; kaning rai nme law, maigan amyu ni hte hkawhkam mungdan ni a ntsa e, nye a kahtet sindawng ai myit mahkra hpe ru bun na matu, shanhte hpe zuphpawng shangun na nga, ngai myit shatawng da nngai: nye a n-yun bu ai wan hte lamu ga ting hkru kau na ra ai, nga nna Yehowa tsun ai.

SHINGRAN 11:18

masha amyu ni n-yun bu nna, na a sindawng pawt ai dan pru ra ai; si ai ni hpe tara dara nna, na a shangun ma myihtoi ni hpe mung, na a chyoi pra ai ni hpe mung, na a mying nsang hpe hkrit hkungga ai kaji kaba ni hpe mung, shabrai htang jaw na hte, lamu ga jahten shabyak kau ai ni hpe bai jahten shabyak kau na nhtoi du ra ai law,” nga nna shakawn nga ma ai.

SHINGRAN 16:14

dai ni gaw lamik kumla galaw dan nna, Chyahtum chyalai n-gun rawng ai Karai Kasang a nhtoi kaba shani na majan gasat na matu, mungkan ting na hkawhkam ni hpe jahpawng la na pru sa wa ai nat a wenyi ni rai nga ma ai.

SHINGRAN 16:16

Dai nat wenyi ni gaw hkawhkam ni hpe, Hebre ga hte Hara Magedon ngu ai shara de jahpawng da mu ai.

SHINGRAN 16:6

kaning rai nme law, chyoi pra ai ni a asai hte myihtoi ni a asai shanhte ru kau ma ai rai nna, nang shanhte hpe asai bai lu shangun mu ai; dai gaw shanhte hkrum ging ai hku rai nga ai,” nga nna tsun ai, ngai na nngai.

SHINGRAN 20:8

lamu ga njut mali na Goga hte Magoga ngu ai masha amyu baw ni hpe hkalem la nna, majan gasat na matu jahpawng la na, pru sa wa na ra ai; shanhte a nambat gaw nammukdara zaibru daram law nga ai.