YOBA 11:6 - Jinghpaw Hanson Version Bible

⁶ Anhte chye lu ai hta n-ga, shi htam law law wa chye chyalu rai nga ai majaw, makoi da ai hpaji shi nang hpe madun dan u ga: nang hkam ging ai yubak hta na, Karai Wa shayawm kau nga ai, chye u.

Jinghpaw Common Language Bible 2009

⁶ Hpaji byeng-ya chye lu na matu lam maga law law nga ai mung, shinggyim masha a machye machyang a matu nau sung ai amu ni nga nga ai lam mung, shi nang hpe tsun dan na wu ai. Nang hkam la ging ai mara hta shayawm nna, Karai Kasang nang hpe ari jaw nga ai.

YOBA 11:6 ပူးပေါင်းရင်းမြစ်များ

EZRA 9:13

Ya rai timung, anhte a n shawp ai amu hte kaba la ai yubak majaw, anhte hkrum sha ai ari hpe yu yang, anhte ram ging ai daram nang anhte hpe ari n jaw ninglen

SHARUNG SHAYAWT 3:22

Yehowa a chyeju majaw sha, anhte n htum mat ga ai; shi a matsan dum ai myit ma mat chye ai, n rai.

EHPESU 3:5

dai lam chyawm gaw, dai kabu gara shiga a marang e, Hkristu Yesu hta e, maigan amyu ni gaw Yuda ni hte rau, ga ndat a sali wunli hkam la lu nna, shanhte hte rau hkumhkrang langai sha hte, ga ndat ni hpe jawm lu jawm la ai ni rai nga ma ai hpe,

MAHTE 13:35

“Nye a n-gup, ga shadawn hte ngai hpaw nna, Ginding aga nnan lat kaw nna, makoi da ai ga hpe ngai htai dan na nngai,” nga nna myihtoi tsun ai ga dik wa u ga, ga shadawn hte n rai yang gaw, shi shanhte hpe hpa mung n tsun dan yu ai.

Daniela 2:28

rai timung, makoi magap lam shapraw shadan lu ai Karai Kasang gaw, sumsing lamu e dung nga ai; shi gaw, htawm hpang e byin na ra ai lam, hkawhkam Nebuhkadneza hpe madun dan nu ai. Na a yup mang hte, na a yup ku ntsa e nang mu ai shingran gaw, da ndai rai nga ai:

YOBA 15:8

Karai Wa a salang bawng hta, nang lawm sa ni? hpaji hkum sumhpa hpe, nang kashun la nu ni?

Daniela 2:47

Bai hkawhkam wa gaw, Daniela hpe, “Ndai makoi magap lam nang shapraw dan lu ndai majaw, gaja wa na a Karai Kasang gaw, hpara ni a Karai Kasang, hkawhkam ni a Madu, makoi magap lam shapraw dan lu ai wa rai nga ai,” ngu nna tsun wu ai.

SHAKAWN KUNGDAWN 25:14

Yehowa hpe hkrit kamyin ai ni, shi a sung ai lam chye nga nna, shi shanhte hpe shi a ga shaka chye lu shangun mu ai.

YOBA 15:11

Karai Wa matsan dum ai hte, nang hpe tsun ai ga ngwi, na a man e kaji nga a ni?

YOBA 15:5

Na tawt lai ai myit na n-gup hpe tsun sharin ya nga ai; hkalem ai wa a shinglet, nang lata la ndai.

YOBA 9:4

Hpaji hkum ai hte n-gun lagaw rawng htum ai wa hpe kadai wa daw hkat nna, dang kau lu na rai ta?

SHAKAWN KUNGDAWN 103:10

Anhte a yubak hte maren, shi bai tai mi ai n rai. Mara lu ai hte maren, anhte hpe ari jaw mi ai, n rai.

YOBA 28:28

Shinggyim masha hpe chyawm gaw, yu u, Madu hpe hkrit hkungga na, hpaji byeng-ya rai nga ai; yubak mara koi kau na, chye chyang ai lam rai nga ai, ngu nna hkang da nu ai,” nga ai.

YOBA 11:5

Karai Wa gaw ga tsun u ga le; nang hpe sha-ang nna shi n-gup hpaw u ga lè.

YOBA 12:13

Karai Kasang chyawm gaw, hpaji byeng-ya hte daru magam rawng nga ai; shi hta hpaji daw ai hte, myit tsup ai nyan, hpring nga ai.

YOBA 22:5

Nang galaw ai yubak kaba la nga ai, n rai ni? Nang tawt lai ai mara n htum hkraw nga a hka.

YOBA 33:12

Yu u, Karai Wa gaw masha hta grau kaba nga ai majaw, nang tsun ai ga n htuk nga ai, ngai htan nngai law.