YOELA 2:2 - Jinghpaw Hanson Version Bible

² dai nhtoi gaw nsin sin ai hte sin mak nna, sumwi mung ai hte chyang htat ai nhtoi, rai nga ai; bum ni a ntsa e jahpawt manap nhtoi pri rai nga ai zawn, law la ai hte n-gun atsam rawng ai amyu du ra ai: dai zawn re ai gaw, shawng de galoi n byin yu ai; shanhte a hpang e mung, prat shaning law law du hkra, byin yu na n rai.

Jinghpaw Common Language Bible 2009

² Dai nhtoi gaw nsin sin nna, sin mak nhtawm chyang htat ai hte sumwi mung ai shani rai na ra ai. Bum ni a ntsa e nsin ka-up nga ai zawn n-gun ja ai dinggam-yaw hpyen hpung ni rawt lung wa nga ai. Dai zawn re ai gaw shawng de galoi mung n byin yu, htawm hpang de mung, galoi mung bai byin sana ra ai n rai.

YOELA 2:2 ပူးပေါင်းရင်းမြစ်များ

SHAKAWN KUNGDAWN 10:6

“Ngai galoi mung htawt mat ai hkrum na nngai n rai, Prat dingsa e yubak n hkrum ai wa, ngai rai nga nngai,” nga nna shi a kraw e a tsun nga ai.

SHAKAWN KUNGDAWN 97:2

Sumwi hte nsin shi a grup yin e nga nga ma ai; Dingman ai hte tara dara ai gaw, shi a tingnyang a npawt nhpang rai nga ai.

PRU MAT 10:14

Dai dinggam-yaw ni gaw Egutu mung ting hpe galup nna, Egutu lamu ga jarit grup hkra hkrat ka-up nga ma ai: dai ni gaw nachying htat nga ai hte, dai zawn re ai dinggam-yaw gaw shawng de mung n byin yu, hpang de mung byin na ra ai n rai:

PRU MAT 10:6

na a nji nwa ni mung, na a nji nwa ni a kaji kawa ni mung, dinghta ga de pra pru ai nhtoi kaw nna ya du mateng n mu yu ai, dai dinggam-yaw ni gaw na a nta ni hta mung, na agyi salang ni a nta ni hta mung, Egutu masha ni yawng a nta ni hta mung hpring chyat nga na mara ai,” nga nna tsun nhtawm, Hpara-u kaw na kayin pru mat wa ma ai.

PRU MAT 20:21

Dai rai nna amyu masha ni gaw tsan tsan kaw e tsap nga ma ai; Mawshe chyawm gaw Karai Kasang rawng ai htat ai sumwi de sit sa wa ai.

ESAIA 5:30

Dai shani e shanhte gaw nammukdara wu kadu ai nsen hte zawn, shanhte hpe wu atet nna, dai mung hpe mada yu yang, yu u, nsin sin ai hte shoihpa shoirang hkrai rai nga ai; de a sumwi de na nhtoi pyi, nsin chyip rai mat sai.

ESAIA 8:22

ga de mada yu yang, yu mu, ru tsang ai, nsin sin ai hte myit htum ai sin mang hkrai rai nga ai: shanhte gaw nsin htat ai shara de gawt kau ai hkrum na mara ai.

YEREMIA 13:16

Karai Kasang gaw, nsin hpe garai n shangun ai hte, nanhte a lagaw nsin sin ai bum ni a ntsa e garai n ahtu kataw nna, nanhte nhtoi hpe myit mada nga yang, shi dai hpe si du a shingnip hte htat ai nsin garai n shatai dingsa, nanhte a Karai Kasang Yehowa hpe shagrau sha-a mu.

YEREMIA 13:6

Dai hpang nhtoi tsawmra na jang, Yehowa gaw, Rawt u, Uhprat hka de sa su; ngai hkang da ai hte maren, dai yang e nang makoi da ai shingkyit hpe shaw la su, nga nna ngai hpe tsun ai.

SHARUNG SHAYAWT 1:12

Ndai lam lai ai ni yawng hte e, nanhte hpa n nawn myit ni? Yehowa gaw shi pawt bu ai nhtoi hta, nye ntsa e shapraw ai yawn hpa zawn, Yawn hpa kaga naw nga ai kun, myit sumru yu mu.

EZEKELA 32:7

Ngai nang hpe shamyit kau yang, sumsing lamu hpe ngai magap kau nna, shagan ni hpe jasin kau na nngai; ajan hpe sumwi hte ngai ka-up nna, shata mung n htoi mat na ra ai.

EZEKELA 34:12

Sagu rem wa gaw, bra nga ai sagu ni hpe hkan tam shakut ai hte maren, ngai mung nye a sagu ni hpe hkan tam na nngai: lamu mu nna sin ai shani e, shanhte bra wa ai shara shagu hkan na, ngai shanhte hpe shaw woi wa na nngai.

EZEKELA 38:9

Nang gaw laru marang zawn lung wa nna, nang hte, nang hta lawm ai hpyen masha wunawng wuwa yawng hte hpawn, dai mungdan hpe sumwi zawn ka-up na marin dai.”

Daniela 12:1

“Ndai aten hta e, na a amyu masha ni hpe makawp maga nga ai, du kaba ngu ai, Mihkaela rawt pru na ra ai rai nna, masha amyu tai hpang ai kaw nna, ndai aten du hkra, galoi n byin yu ai, ru tsang ai aten du na ra ai: ndai aten hta e, jahpan laika hta mying lawm ai, na a amyu masha ni yawng lawt lu na mara ai.

Daniela 9:12

Anhte hpe mung, anhte hpe tara dara ai, anhte a tara agyi ni hpe mung, daru ai ga hpe shi shagrin nna, tsin-yam tsindam kaba anhte a ntsa e shapraw nu ai: kaning rai nme law, Yerusalem mare hta byin ai zawn, sumsing lamu npu e kanang n byin yu sai.

YOELA 1:6

Kaning rai nme law, hti n dang law ai, n-gun ja ai amyu, nye a mungdan ntsa de lung wa sai: de a awa gaw hkanghkyi a awa zawn, de a kawng gaw hkanghkyi yi a kawng zawn, rai nga ai.

YOELA 2:25

Ngai nanhte hpang de shangun dat ai, nye a hpyen luksuk kaba ngu ai, dinggam-yaw, hkakrit, shingchyut hte shingtai sha kau ai shaning ni, ngai nanhte hpe bai hkin ya na nngai.

YOELA 2:31

Galu kaba re ai hte, hkrit mai ai, Yehowa a nhtoi garai n du yang, ajan hpe nsin hte, shata hpe asai hte, galai kau na ra ai.

YOELA 2:5

Dai ni gaw, bum pungding ntsa e, ngoi ai hpyen leng zawn, yi hku hkru ai wan shinglet zawn, hpyen htim na matu hkyen tawn ai n-gun ja ai amyu zawn, wu nna, gumtawng shingtawt nga ma ai.

YOELA 3:4

Gaja wa, Turu, Sidon hte Hpilisti ginwang mungdaw ni e, nanhte ngai hte hpa seng a ta? nanhte ngai hpe matai dawp na rai myit ni? Ngai hpe matai dawp yang, nanhte a matai dawp ai lam, ngai nanhte a baw ntsa e alawan akajawng sha nhtang dat na nngai.

AMO LAIKA (AMOS) 4:13

Kaning rai nme law, yu u, bum ni hpe gaw da nna, nbung hpe hpan da ai hte, masha a myit mang ai hpe shapraw shadan chye ai wa, jahpawt nhtoi hpe nsin shatai ai hte, ga ntsa na tsaw htum ai shara ni hpe kabye hkawm ai wa gaw, Zaw nawng zaw wa up ai, Karai Kasang Yehowa, mying ai wa rai nga ai.

ZEHPANI 1:7

“Madu Yehowa man e asim sha nga u; Yehowa a nhtoi du magang ra ai: Yehowa gaw shagu hkungga nawng na poi shachyip da nna, lawm ai ni hpe san da nu ai.

ZEHKARIA 14:6

Dai shani e nhtoi n htoi na ra ai; nhtoi hkum ni n pru mat na ra ai:

MAHTE 24:21

kaning rai nme law, mungkan ga nnan lat kaw nna ya du hkra n byin yu ai hte hpang de mung n byin lu na ru tsang kaba gaw, dai shaloi e byin pru na ra ai.

MARKU 13:19

Kaning rai nme law, Karai Kasang hpan tawn da ai, ginding aga nnan lat kaw nna ya du hkra n byin yu ai hte, hpang de mung n byin lu na, ru tsang ai gaw, dai nhtoi hte hta e byin pru na ra ai.

TARA JAHPRANG 32:7

Moi chyaloi nhkoi na hpe dum mu, Lai mat wa sai prat ni hpe aru yu mu; Na nwa hpe san u, shi tsun na ra ai, Dingla ni hpe gawn yu u, shanhte hkai dan na mara ai.

HEBRE 12:18

Kaning rai nme law, nanhte gaw lata e ahtawk hkrum lu ai hte wan grung nga ai bum de mung, achyang amang re ai, nsin chyip mak re ai, laru ru ai,

YUDA 1:13

tinang a kaya kahpa hpe hkumbawp zawn shabawp ma ai, nawng na hta wa ai hka leng ni hte, prat dingsa na chyang htat ai nsin hta e rim da hkrum ai, pran mat ai shagan ni zawn, shanhte rai nga ma ai.

SHINGRAN 9:2

Shaloi, dai sung htum ai shara na nhkun hpe shi hpaw dat wu ai rai nna, wan htung kaba a wan hkut zawn, dai nhkun hta na wan hkut mawng lung wa ai hte, dai nhkun a wan hkut majaw, ajan hte lamu ganghkau lapran e nsin sin wa ai.