YOELA 1:3 - Jinghpaw Hanson Version Bible

³ Dai lam nanhte a nshu nsha ni hpe hkai dan mu; shanhte gaw tinang a kashu kasha ni hpe, hkai dan mu ga; bai shanhte gaw shu mashi shu masha prat na ni hpe hkai dan mu ga.

Jinghpaw Common Language Bible 2009

³ Dai hte seng ai lam nanhte a kashu kasha ni hpe tsun dan mu; shanhte mung shanhte a kashu kasha ni hpe tsun dan na mara ai, hpang prat ban mi hte ban mi hkai shachyaw mat wa na mara ai.

YOELA 1:3 ပူးပေါင်းရင်းမြစ်များ

SHAKAWN KUNGDAWN 145:4

Shu mashi shu masha ni prat mi hte prat mi, Na a bungli hpe shagrau na mara ai; Na a daru magam hpe hkai dan nga na mara ai.

SHAKAWN KUNGDAWN 44:1

Karai Kasang e, anhte na hte anhte na yu saga ai, anhte a ji woi ni anhte hpe hkai dan ma ni ai: Moi ji woi ni a lakhtak e, amu langai mi nang galaw nit dai.

SHAKAWN KUNGDAWN 71:18

Dai majaw Karai Kasang e, prat mi hte prat mi na a lata, Hpang na ni hpe na a atsam ngai madun dan ya ai du hkra, Dingla nna baw hpraw timung, ngai hpe hkum jahti da et.

PRU MAT 13:14

“Hpang prat e, Ndai hpa rai ta? nga nna na nsha nang hpe san yang, nang gaw, Egutu mung e mayam nta kaw na n-gun rawng ai lata hte Yehowa anhte hpe shaw la mi ai:

ESAIA 38:19

Hkrung nga ai wa sha, gaja wa hkrung nga ai wa sha, dai ni ngai galaw ai hte maren, nang hpe shakawn na ra ai: Kawa gaw kashu kasha ni hpe, na a tengman ai lam sharin na ra ai.

TARA JAHPRANG 6:7

ga ndai, na nsha ni hpe nang sharin achyin ya nga lu na rai ndai; nta e dung nga let mung, lam e hkawm sa let mung, taw nga rawt wa let mung, ga dai a tsun nga lu na rai ndai.